Abhafiripi 3:8 - Eriragano Erihya

⁸ Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

Abhafiripi 3:8 ပူးပေါင်းရင်းမြစ်များ

Ruuka 1:43

Oni niwi, kora ngʼina waabho Omukuru weetu uujiri okunkeeranʼya?

Ruuka 11:20

Nawe, nyoore oni ndakenyia ebhihwi kwa obhuturo bhwa Waryubha, mbe mumanye ega, obhukama bhwa Waryubha bhumariri okubhahikiira.

Yoana 14:20

Orusiku ruyo, murimanya ega, oni ndingi munsi wa Taata, na bheenyu muringi munsi waani, na oni ndingi munsi weenyu.

Yoana 14:7

Nyoore mukaamanyiri oni, mbe mukaabheeri mumumanyiri na Taata. Okwambira bhoonwego, mumumanyiri, kweki mumuruuji.”

Yoana 16:3

Bharibhakorera ego, kwa okubha bhatamumanyiri Taata, na kora oni nonse bhataammanyiri.

Yoana 17:3

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

Yoana 17:8

kwa okubha mbakeererye gonsego ganú waankeerya, bhonse bhageekiriirye. Bhamanyiri obhuheene ega, naarwa kuuwe, kweki bheekiriirye ega, nuuwe waantuma.

Yoana 20:13

Bhamaraika bharya bhakamubhuurya ega, “Ee maayi, kwaki orakuura?” Wonse akabhakyukya ega, “Abhantu bhagegeri omubhiri gwa Omukuru waani, kweki ntakumanya enú bhaguteeri!”

Yoana 20:28

Tomaso akamukyukya ega, “Omukuru waani na Waryubha waani!”

Amakorwa ga Abhatumwa 20:24

Kora nkaakwa, kitari ekintu kuoni, naho ndeenda mmare emirimu ginú Omukuru Yeesu yaangʼaana ngikore. Emirimu giyo, n-gya okuraarikira abhantu Amangʼana Amajomu ga eriruguto rya Waryubha.

Abharuumi 8:18

Oni niina obhuheene ega, enyanko yeetu ya eribhaga rinu, etaringi ekintu, nkaairingʼaanʼya na obhukuru bhunú Waryubha arituhaana kwibhaga rinú riraaja.

1 Abhakorinto 2:2

Hanú naaringa kubheenyu eyo, naamura ega, ngambe amangʼana eguru ya Yeesu Kiristu ageenego, ekinene okukwa kwaye kumusarabha, bira okugamba ekintu ekindi.

1 Abhakorinto 9:10

Kasi aragamba amangʼana gayo kurusumo rwetu? Niigo eringi! Amangʼoore gayo gaangʼoorwa kurusumo rwetu, kwa okubha omurimi wa obhuro, na omugesi wa obhuro, kira oumwi areenderwa okwisiga ega, arinyoora omugabho gwaye.

2 Abhakorinto 4:4

Abhantu bhayo bhatakumwikirirya Yeesu, kwa okubha Erisambwa, rinú riratunga ekyaro kinu, rikundikiirye obhungʼeeni bhwabho. Kiyo nkyo kirakora bhatamwe okurora endingaasi ya Amangʼana Amajomu ga obhukuru bhwa Kiristu. Kiristu ngʼo ekirengekanʼyo kya Waryubha.

2 Abhakorinto 4:6

Waryubha yaagamba ega, “Obhurabhu bhumirike mukisunte.” Na weeki ngʼo yaamirika emitima gyetu, na okutukora tumanye obhukuru bhwaye, bhunú bhurangʼesangʼesa mubhusu bhwa Yeesu Kiristu.

Abhagaratia 1:16

okuntubhurira kya ego Omwana waaye aringi. Yaakora ego, naho ndaarike Amangʼana Amajomu eguru ya Omwana waaye uyo, kubhantu bhanú bhataringi Abhayahudi. Oni ntaatuna omuntu owa okuntongera kinú ndaakore.

Abhaefeso 4:13

Eringʼana riyo, riraagendererye okuhikira bheetu bhonsego hanú turibha abhaniibhi kuimani yeetu, na okumumanya Omwana wa Waryubha. Turibha abhantu bhanú tunagiri, kya Kiristu.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

Abhafiripi 3:10

Ndeenda mmumanye bhukongʼu Kiristu, na eginguru ginú Kiristu yaaringa nagyo eribhaga rya okuhyuka kwaye. Ndeenda nnyanke kya ego weeki yaanyanka, kora okuhikira okukwa,

Abhafiripi 3:12

Oni ntakugamba ega, mmariri okuhika kubhuteero, kasi ega, mmariri okukunaana, tiigo-ha, nawe ndagendererya okwigumirirya naho nnyoore, ganú Kiristu Yeesu yaambirikirira.

Abhafiripi 3:7

Nawe bhoono, amangʼana gayo naaroranga ega, gaana obhwera, ndagarora ega, gataana obhwera kwa okubha ngwateeni na Kiristu.

2 Timoteo 4:6

Ndakukeerya gayo, kwa okubha amanyinga gaani, garingi haangʼi okwitirwa kya ekimwenso kya edivai ahasi ha okumwensera. Eribhaga ryani rya okukwa riringi haangʼi.

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

1 Petero 2:7

Kubheenyu bhanú mureekirirya erigina riyo, ni-rya okusuukwa. Nawe, kubhanú bhatakwikirirya, Amangʼoore Amarabhu garagamba ega, “Erigina rinú abhahagaaji bhaangiri, ndyo ryabheeri erigina erikuru rya obhurusa.”

2 Petero 1:2

Ndabhasabhira ku Waryubha abhoongerye eriruguto na omurembe, kukumumanya weeki na Yeesu Omukuru weetu.

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

2 Petero 1:8

Nyoore muraabhe na eginkuma giyo, na nyoore giraagendererye okwaruha, giribhakora okubha abha ekituunyo na abha okuruusya emisumo gya okumumanya Omukuru weetu Yeesu Kiristu.

2 Petero 3:18

Nawe, mugendererye okunaga kwiruguto na okumumanya Omukuru na Omutuurya weetu Yeesu Kiristu. Weeki agungibhwe, bhoonwego na kora koko!

1 Yoana 1:3

Kinú twamaaha na okwigwa, nkyo turabharaarikira, naho bheenyu bhonse, muture okugwatana na bheetu kubhumwi hamwi na Taata Waryubha na Omwana waaye Yeesu Kiristu.

1 Yoana 2:19

Abhantu bhayo, bhaarwa mumakanisa geetu, nawe, maheene bhataaringa abheetu. Maheene uuja okunyoora bhaaringa abheetu, bhakaatamiri kubheetu. Nawe, bhaarwa-mo, naho emanyikane ega, maheene bhataaringa abheetu.

1 Yoana 5:20

Kweki tumanyiri ega, Omwana wa Waryubha amariri okuuja, weeki atuheeri obhungʼeeni, naho tumumanye Waryubha wa obhuheene. Bheetu tuuna obhumwi na Waryubha wa obhuheene, kwa okubha tuuna obhumwi na Omwana waaye Yeesu Kiristu. Uyo ngʼo Waryubha wa obhuheene na ngʼo aratuhaana obhuhoru bhwa koko.