Abhafiripi 3:12 - Eriragano Erihya

¹² Oni ntakugamba ega, mmariri okuhika kubhuteero, kasi ega, mmariri okukunaana, tiigo-ha, nawe ndagendererya okwigumirirya naho nnyoore, ganú Kiristu Yeesu yaambirikirira.

Abhafiripi 3:12 ပူးပေါင်းရင်းမြစ်များ

Mataayo 5:48

Mbe, mubhe mukuneeni, kya ego Eseweenyu owa murwire akuneeni.

Amakorwa ga Abhatumwa 9:15

Nawe, Omukuru akamukeerya Anania ega, “Uuwe genda! Omuntu uyo, mmusoreri abhe omugaya waani, naho araarike eriina ryani kubhantu bhanú bhataringi Abhayahudi na abhakama bhaabho, na ku Bhaisiraeri abheene.

1 Abhakorinto 13:10

Nawe, eribhaga rinú amangʼana ganú gakunaaniri gariija, amake gayo gatakunaaniri garihwa.

1 Abhakorinto 13:12

Kya ego turamaaha bhoono, n-kya okumaaha ebhintu mukitu, nawe eribhaga erindi, turibhirora bhyonsego kubhurabhu. Eribhaga rinu mmanyiri hakego, nawe eribhaga erindi ndimanya bhukongʼu kya ego Waryubha aramanya oni.

1 Abhakorinto 9:24

Bhoono mutamanyiri ega, abhantu bhanú bharasongana okukenya, bharakenya bhonsego, nawe, unú aranyoora omutuho ngʼ-umwi ego? Mbe, mubhenga murakenya bhukongʼu, naho munyoore omutuho.

2 Abhakorinto 13:9

Turajomerwa, kwa okubha bheetu turingi abhanyooheeru, nawe, bheenyu muuna eginguru. Turamusabha Waryubha abhabheere mubhe mukuneeni kunteemo yeenyu.

2 Abhakorinto 7:1

Bhoono, abhahanje bhaani, kwa okubha Waryubha yaaraga gayo gonsego, kwa ego mbe twiraame, tutigane na obhukonu bhonsego, bhwa emibhiri na emitima gyetu. Tubhe abha emitima emirabhu kumangʼana gonsego, kwa enjira ya okumusuuka Waryubha.

Abhagaratia 5:17

Ndagamba ego, kwa okubha bhyonsego bhinú orunamba orubhiibhi rwa omubhiri rureegomba, bhitaringi kya bhinú Omutima Omurabhu areegomba. Na bhinú Omutima Omurabhu areegomba, bhitaringi kya bhinú orunamba orubhiibhi rwa omubhiri rureegomba. Omutima Omurabhu na orunamba orubhiibhi rwa omubhiri, bhirasongana. Okurekana na riyo, mutakwiyagaara okukora kyokyonse kinú mureenda.

Abhaefeso 1:4

Eribhaga Waryubha yaaringa atarabhumba ekyaro, yaatusora tubhe bhaaye kwa enjira ya okugwatana kwetu na Kiristu. Yaakora ego, naho tubhe abhantu abharabhu bha omutima bhanú bhataana amasoro embere yaaye. Na kwa okubha atuhanjiri,

Abhaefeso 4:12

Yaakora ego, ature okuseemerya Waryubha abhantu, bha okumukorera emirimu, naho abheekirirya bhayo bhonsego bhanage kya omubhiri gwa Kiristu.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

Abhafiripi 3:16

Ekintu kinú kireenderwa niiga, tugendererye okugwata ganú Waryubha yaamara okutoorokya.

Abhafiripi 3:3

Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

Abhafiripi 3:8

Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

1 Abhatesaronike 5:15

Mwangararire, omuntu wowonse atamuriha ekisiiyomba omurikyaye kwa obhusarya. Nawe, eribhaga ryonsego mubhenga murakorerana amajomu na kubhantu bhonsego.

2 Abhatesaronike 2:13

Nawe bheetu, tureenderwa okumukumya Waryubha eribhaga ryonsego kurusumo rwenyu, bheenyu abhahiiri bheetu kuimani bhanú mwahanjwa na Omukuru Yeesu. Tureenderwa okukora ego, kwa okubha Waryubha yaabhasora okurwa kubhwambiro bhwa obhubhumbi, naho mutuuribhwe. Mutuuriibhwe kwa okuraamwa na Omutima Omurabhu na kwa enjira ya okwikirirya obhuheene.

1 Timoteo 5:10

Abhe yaana eginkuma eginjomu, abhe yaarera abhaana bhaaye bhwaheene, abhe yaaserenʼya abhageni, abhe yoogya abheekirirya amaguru, abhe yaabheera bhanú bharanyankibhwa, abhe yaakora amajomu kwa ekituunyo.

1 Timoteo 6:19

Okukora amajomu kuyo, n-kwibhiikira ekibhumbiko kya obhurusa bhunú bhunagiri kurusumo rwa eginsiku ginú giraaja, naho bhanyoore obhuhoru bhwa obhuheene.

Abhaebhurania 12:14

Mbe, mukore ekituunyo okwikara kwa omurembe na abhantu bhonsego. Kweki mukore ekituunyo okubha abharabhu bha emitima mubhuhoru bhwenyu, kwa okubha atariho omuntu unú aratura okumurora Omukuru, nyoore ataringi omurabhu wa omutima.

Abhaebhurania 12:23

Bheenyu muhikiri mumuganda gwa abheebhurwa bha mbere bha Waryubha, bhanú amariina gaabho gangʼoorerwe murwire. Muhikiri embere ya Waryubha unú aringi Omubhuturi wa ekiina wa abhantu bhonsego na embere ya abhantu abhaheene bhanú Waryubha yaabhakunaanʼya.

Abhaebhurania 13:21

Waryubha abhabheere kwa kira eringʼana erijomu, naho muture okukora obhwendi bhwaye. Kweki akore mumitima gyetu ganú garamungʼarira kwa enjira ya Yeesu Kiristu. Weeki agungibhwe koko na koko. Amina.

Yakobho 3:2

M-maheene, abhantu bhonsego turakora obhusarya kwa amangʼana amaaru. Na nyoore ariho omuntu unú atakuhabha kubhugambi bhwaye, omuntu uyo akuneeni, na aratura okwiribhira omubhiri gwaye gonsego.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

2 Petero 3:18

Nawe, mugendererye okunaga kwiruguto na okumumanya Omukuru na Omutuurya weetu Yeesu Kiristu. Weeki agungibhwe, bhoonwego na kora koko!