Abhafiripi 3:2 - Eriragano Erihya

² Mwiyangararire na abheehigirya bhanú bharasohya amaragiriryo ga Ekiyahudi mwikanisa. Abheehigirya bhayo, n-kya eginsuuji, m-bakori bha amabhiibhi, bharakomererya okusaarwa.

Abhafiripi 3:2 ပူးပေါင်းရင်းမြစ်များ

Mataayo 24:10

Nho, abhantu abhaaru bharitiga eimani yaabho. Bharibha bharariirana eniku, na bharijimirana abheene kwa abheene.

Mataayo 7:15

“Mwiyangararire na abharooti bha obhubheehi. Hanú bharaaja kubheenyu, kwa kibhara bharamaahikana kya amangʼondi, nawe, kwa munsi m-bahaari kya eginsuuji.

Mataayo 7:6

“Mutahaana egimbwa ebhintu bhya Waryubha, kwa okubha gireehunjure na okubharuma. Kweki, muteesera egimbiiji ebhintu bhya obhwera, kwa okubha girabhitajetaje.

Abharuumi 2:28

Mbe, mumanye ega, etaringi ega, kira unú yeebhurwa na Omuyahudi, aribha Omuyahudi eritinya. Omuntu atakutura okubha Omuyahudi eritinya, kwa okusaarwa omubhiri okwenego.

2 Abhakorinto 11:13

Abhantu kya bhayo m-batumwa bha obhubheehi, bharakora emirimu kwa okungʼeena abhantu, bhareekorya ega, m-batumwa bha Kiristu.

Abhagaratia 5:13

Abhahiiri bhaani kuimani, Waryubha abhabhirikiiri, naho mwiyagaare. Nawe, obhwiyagaari bhwenyu, bhutabhakora mubhe na omweya gwa okugwata orunamba orubhiibhi rwa omubhiri, nawe, mubheeranenga kwa obhuhanje.

Abhagaratia 5:15

Nawe, nyoore murarumana na okwirya kya egintyenyi, mwiyangararire, naho mutariija okwisikya bheenyu abheene.

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

Abhafiripi 3:19

Abhantu bhayo, obhuteero bhwabho n-kusika kwa okubha orunamba rwabho ndo rwabheeri omutungi waabho. Bheeki bhareeheemera ebhikorwa bhyabho bhya eginsoni. Kweki bhareeganirirya amangʼana ga ekyaro ageenego.

Abhafiripi 3:3

Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

1 Timoteo 1:19

Ogwate eimani na obhe wa ameetegeerero amajomu. Abhantu abhandi bhaatiga okukora ganú bhamanyiri ega m-maheene, riyo riraakore bhatige eimani yaabho.

Tiito 1:16

Abheene bharagamba ega, bhamumanyiri Waryubha, nawe, amakorwa gaabho, garoorokya ega, bharamwanga. Abhantu bhayo, bharajimya, m-bajeemi, bhatakutura okukora eringʼana ryoryonse erijomu.

2 Petero 2:22

Okukora ego, kuroorokya engamba ya obhuheene inu ega, “Embwa ehunjukiiri amahongoro gaaye,” eindi ega, “Embiiji inú yoogiibhwe, ehunjukiri okwibhurubhunga mumatoto!”

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Obhukundukuri 2:9

“Mmanyiri enyanko yeenyu na obhutobhu bhwenyu. Nawe maheene, muringi abhaniibhi, kwa okubha muringi abhantu bha Waryubha! Mmanyiri amatuki ganú muratukwa na bhanú bhareebhirikira ega, m-bantu bha Waryubha, nawe, bhataringi abhantu bha Waryubha. Bhayo m-bantu bha Erisambwa.

Obhukundukuri 21:8

Nawe, abhantu abhoobha, bhanú bhatakumwikirirya Waryubha, bhanú bharamujimya Waryubha, abheeti, abhasimbe, abhaturutumbi, bhanú bharasyengera ebhisusano, na abhabheehi, bhayo bhonsego bharyeswa munyanja ya omururo omuhaari. Na enyanja ya omururo omuhaari iyo, ngʼyo oruku rwa kabhiri.”

Obhukundukuri 22:15

Nawe, abhaturutumbi, abhasimbe, abheeti, bhanú bharasyengera ebhisusano na abhandi bhonsego bhanú bharahanja okugamba obhubheehi, bharibha kibhara ya omugi guyo kya egimbwa.

Obhukundukuri 3:9

Maaha! Ndibhareetera abhantu bha Erisambwa, bhanú bhareebhirikira ega, m-bantu bha Waryubha, nawe, bhataringi abhantu bha Waryubha, m-babheehi. Bhoono, ndibhakora bhaaje bhateme ebhiru embere yeenyu bhahiinye obhusu bhuhike hansi. Nho bharimanya ega, mbahanjiri bheenyu.