Abhafiripi 3:19 - Eriragano Erihya

¹⁹ Abhantu bhayo, obhuteero bhwabho n-kusika kwa okubha orunamba rwabho ndo rwabheeri omutungi waabho. Bheeki bhareeheemera ebhikorwa bhyabho bhya eginsoni. Kweki bhareeganirirya amangʼana ga ekyaro ageenego.

Abhafiripi 3:19 ပူးပေါင်းရင်းမြစ်များ

Mataayo 16:23

Nawe, Yeesu akamwikyukirya Petero, akamukeerya ega, “Nuurwe embere yaani Erisambwa! Orasakya okundibhira ntakora obhwendi bhwa Waryubha! Otakwiganirirya aga Waryubha, nureeganirirya aga abhantu.”

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Ruuka 12:19

Nho, ndaature okugamba ega, “Bhoono, nituuriiri ekibhumbiko kya ebhintu ebhyaru ebhijomu. Bhiranyisa kwa emyaka emyaru! Mbe, mmuunye, ndye na okunywa, njomerwe!”’

Ruuka 16:19

Yeesu akagendererya okubhakeerya ekirengyo ega, “Yaaringa-ho omuniibhi umwi. Omuniibhi uyo, yeebhohanga emyenda emijomu gya obhuguri obhunene gya erangi ya jambaraawe. Kira orusiku, yaaryanga bhuyagayaga.

Ruuka 18:4

“Kwa eribhaga eritambi, omubhuturi wa ekiina uyo, yaaringa araanga okumwimiririra omusino uyo. Nawe kubhuteero, akeebhuurya ega, ‘Onyoora oni ntakumwigwa Waryubha, kora ntakumanya omuntu wowonse,

Abharuumi 16:18

Abhantu bhayo, bhatakumukorera emirimu Kiristu, Omukuru weetu, nawe, kinú bhareenda, nu-kwigutya orunamba rwabho orubhiibhi. Bharagamba amangʼana amasambaaruku ga okwikangatirirya, naho bhangʼeene abheekirirya bhanú bhatakwisigira obhubhiibhi bhobhonse.

Abharuumi 6:21

Nawe bhoono, mwanyoora obhwera-ki okurekana na amakorwa geenyu amabhiibhi, ganú bhoonwego garabhakora murore eginsoni? Amangʼana gayo garareeta oruku rwa koko.

1 Abhakorinto 3:3

kwa okubha mukyoorokereribhwa na amangʼana ga ekyaro. Neegwiri ega, gati yeenyu muuna orwango na eritoongʼana. Bhoono, gayo gatakoorokya ega, mukyoorokereribhwa na amangʼana ga ekyaro na mukyeekara kya abhantu bha ekyaro?

1 Abhakorinto 5:2

Nawe, bheenyu mureeheema! Kora mutakusurumbara, na okumwahura omuntu unú arakora ego, arwe gati yeenyu.

1 Abhakorinto 5:6

Okwigungya kwenyu kutakwenderwa. Mutamanyiri ega, ekimera ekikego, kirabhimbya eriguma erigima?

2 Abhakorinto 11:12

Nawe, rinú ndakora ndagendererya okurikora, naho ntabhahaana omweya bhayo bharagamba ega, mbo abhatumwa abhakuru, bhatige okwigungya ega, bharakora emirimu kya bheetu.

2 Abhakorinto 11:15

Kwa ego, ritaringi eringʼana rya okuruguurya, hanú abhakori bha emirimu bhaaryo bhonse, bhareekorya kya abhakori bha emirimu bha heene. Nawe, kubhuteero bhwabho, bheeki bharinyoora ganú gararingʼaana na amakorwa gaabho.

Abhagaratia 6:13

Na kora bhanú bhaasaarwa, abheene bhonse bhatakugwata amaragiriryo gonsego. Nawe, bhareenda ega, bheenyu musaarwe, naho bheegungye eguru ya okusaarwa kwenyu.

Abhafiripi 2:21

Abhandi bhonsego bharanyankira amangʼana gaabho abheene, bhatakunyankira ganú Yeesu Kiristu areenda.

Abhakorosai 3:2

Mwiganirirye ganú garingi murwire, muteeganirirya ga mukyaro munu,

2 Abhatesaronike 1:9

Obhujibhu bhwabho bhuribha bhwa okusikibhwa koko, na okwahurwa bhabhe hare na Omukuru na obhukuru bhwa eginguru gyaye.

2 Abhatesaronike 2:12

Hayo, bhonsego bhanú bhatakwikirirya obhuheene, nawe, bharajomererwa obhusarya, bharibhuturirwa ekiina.

