Abhafiripi 4:18 - Eriragano Erihya

¹⁸ Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

Abhafiripi 4:18 ပူးပေါင်းရင်းမြစ်များ

Amakorwa ga Abhatumwa 10:4

Korinerio akamumaahirira maraika kwa obhoobha, kimwi akamubhuurya ega, “Omukuru, niki kibheeri?” Maraika uyo, akamukeerya ega, “Waryubha yeegwiri amasabho gaaho na aruuji kya ego orabheera abhatobhu. Gayo gonsego, aragahiituka murwire eyo.

Abharuumi 12:1

Bhoono, abhahiiri bhaani kuimani, mumanyiri kya ego Waryubha aratumaahira ekyabhira. Kwa ego mbe, ndabhakomererya ega, mwiruusye obhuhoru bhwenyu ku Waryubha. Mubhe kya ebhimwenso ebhihoru, ebhirabhu, ebhijomu, bhinú bhiramungʼarira Waryubha. Okukora ego, nko enjira ya heene ya okumusyengera Waryubha.

2 Abhakorinto 11:8

Hanú naakoranga emirimu kubheenyu, naaringa ndanyoora obhubheeri okurwa mumakanisa agandi. N-kya muna naaringa ndabharuusya ebhintu bhyabho, naho mbabheere bheenyu bira bheenyu okuruusya ekintu kyenyu kyokyonse.

2 Abhakorinto 9:12

Eribha ego, kwa okubha emirimu ginú murakora, gitakubheera abheekirirya bha Yerusaremu bhanú bharasuuhirwa abheenego, nawe girakora abhantu abhaaru, bhamukumye Waryubha bhukongʼu.

Abhaefeso 5:2

Mwikarane kwa obhuhanje, kya ego Kiristu yaabhahanja bheenyu, akeeruusya okukwa kurusumo rwetu, akabha ekimwenso na esadaaka inú erarangasira ku Waryubha.

Abhafiripi 4:12

Nihigiiri okwikara kitobhu, kweki nihigiiri okwikara kiniibhi. Nihigiiri okwikara okuringʼaana na amangʼana gogonse ganú garannyoora, ebhe n-kwibhaga rya ebhyakurya kasi n-kwibhaga rya enjara, ebhe n-kwibhaga rya okubha na ebhintu ebhyaru, kasi n-kwibhaga rya okusuuhirwa.

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

Abhaebhurania 13:16

Mugendererye okubhabheera abharikyenyu, na okubha na obhumwi nabho kubhintu bhinú muunabhyo. Okukora ego, nkyo ekimwenso kinú kiramungʼarira Waryubha.

1 Petero 2:5

mumanye ega, bheenyu bhonse n-kya amagina amahoru, murahagaajwa na Waryubha mubhe enyumba ya omutima. Kweki arabhakora mubhe abhasyengeri bhanú bhasorerwe okuruusya ebhimwenso kurusumo rwa emitima, bhinú bhiramungʼarira kwa obhuturo bhwa Yeesu Kiristu.