Abhafiripi 3:11 - Eriragano Erihya

¹¹ naho kwa enjira yoyonse irya, ndiija okuhyukibhwa okurwa mubhaku.

Abhafiripi 3:11 ပူးပေါင်းရင်းမြစ်များ

Ruuka 14:14

Nho orinonkwa, kwa okubha bhayo bhataana obhuturo bhwa okukuriha. Kwa ego, Waryubha arikuriha eribhaga rinú arihyukya abhantu abhaheene.”

Yoana 11:24

Maarita akagamba ega, “Ee Omukuru, mmanyiri ega, Waryubha hanú aribhahyukya abhantu bhonsego kurusiku rwa okubhuturirwa ekiina, wonse arihyuka.”

Amakorwa ga Abhatumwa 23:6

Eribhaga riyo, Pauro yaaringa amariri okumanya ega, gati ya abhantu bhayo, abhandi m-Basadukaayo na abhandi m-Bafarisaayo. Kwa ego, Pauro akagamba kwa eriisi erinene embere wa eribharaja erikuru riyo ega, “Abhahiiri bhaani, oni m-Mufarisaayo, m-mwana wa Abhafarisaayo. Njongeerwe hanu, kwa okubha ndeekirirya ega, abhaku bharihyuka.” Hanú yaamara okugamba ego, eriihe rikeebhuka gati ya Abhafarisaayo na Abhasadukaayo. Bhaahukana, kwa okubha Abhasadukaayo bhateekiriryanga ega, obhuhyuki bhwa abhaku bhuriho, bhamaraika bhariho kora eginkoro giriho. Nawe, Abhafarisaayo bheekiriryanga gayo gonsego.

Amakorwa ga Abhatumwa 26:7

Endago iyo, ngʼyo amakabhira ekumi na gabhiri ga ekyaro kyetu, garaganyirira okurora ereebhuka. Kiyo nkyo kirakora bharamusyengera Waryubha omubhasu na obhutiku. Na oni reero, ee omukama, ndajongerwa na Abhayahudi kwa okwisigira endago iyo.

Amakorwa ga Abhatumwa 27:12

Mbe, ekigobho kirya bhaaringa-ko, kitaaringa na omweya omujomu gwa okwikara, kwibhaga rya embeho enduru. Abhantu abhaaru gati yaabho bhakeekiriranʼya okwimuka erya, bhagye okwikara Foinike. Foinike n-kigobho kinú kyaringa kwiginga rya Kirete, kyaringa orubhaara rwa goosi ya bhuturira-ryubha na taragweta ya bhuturira-ryubha.

Abharuumi 11:14

Ndeesiga ega, okuhitira emirimu gyani, Abhaisiraeri abharikyani bhabhe na erihari rya okunyoora obhutuurya bhunú bheenyu mwanyoora, naho gati yaabho bhonse bhatuuribhwe.

1 Abhakorinto 15:23

Nawe, kira omuntu arihyuka kwibhaga ryaye, Kiristu ngʼo owa mbere okuhyuka, eribhaga erindi abhantu bhaaye bharihyukibhwa hanú ariija.

1 Abhakorinto 9:22

Na kubhanú bhataranaga kuimani, nonse neekora muna ntaranaga kuimani, naho okubhabheera bhamwikirirye Kiristu. Naakora gonsego kubhantu bhonsego, naho kwa enjira yoyonse irya, nture okutuurya abhantu abhandi gati yaabho.

1 Abhakorinto 9:27

Nawe, ndanyankya omubhiri gwani, na okugunarya okwigumirirya, naho hanú ndimara okuraarikira abhantu Amangʼana Amajomu, oni omwene ntariija okwangwa embere ya Waryubha.

2 Abhakorinto 11:3

Nawe bhoono, ndoobhoha ega, kya ego Haawa yaangʼeenwa na enjoka engʼeeni irya, na bheenyu mutakaaja okungʼeenwa, mutige okumuhanja Kiristu kwa obhuheene na kwa omutima omujomu.

1 Abhatesaronike 3:5

Kwa ego, hanú oni nonse naatamwa okugendererya okwikongʼererya, nkamutuma Timoteo kubheenyu, naho mmanye eguru ya eimani yeenyu. Naakora ego, kwa okubha neeganiriryanga ega, etariija okubha Omusakya urya yaabhasakya na okubhabhurya, emirimu gyonsego ginú twakora gibhe gitaana obhwera.

2 Abhatesaronike 2:3

Mutige okwikirirya omuntu wowonse abhangʼeene kwa ryoryonse rirya, kwa okubha orusiku ruyo rutarihika, okuhikira eginsiku ginú abhantu abhaaru bharimujeema Waryubha, na Omujeemi atubhuke. Uyo ngʼo, arisikibhwa chwe kubhuteero.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Abhaebhurania 11:35

Eimani yaakora abhakari nyabhurebhe bhakanyoora kweki abhahiiri bhaabho bhanú bhaaringa bhakwiri, bharingi abhahoru kweki. Abhandi bhaanyahaarwa bhukongʼu na okwitwa. Nawe bhateekirirya ega, bhahaatirwe, kwa okubha bhaarora m-bujomu okunyanka kora okuhikira okukwa, nawe, bhatamutiga Waryubha. Bhaakora ego, naho bhanyoore obhuhyuki bhunú bhuuna obhwera bhukongʼu.

Obhukundukuri 20:5

Abhaku abhandi bhatarihyuka okuhikira hanú emyaka ekiku kimwi girihwa.