Abhafiripi 3:3 - Eriragano Erihya

³ Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

Abhafiripi 3:3 ပူးပေါင်းရင်းမြစ်များ

Abharuumi 1:9

Waryubha unú ndamukorera emirimu kwa omutima gwani gonsego, kwa okuraarikira abhantu Amangʼana Amajomu eguru ya Omwana waaye, amanyiri kya ego ndabhasabhira eribhaga ryonsego.

Abharuumi 15:17

Bhoono, okurekana na okugwatana kwani na Kiristu Yeesu, ndatura okwigungirya emirimu ginú ndakora kurusumo rwa Waryubha.

Abharuumi 7:6

Twaringa tubhoherwe na amaragiriryo, nawe bhoono, tukwiri hamwi na Kiristu, kwa ego, tunyooreri obhwiyagaari okurwa kumaragiriryo. Bhoono tutakumukorera emirimu Waryubha kwa enjira ya akare, eya okugwata amaragiriryo ganú gaangʼoorwa, nawe, kwa enjira ehya ya okoorokereribhwa na Omutima Omurabhu.

Abharuumi 8:15

Waryubha ataabhahaana Omutima Omurabhu, naho mubhe kweki abhagaya bhanú bharoobhoha, nawe, yaabhahaana Omutima Omurabhu, naho mubhe abhaana bhaaye. Omutima uyo ngʼo aratubheera okumubhirikira Waryubha, “Aba,” ensonga yaaye niiga, “Taata!”

Abharuumi 9:6

Ntakugamba ega, Waryubha yaatamwa okukunaanʼya endago yaaye ku Bhaisiraeri. Tiigo-ha kora ahake! Kwa okubha etaringi ega, Abhaisiraeri bhonsego, m-Baisiraeri eritinya.

2 Abhakorinto 11:18

Abhaaru bhareegungya kurusumo rwa amangʼana ga mukyaro kinu, kwa ego mbe, na oni nonse tiga nigungye.

Abhagaratia 5:25

Omutima Omurabhu atuheeri obhuhoru obhuhya, mbe twikare kwa obhutungi bhwaye.

Abhagaratia 6:16

Omurembe na ekyabhira bhinú bhirarwa ku Waryubha, bhibhe na abhantu bhonsego bhanú bharagwata obhuheene bhuyo, bhayo mbo abhantu bha Waryubha.

Abhaefeso 6:18

Mubhenga murasabha eribhaga ryonsego, okuringʼaana kya ego Omutima Omurabhu arabhoorokererya. Na hanú muraasabhenga, mutumirenga amanga gonsego ga amasabho na egisaara. Mutengeejenga kurusumo rwa eringʼana riyo, na munage okubhasabhira abhantu bha Waryubha bhonsego.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

Abhafiripi 3:12

Oni ntakugamba ega, mmariri okuhika kubhuteero, kasi ega, mmariri okukunaana, tiigo-ha, nawe ndagendererya okwigumirirya naho nnyoore, ganú Kiristu Yeesu yaambirikirira.

Abhafiripi 3:14

Ndeegumirirya kurugendo, nhike kubhuteero naho nnyoore omutuho. Omutuho guyo, n-kubhirikirwa na Waryubha okusoha murwire kwa okuhitira ku Kiristu Yeesu.

Abhakorosai 2:11

Kwa okugwatana nawe, weeki yaabhasaara kwa ensaaro inú etakukorwa kwa amabhoko ga abhantu, nawe ensaaro ya omutima inú erakorwa na weeki omwene. Ensonga yaaye niiga, mwatiga obhusimuka bhwenyu bhwa obhusarya.

Yuda 1:20

Nawe, bheenyu abhahanje bhaani, munage kuimani yeenyu, inú erarwa ku Waryubha, na mubhenga murasabha okuringʼaana na kya ego Omutima Omurabhu arabhoorokererya.