Abhafiripi 3:1 - Eriragano Erihya

¹ Mbe, abhahiiri bhaani kuimani, mujomerwe kwa okubha muringi abhantu bha Omukuru Yeesu. Oni ntakurosa okuhindira okubhangʼoorera amangʼana ganú naamara okubhangʼoorera, kwa okubha amangʼana gayo ni-ngubha yeenyu kuimani.

Abhafiripi 3:1 ပူးပေါင်းရင်းမြစ်များ

Mataayo 5:12

Mujomerwe na okukiririrya kwa okubha omutuho gwenyu murwire m-munene, ego niigo bhaabhanyankya abharooti bhanú bhaaringa-ho akare.

Ruuka 1:47

erajomererwa Waryubha, Omutuurya waani,

Abharuumi 5:11

Kora gataringi gayo ageenego, nawe, kora turatura okujomererwa obhumwi bhwetu obhuhya na Waryubha, kwa okubha nu-kuhitira ku Mukuru weetu Yeesu Kiristu, tugwataniibhwe na Waryubha.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

Abhaefeso 6:10

Mbe bhoono, munage kukugwatana na Omukuru Yeesu, kwa obhuturo bhwa eginguru gyaye.

Abhafiripi 3:3

Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

Abhafiripi 4:4

Mujomerwe eginsiku gyonsego kwa okubha muringi abhantu bha Omukuru Yeesu, kweki ndagamba ega, mujomerwe!

Abhafiripi 4:8

Mbe bhoono, abhahiiri bhaani kuimani, amangʼana gogonse aga maheene, amangʼana gogonse ganú gareenderwa okusuukwa, amangʼana gogonse ga obhuheene, amangʼana gogonse ganú gatareesanganʼya na obhusarya, amangʼana gogonse ganú garasambaarukya, amangʼana gogonse ganú garajomera, amangʼana gonsego amajomu, na amangʼana gonsego ganú garagungibhwa bhujomu, mugeeganiriryenga.

1 Abhatesaronike 4:1

Bhoono, abhahiiri bheetu kuimani, twabheehigiirye kya ego mureenderwa okwikara, naho okumujomera Waryubha. Maheene niigo mureekara. Bhoono, turabhakomererya kwa obhutungi bhwa Omukuru Yeesu ega, mugendererye okukora ego okukira kya ego murakora bhoonwego,

1 Abhatesaronike 5:16

Mubhe na obhujomerwa eginsiku gyonsego,

Yakobho 1:2

Abhahiiri bhaani kuimani, mubhenga na obhujomerwa hanú muranyoorana na amasakyo amanga hagari hagari,

1 Petero 3:8

Kubhuteero ndabhakeerya bhonsego ega, mugwatane, mubhe na ameetegeerero gamwi, muhanjane kihiiri, mwabhirane, na mubhe abheesuuhya.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

2 Petero 3:1

Abhahanje bhaani, enyarubha inu ngʼ-ya kabhiri inú ndabhangʼoorera. Muginyarubha ebhiri giyo, ndasakya okwimukya ameetegeerero geenyu amajomu, kwa okubhahiitukya.