2 Abhatesaronike 2:8

Hayo nho Omujeemi uyo aritubhuka. Nawe, Omukuru Yeesu hanú ariija, arimwita na omwika okurwa mumunwa gwaye, na arimusikya kwa obhukuru bhwa okuuja kwaye.

1 Timoteo 6:5

na eriihe gati ya abhantu bhanú gyadangana, kora bhatamanyiri obhuheene. Bhayo mbo bharya bharakanya ega, okumwigwa Waryubha ngʼyo enjira ya okunyoora obhuniibhi.

2 Timoteo 3:4

Bharikoranga eniku, bharibha bharakora amangʼana kwa okwanguhiirirya, bharibha bhareeheema, bharihanja amangʼana ga ekyaro okukira okumuhanja Waryubha.

Yakobho 4:16

Nawe bhoono, bheenyu mureegungya na okwiheema ega, muuna obhuturo. Okwigungya kuyo n-kubhiibhi.

2 Petero 2:1

Nawe, kwibhaga rya abharooti, bheebhuka abharooti bha obhubheehi gati ya Abhaisiraeri. Ego niigo abheehigirya bha obhubheehi bhariibhuka gati yeenyu. Abhantu bhayo, bharibhasoherya bhugunyi ameehigiryo amabhiibhi ga okuhabhya, kora ga okumwanga Omukuru Yeesu unú yaabhatungurya. Kwa okukora ego, bhariikorera okusika kwabho abheene bhwangu.

2 Petero 2:13

Bharirihwa eginyanko kwa eginyanko ginú bhaakorera abhantu abhandi. Obhujomerwa bhwabho, n-kukora amangʼana ga orunamba rwabho orubhiibhi rwa omubhiri, kubhurabhu. Kora, bharakora amabhiibhi gayo, hanú bhararya hamwi na bheenyu muginyangi gyenyu ginú murasanga kwa obhuhanje, na ego bharabhangʼeena. Kwa enjira iyo, bharabhakora mubhe na eginsoni kya ebhikoorikoori kumyenda emirabhu.

2 Petero 2:3

Kwa orunamba rwabho rwa ebhintu, bharibhanga bharabhakeerya amagano ga obhubheehi, naho bheenyoorere ebhintu okurwa kubheenyu. Nawe, okurwa akare, Waryubha yaakemera ega, aribhabhuturira ekiina, na kweki yeeseemerye okubhasikya!

Yuda 1:10

Nawe, abhantu bhayo bharatuka amangʼana gogonse ganú bhatagamanyiri. Bharisikibhwa kwa amangʼana ganú bhagamanyiri, na bharagakora kya egintyenyi ginú gitaana obhungʼeeni.

Yuda 1:16

Abhantu bhayo, m-beengʼeheerya na abha okutonda amasoro, bharagwata orunamba rwabho orubhiibhi. Bhareegungya bhukongʼu enu bharagungya abhantu, naho bhanyoore obhwera.

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Obhukundukuri 18:7

Mumujibhye obhujibhu na okumunyankya endengo inú yaatumira okwinyoorera eginkuma na obhuniibhi. Weeki areerora mumutima gwaye, aragamba ega, ‘Nikeeri okutunga kya omukama omukari, oni ntarisurumbara kwa okukwirwa kora orusiku rumwi, kwa okubha ntaatetwa!’

Obhukundukuri 19:20

Nawe, ogutyenyi ogunene guyo, hamwi na omurooti wa obhubheehi unú yaakora ebhimanyiiriryo kurusumo rwago, bhakagwatwa. Kwa okukora ebhimanyiiriryo bhyaye bhiyo, omurooti uyo yaaringa abhangʼeeneri abhantu bhanú bhaatemwa orubhaaso rwa ogutyenyi ogunene guyo na okusyengera ekisusano kyago. Bhabhiri bhayo, bhakeeswa bhakyari abhahoru munyanja ya omururo omuhaari.

Obhukundukuri 21:8

Nawe, abhantu abhoobha, bhanú bhatakumwikirirya Waryubha, bhanú bharamujimya Waryubha, abheeti, abhasimbe, abhaturutumbi, bhanú bharasyengera ebhisusano, na abhabheehi, bhayo bhonsego bharyeswa munyanja ya omururo omuhaari. Na enyanja ya omururo omuhaari iyo, ngʼyo oruku rwa kabhiri.”

Obhukundukuri 22:15

Nawe, abhaturutumbi, abhasimbe, abheeti, bhanú bharasyengera ebhisusano na abhandi bhonsego bhanú bharahanja okugamba obhubheehi, bharibha kibhara ya omugi guyo kya egimbwa.