Abhafiripi 3:5 - Eriragano Erihya

⁵ Naasaarwa orusiku rwa munaane okurwa okwibhurwa, ndarwira mwikabhira rya Bhenjamini, mukyaro kya Isiraeri. Oni ndingi Omwibhurania eritinya. Eguru ya okugwata amaragiriryo ga Musa, oni naagagwata bhwaheene, kwa okubha naaringa Omufarisaayo.

Abhafiripi 3:5 ပူးပေါင်းရင်းမြစ်များ

Ruuka 1:59

Omwana uyo, hanú yaahikya orusiku rwa munaane, bhakaaja okumusaara. Bhakeenda bhamuhaane eriina rya esewaabho, Jakaria.

Ruuka 2:21

Omwana uyo, hanú yaahikya orusiku rwa munaane, bhakamusaara, bhakamutoga Yeesu. Riyo ndyo eriina rinú maraika yaaringa amariri okumuhaana, eribhaga ngʼina waabho yaaringa akyari okugega enda.

Ruuka 5:38

Nawe edivai enhya, ereenderwa etuurwe muginsaho eginhya!

Amakorwa ga Abhatumwa 22:3

“Oni m-Muyahudi, omwibhurwa wa mumugi gwa Tarso, mukyaro kya Kirikia. Nawe, naarererwa mumugi gwa Yerusaremu hanu. Gamarieri ngʼo yaanyihigirya okugwata kwa obhuheene amaragiriryo ganú twatigirwa na bhajaaji weetu. Naakora ekituunyo bhukongʼu okumukorera emirimu Waryubha, kya ego bheenyu murakora reero inu.

Amakorwa ga Abhatumwa 23:6

Eribhaga riyo, Pauro yaaringa amariri okumanya ega, gati ya abhantu bhayo, abhandi m-Basadukaayo na abhandi m-Bafarisaayo. Kwa ego, Pauro akagamba kwa eriisi erinene embere wa eribharaja erikuru riyo ega, “Abhahiiri bhaani, oni m-Mufarisaayo, m-mwana wa Abhafarisaayo. Njongeerwe hanu, kwa okubha ndeekirirya ega, abhaku bharihyuka.” Hanú yaamara okugamba ego, eriihe rikeebhuka gati ya Abhafarisaayo na Abhasadukaayo. Bhaahukana, kwa okubha Abhasadukaayo bhateekiriryanga ega, obhuhyuki bhwa abhaku bhuriho, bhamaraika bhariho kora eginkoro giriho. Nawe, Abhafarisaayo bheekiriryanga gayo gonsego.

Amakorwa ga Abhatumwa 6:1

Kuginsiku giyo, abheekirirya bha Yeesu bhaagendereryanga okwaruha bhukongʼu. Gati yaabho bhaaringa-ho Abhayahudi bhanú bhaahairanga Ekiyunani, na Abhayahudi abhandi bhanú bhaahairanga Ekiaramu. Mbe, Abhayahudi bha Ekiyunani bhakeengʼeheerya ega, kumirimu gya obhugabhi bhwa ebhyakurya bhya kira orusiku, abhasino bhaabho bhataagabhirwanga ebhyakurya na Abhayahudi bha Ekiaramu.

Abharuumi 11:1

Mbe, ndabhuurya ega, bhoono, Waryubha yaangiri abhantu bhaaye? Tiigo-ha kora ahake, kwa okubha oni nonse m-Mwisiraeri, okurwa kurwibhuro rwa Abhurahamu, okurwa kwikabhira rya Bhenjamini.

2 Abhakorinto 11:22

Nyoore bheeki m-Baebhurania, na oni nonse m-Mwibhurania. Nyoore bheeki m-Baisiraeri, na oni nonse m-Mwisiraeri. Nyoore bheeki m-bahiiri Abhurahamu, na oni nonse m-muhiiri Abhurahamu.