Abhafiripi 4:14 - Eriragano Erihya

¹⁴ Kora ego, mwakora bhujomu hanú mwasanga na oni munyanko yaani.

Abhafiripi 4:14 ပူးပေါင်းရင်းမြစ်များ

Mataayo 25:21

“Omukuru waaye, akamukeerya ega, ‘Okoreri bhwaheene, omukori wa emirimu wa enkoro enjomu na omuheene. Waabha omuheene kumangʼana amake, kwa ego, ndakutuura okubha omwimiririri wa ebhintu ebhyaru. Njo ojomerwe hamwi na omukuru waaho.’

Abharuumi 15:27

Bheeki abheene mbo bhaamura okukora ego, na m-maheene ega, bharatongwa okubhabheera. Bharatongwa, kwa okubha abheekirirya bhanú bhataringi Abhayahudi, bhagwateeni hamwi na Abhayahudi, kuginonkwe gya obhutuurya ginú girahitira ku Bhayahudi. Kwa ego, abheekirirya bhanú bhataringi Abhayahudi, bhareenderwa bhabheere Abhayahudi kwa ebhintu bhyabho.

Abhagaratia 6:6

Omwihigira wa eringʼana rya Waryubha, abhenga aramugabhira-ko omwihigirya waaye, ebhintu ebhijomu bhinú aranyoora.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 4:18

Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

1 Timoteo 6:18

Kweki, obhakeerye bhakore amajomu, naho bhabhe abhaniibhi kwa okukora amajomu, bhabhe abhaserenʼya na bheeseemye okugwatana na abharikyabho kubhintu bhyabho.

Abhaebhurania 10:33

Eribhaga erindi abhantu bhaaringa bharabhatuka na okubhanyankya harabhu. Eribhaga erindi mwaringa murabhabheera bhanú bhaaringa bharanyoora eginyanko kya giyogiyo.

Abhaebhurania 10:34

Kweki mwaringa murabhamaahira ekyabhira abharikyenyu bhanú bhaabhohwa mwigereja. Kweki hanú abhantu bhaabharuusyanga ebhintu bhyenyu, mwaringa murajomerwa, kwa okubha mwaringa mumanyiri ega, mumitima gyenyu muuna ebhintu ebhijomu bhukongʼu bhinú bhitakuhwa kora orusiku rumwi.

Abhaebhurania 13:16

Mugendererye okubhabheera abharikyenyu, na okubha na obhumwi nabho kubhintu bhinú muunabhyo. Okukora ego, nkyo ekimwenso kinú kiramungʼarira Waryubha.

Obhukundukuri 1:9

Oni Yoana omuhiiri weenyu kuimani, ndagwatana na bheenyu kukunyanka na okwigumirirya kurusumo rwa Yeesu na obhukama bhwaye. Naajibhibhwa kwa okutuurwa kwiginga rinú rirabhirikirwa ega, Patimo, kwa okubha naaringa ndaraarika eringʼana rya Waryubha na okuruusya obhwimiririri eguru ya Yeesu.