Abhafiripi 3:10 - Eriragano Erihya

¹⁰ Ndeenda mmumanye bhukongʼu Kiristu, na eginguru ginú Kiristu yaaringa nagyo eribhaga rya okuhyuka kwaye. Ndeenda nnyanke kya ego weeki yaanyanka, kora okuhikira okukwa,

Abhafiripi 3:10 ပူးပေါင်းရင်းမြစ်များ

Mataayo 20:23

Yeesu akabhakeerya ega, “Maheene murinywera ekikombe kyani kya enyanko. Nawe, okwikara orubhaara rwani rwa obhuryo kasi rwa obhumosi, gitaringi emirimu gyani okwamura. Omweya guyo, n-gwa bhanú bhaamara okuseemiribhwa na Taata.”

Yoana 10:18

Atariho omuntu unú aratura okunduusya obhuhoru bhwani. Nooni omwene ndaruusya obhuhoru bhwani. Niina obhutungi bhwa okuruusya obhuhoru bhwani, kweki niina obhutungi bhwa okugega obhuhoru bhwani. Taata omwene ngʼo yaantuma okukora ego.”

Yoana 17:3

Obhuhoru bhwa koko mbo bhunu, abhantu bhakumanye uuwe, unú ngʼ-Waryubha owa heene omwenego, kweki bhamanye oni Yeesu Kiristu, unú waantuma kubheene.

Abharuumi 8:17

Mbe, kwa okubha bheetu m-baana bha Waryubha, tubheeri abhagabhi bhaaye. Turinyoora engabho yeetu hamwi na Kiristu. Na kwa okubha turasanga munyanko hamwi na Kiristu, kweki turigungibhwa hamwi nawe.

Abharuumi 8:29

Waryubha yaamanya abhantu bhaaye, okurwa ekyaro kitarabhumbwa. Bhayo mbo yaabhasora bhabhe kya ego Omwana waaye, Yeesu Kiristu aringi. Yaakora ego, naho Omwana waaye abhe omutangi gati ya abhahiiri abhaaru.

Abharuumi 8:36

N-kya ego Amangʼoore Amarabhu garagamba ega, “Kira orusiku turingi muruku, kwa okubha turakukorera emirimu uuwe. Turakorerwa kya amangʼondi ganú garahirwa okugoogwa.”

2 Abhakorinto 1:10

Weeki ngʼo yaatutuurya hanú twaringa mungʼanga enene ya okukwa, kweki arigendererya okututuurya. Bheetu turamwisigira weeki ega, aribhanga arakora ego eribhaga ryonsego.

2 Abhakorinto 1:5

Kya ego turagendererya okunyoora eginyanko kurusumo rwa Kiristu, egoego Waryubha aragendererya okutuhorisya bhukongʼu, okuhitira ku Kiristu.

2 Abhakorinto 13:4

Ndagamba ego, kwa okubha Kiristu yaabhambwa kumusarabha kwa obhunyooheeru bhwaye, nawe, bhoono m-muhoru kwa eginguru gya Waryubha. Egoego, bheetu bhonse turingi abhanyooheeru, kya ego Kiristu yaaringa omunyooheeru, nawe, kwa okubhakorera emirimu bheenyu, bheetu turibha abhahoru hamwi na weeki kwa eginguru gya Waryubha.

Abhagaratia 2:20

Obhuhoru bhwani bhwa akare, bhwakwa hamwi na Kiristu hanú yaabhambwa kumusarabha. Bhoono ndingi omuhoru, nawe, etaringi kya ego naaringa akare, kwa okubha n-Kiristu areekara munsi waani. Obhuhoru bhunú niinabho bhoonwego, ndeekara kwa okumwikirirya Omwana wa Waryubha. Weeki yaanhanja na yaaruusya obhuhoru bhwaye, kurusumo rwani, naho yantuurye.

Abhagaratia 6:17

Mbe, okurwa bhoonwego, omuntu wowonse atannyankya kweki, eguru ya eringʼana riyo, kwa okubha oni niina ebhimoa kumubhiri gwani, kurusumo rwa okumukorera emirimu Yeesu.

Abhaefeso 4:13

Eringʼana riyo, riraagendererye okuhikira bheetu bhonsego hanú turibha abhaniibhi kuimani yeetu, na okumumanya Omwana wa Waryubha. Turibha abhantu bhanú tunagiri, kya Kiristu.

Abhafiripi 3:8

Na kora gataringi gayo ageenego, nawe ndabhara amangʼana gonsego ega, gataana obhwera, okuringʼaanʼya na obhwera obhunene bhwa okumumanya Kiristu Yeesu, Omukuru waani. Naatigiri agandi gonsego kurusumo rwaye. Ndagabhara ega, n-kya amabhi, naho mbe omuntu wa Kiristu,

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

Abhakorosai 2:13

Bheenyu mwaringa mukwiri kwa ekisigo kya obhusarya bhwenyu, kweki mwaringa mukyari okusaarwa obhusimuka bhwenyu bhwa obhusarya. Nawe, Waryubha abhakoreri okubha abhahoru kya ego yaamuhyukya Kiristu na atwabhiiri obhusarya bhwetu bhonsego.

Abhakorosai 3:1

Bhoono, kwa okubha eginteemo gyenyu eginhya gihyukiri hamwi na Kiristu, mutune amangʼana ga murwire, enú Kiristu aringi, yeekeeri orubhaara rwa obhuryo rwa Waryubha.

1 Petero 1:3

Tumugungye Waryubha, Taata wa Omukuru weetu Yeesu Kiristu. Okuringʼaana na ekyabhira kyaye ekyaru, yaatwibhura orwa kabhiri kwa okumuhyukya Yeesu Kiristu, okurwa mubhaku. Kwa ego, tunyooreri obhwisige bhwa obhuheene ega, turabha abhahoru koko.

2 Petero 1:13

Oni ndarora ega, ni-ringʼana erijomu okubheemukya, kwa okubhahiitukya eguru ya amangʼana gayo, kwibhaga ryonsego rinú ndingi mukyaro munu.

1 Yoana 2:3

Nyoore turaagwate amaragiriryo ga Waryubha, nho turabha tumanyiri ega, tumumanyiri.

1 Yoana 2:5

Nawe, omuntu unú aragwata eringʼana ryaye, aramuhanja Waryubha maheene. Ego niigo turamanya ega, tugwateeni nawe.

Obhukundukuri 1:18

Oni nooni omuhoru! Naaringa nkwiri, nawe bhoono maaha, ndingi omuhoru koko na koko! Na niina eginfunguro gya oruku na egya mukyaro kya abhaku.