Abhafiripi 3:20 - Eriragano Erihya

²⁰ Nawe bheetu, m-bamenyi bha murwire, na turaganyirira kwa enamba enene, Omutuurya na Omukuru Yeesu Kiristu, yaaje okurwa eyo.

Abhafiripi 3:20 ပူးပေါင်းရင်းမြစ်များ

Mataayo 19:21

Yeesu akamukeerya ega, “Nyoore oreenda okukunaana, genda ogurye ebhintu bhyonsego bhinú uunabhyo, egimbirya obhagabhire abhatobhu. Nyoore oraakore ego, orabha wituuriiri ekibhumbiko murwire. Hanú orimara, uuje unsoorane.”

Ruuka 12:21

Yeesu, akamariisya kwa okugamba ega, “Ego niigo eribha, kumuntu unú areekumira ebhintu ebhyaru kurusumo rwaye omwene, nawe, obhuniibhi bhwaye bhutaana obhwera embere ya Waryubha.”

Ruuka 14:14

Nho orinonkwa, kwa okubha bhayo bhataana obhuturo bhwa okukuriha. Kwa ego, Waryubha arikuriha eribhaga rinú arihyukya abhantu abhaheene.”

Amakorwa ga Abhatumwa 1:11

Mbe, bhakabhabhuurya ega, “Bheenyu, abhantu bha Gariraaya, ndeegwa mwimiriiri hanu, enu mumaahiriri murwire? Yeesu uyo yeenwirwe okurwa kubheenyu, okugya murwire, ariija kweki egoego, kya ego mumuruuji aragya.”

1 Abhakorinto 1:7

Bhoono, mutakusuuhirwa kora ekibharo ekimwi kya Omutima Omurabhu, enu muraganyirira kwa enamba okuhunjuka kwa Omukuru weetu Yeesu Kiristu.

1 Abhakorinto 15:48

Abhantu bhonsego bha mukyaro bhaana omubhiri gwa mukyaro kya omubhiri gwa Adamu. Na abhantu bhonsego bha murwire bharibha na omubhiri gwa murwire kya omubhiri gwa Kiristu.

2 Abhakorinto 4:18

Tutakwiganirirya eguru ya ebhintu bhinú bhiramaahikana, kwa okubha bhyeki m-bya eribhaga ekego. Nawe, tureeganirirya eguru ya ebhintu bhinú bhitakumaahikana, kwa okubha bhyeki, m-bya koko.

2 Abhakorinto 5:8

Maheene tuuna obhwisige, kweki turamaaha nyakara tukaagitigiri emibhiri ginu, na okugya okwikara na Omukuru.

Abhagaratia 4:26

Nawe, Saara areemiririra omugi gwa Yerusaremu ya murwire, inú iiyagaariri, iyo ngʼyo maayi.

Abhaefeso 2:19

Mbe, okwambira bhoono, bheenyu mutaringi abhageni kora abhahiti, nawe, mwabheeri abhasimuka hamwi na abhantu bha Waryubha, abhantu abha omuganda gwa Waryubha.

Abhaefeso 2:6

Kwa okugwatana kwetu na Kiristu, Waryubha yaatuhyukya okurwa mubhaku, hamwi na Kiristu Yeesu, akatwikarya hamwi nawe murwire, naho tutunge hamwi nawe.

Abhafiripi 1:10

naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhakorosai 1:5

Eimani yeenyu na obhuhanje bhwenyu, bhirarekana na obhwisige bhwenyu ega, murihaanwa eginonkwe ginú Waryubha abhatuuriiri murwire. Mwamara okwigwa eguru ya obhwisige bhuyo, eribhaga rinú mweehigiribhwa amangʼana ga obhuheene, na gayo ngo Amangʼana Amajomu.

1 Abhatesaronike 1:10

na okumuganya omwana waaye Yeesu okurwa murwire. Uyo ngʼo, Waryubha yaahyukya okurwa mubhaku, na ngʼo aratutuurya okurwa kunkoro ya Waryubha inú eraaja.

1 Abhatesaronike 4:16

Omukuru omwene ariituuma okurwa murwire. Arigamba kwa eriisi rya eginguru, hamwi na eriisi rya maraika omukuru na enkombi ya Waryubha. Nho, bhanú bhaakwa bharamwikirirya Kiristu, bharihyukibhwa.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Tiito 2:13

Tubhenga ego, eribhaga turaganyirira orusiku rwa enonkwe, rurya rwa okuhunjuka kwa Yeesu Kiristu. Orusiku ruyo, arimaahikana mubhukuru bhwaye. Weeki ngʼo Waryubha weetu omukuru, na ngʼo Omutuurya weetu.

Abhaebhurania 12:22

Nawe, bheenyu muhikiri munkuku ya Sayuni, kumugi gwa Yerusaremu ya murwire. Omugi guyo m-mugi gwa Waryubha omuhoru. Muyo bheekumanʼya kwa obhujomerwa bhamaraika ebhiku na ebhiku.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

Obhukundukuri 1:7

Maaha! Yeesu ariijira gatigati ya amasaaru! Abhantu bhonsego bharimurora, kora bhanú bhaamubhita na eritimu. Amakabhira gonsego mukyaro, garifumba oruku, kurusumo rwaye. Maheene, niigo eribha. Amina.