Abhafiripi 3:13 - Eriragano Erihya

¹³ Abhahiiri bhaani kuimani, ntakwibhara ega, naamara okugagwata. Nawe, ndakora eringʼana rimwi ego, ndarabhirwa gonsego ganú gaamara okuhita, ndeehemeerererya ganú garingi embere.

Abhafiripi 3:13 ပူးပေါင်းရင်းမြစ်များ

Ruuka 10:42

Nawe, ririho eringʼana rimwi ego erijomu, okukira gonsego. Eringʼana riyo n-kunyitegeerera. Mariamu ngʼo arisoreri. Tiigo-ha omuntu wowonse unú aratura okumuruusya eringʼana riyo.”

Ruuka 9:62

Yeesu akamukeerya ega, “Omuntu wowonse araabhe kya omuntu unú yaambiri okugoomya, amare yeekyukye amaahirire enyuma, uyo atakwenderwa okubha omugaya kubhukama bhwa Waryubha.”

2 Abhakorinto 5:16

Kwa ego, okwambira bhoono, tutakumumaaha omuntu wowonse kya ego abhantu bhanú bhatakumwikirirya Kiristu, bharamumaaha. Onyoora eribhaga nyabhurebhe twamumaaha Kiristu kya ego abhantu bhanú bhatakumwikirirya bharamumaaha. Nawe, bhoono tutakukora ego kweki.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhafiripi 3:12

Oni ntakugamba ega, mmariri okuhika kubhuteero, kasi ega, mmariri okukunaana, tiigo-ha, nawe ndagendererya okwigumirirya naho nnyoore, ganú Kiristu Yeesu yaambirikirira.

Abhafiripi 3:8

Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

Abhaebhurania 6:1

Kwa ego, tutatama kuganú tweehigira eguru ya Kiristu kubhwambiro, nawe, tukore ekituunyo okugendererya okwihigira, naho tubhe abheehigira bhanú bhanagiri kuimani. Tutaamba bhuhya okwihigira eguru ya okwihunjura amakorwa ganú garareeta oruku, na okwihigira eguru ya okumwikirirya Waryubha.

2 Petero 3:8

Nawe, abhahanje bhaani, mutarabhirwa eringʼana rinu ega, ku Mukuru Waryubha, orusiku rumwi n-kya emyaka ekiku kimwi, na emyaka ekiku kimwi, n-kya orusiku rumwi.