Abhafiripi 3:17 - Eriragano Erihya

¹⁷ Abhahiiri bhaani kuimani, mugwate enteemo yaani. Kweki mwihigire kubhantu bhanú bharagwata eginteemo gyetu.

Abhafiripi 3:17 ပူးပေါင်းရင်းမြစ်များ

Abharuumi 16:17

Bhoono, abhahiiri bhaani kuimani, ndabhakomererya ega, mwiyangararire na abhantu bhanú bhareehigirya ameehigiryo ga okwahukanʼya abhantu. Abhantu bhayo bhareenda okusarya eimani ya abhantu, na bharaanga ameehigiryo ganú mweehigiribhwa. Mwiyahure nabho!

1 Abhakorinto 10:32

Mutabhahabhya Abhayahudi, abhantu bhanú bhataringi Abhayahudi, na kora erikanisa rya Waryubha.

1 Abhakorinto 11:1

Munyihigire oni, kya ego oni nonse ndamwihigira Kiristu.

1 Abhakorinto 4:16

Bhoono, ndabhakomererya ega, mubhenga murakora kya ego oni ndakora.

Abhafiripi 4:9

Mugendererye okukora amangʼana ganú mweehigira na okugwata okurwa kuoni, ganú mweegwa na okurora ndakora. Muraakore gayo, nho Waryubha unú arabhahaana omurembe, arigendererya okubha hamwi na bheenyu.

1 Abhatesaronike 1:6

Onyoora mwanyankibhwa bhukongʼu, kwa ekisigo kya eimani yeenyu, mwagwata amangʼana gayo kwa obhujomerwa bhunú bhurarwa ku Mutima Omurabhu. Kwa okukora ego, mwagwata ekirengyo kyetu na ekirengyo kya Omukuru Yeesu.

2 Abhatesaronike 3:14

Nyoore omuntu wowonse atakwenda okugwata amaragiriryo geetu, ganú garingi kunyarubha inu, mwiyangararire na omuntu uyo. Mutagwatana nawe, naho arore eginsoni.

2 Abhatesaronike 3:7

Turagamba ego, kwa okubha bheenyu mumanyiri kya ego ereenderwa okugwata ekirengyo kyetu. Bheetu eribhaga twaringa na bheenyu, tutaaringa abharosu,

2 Abhatesaronike 3:9

Twakora ego, etaringi ega, tuteenderwanga okwenda ekintu okurwa kubheenyu, nawe tweendanga tubhe ekirengyo, mutwihigire.

1 Timoteo 4:12

Omuntu wowonse atakujeera kwa okubha okyari omumura, nawe, wikare bhwaheene okuhikira abheekirirya bhabhenga bharakuruusirya ekirengyo kubhugambi bhwaho, ebhikorwa bhyaho, obhuhanje bhwaho, eimani yaaho na obhwigwa bhwaho.

Abhaebhurania 13:7

Mubhahiituke abhatungi bhanú bhaaringa bharabheehigirya eringʼana rya Waryubha. Mwiganirirye eguru ya enteemo yaabho kya ego bhaaringa bharakora, na mwihigire eimani yaabho.

1 Petero 5:3

Mutabha abhaangarariri abharuru kubhanú muratunga, nawe kya ego mureekara mubhe ekirengekanʼyo ekijomu kubheene.