Abhafiripi 4:1 - Eriragano Erihya

¹ Kwa ego, abhahiiri bhaani abhahanje kuimani, munage okumwisigira Omukuru Yeesu. Mbahanjiri na ndeegomba okumaahana na bheenyu. Bheenyu m-bujomerwa bhwani kweki m-mutuho gwani gunú ngʼeerwe okurekana na emirimu ginú nkoreri.

Abhafiripi 4:1 ပူးပေါင်းရင်းမြစ်များ

Mataayo 10:22

Abhantu bhonsego bharibhajimira kurusumo rwa eriina ryani. Nawe, wowonse unú ariigumirirya okuhikira kubhuteero, ngʼo Waryubha arimutuurya.

Yoana 8:31

Mbe, Yeesu akakeerya Abhayahudi bhanú bhaamwikirirya ega, “Nyoore muragendererya okugwata ameehigiryo gaani, hayo nho muraabhe abheehigira bhaani bha heene.

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Amakorwa ga Abhatumwa 14:22

Bhaaringa bhareemya abheekirirya bha mumigi giyo, na okubhateremya bhagume kuimani. Bhaabhakeeryanga ega, “Bheetu bhonsego tureenderwa tuhitire munyanko enene, naho tusohe mubhukama bhwa Waryubha.”

Amakorwa ga Abhatumwa 2:42

Abheekirirya bhonsego, bhaaguma okwihigira okurwa kubhatumwa bha Yeesu. Bhaagwatana ekigwatani, bhaabhanga bharasuunura omukaate hamwi, na bhaabhanga bharasabha hamwi.

Abharuumi 2:7

Aribhahaana obhuhoru bhwa koko, abhantu bhanú bhareegumirirya okukora amajomu, kwa okubha bharatuna eginkuma, obhusuuku, na obhuhoru bhunú bhurarwa ku Waryubha.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

1 Abhakorinto 16:13

Mutengeeje, munage kuimani, kweki mubhe abhasajasaaja na abha eginguru.

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

Abhagaratia 5:1

Kiristu atutungwirye okurwa mubhugaya bhwa amaragiriryo, naho twiyagaare. Mbe, munage kuimani, kora kweki muteekirirya okuhunjuka mubhugaya bhwa amaragiriryo.

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhafiripi 1:8

Waryubha amanyiri ega, ndagamba obhuheene hanú ndakomererya ega, ndeegomba bhukongʼu okubhamaaha bhonsego kweki. Mbahanjiri bheenyu kwa obhuhanje bhuryabhurya kya ego Kiristu Yeesu abhahanjiri bheenyu.

Abhafiripi 2:16

Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

Abhafiripi 2:26

Ndamutuma kwa okubha areegomba okumaahana na bheenyu bhonsego, na arasurumbara kwa okubha mweegwa ega, yaaringa omurweri.

Abhakorosai 4:12

Epafura, omuntu wa oweenyu eyo, omugaya wa Kiristu Yeesu, arabhakeeranʼya. Arakora ekituunyo okubhasabhira bheenyu eginsiku gyonsego, ega, munage na mubhe mwimiri, na mubhe abhateremu kugonsego ganú Waryubha areenda.

1 Abhatesaronike 3:13

Kweki abhateremye, naho mubhe abharabhu bha omutima, mutaana amasoro embere ya Waryubha Taata weetu, eribhaga rinú Omukuru weetu Yeesu ariija, hamwi na abharabhu bha omutima bhaaye bhonsego.

2 Abhatesaronike 2:15

Mbe bhoono, abhahiiri bheetu kuimani, munage kuimani na okugwata ameehigiryo ganú mweehigiribhwa kwa amangʼana geetu kasi kwa enyarubha yeetu.

2 Timoteo 2:1

Bhoono, omwana waani, obhe na eginguru kwiruguto rinú turanyoora kwa enjira ya okumwikirirya Kiristu Yeesu.

Abhaebhurania 10:23

Twikongʼererye bhukongʼu okugagwata ganú tureekirirya na okugeesigira, kwa okubha Waryubha m-muheene, arakora kya ego oranyoora aragiri.

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

Abhaebhurania 4:14

Mbe, tuuna Omusyengeri Omukuru, Yeesu Omwana wa Waryubha, unú yaagya akasoha murwire. Kwa ego tugwate bhukongʼu eimani yeetu inú tureekirirya.

2 Petero 3:17

Mbe, bheenyu abhahanje bhaani, kwa okubha mumariri okumanya eguru ya abheehigirya bha obhubheehi, bhoono mwiyangararire na abhasarya bhayo, bhatariija okubhahabhya kwa obhubheehi bhwabho naho mutige okunaga kubhuheene.