Abhafiripi 2:9 - Eriragano Erihya

⁹ Kwa ego, Waryubha akamwinura Yeesu eguru bhukongʼu, okukira ebhintu bhyonsego, akamuhaana eriina erikuru okukira amariina gonsego,

Abhafiripi 2:9 ပူးပေါင်းရင်းမြစ်များ

Mataayo 11:27

Kimwi Yeesu akagendererya okubhakeerya abhantu ega, “Taata amariri okungʼaana amangʼana gonsego. Atariho omuntu wowonse unú amumanyiri Omwana, nawe, Taata omwenego. Na atariho omuntu wowonse unú amumanyiri Taata, nawe, Omwana omwenego, na omuntu wowonse unú Omwana areende okumutubhurira.

Mataayo 28:18

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Ruuka 10:22

Nawe, akagendererya okubhakeerya abhantu ega, “Taata amariri okungʼaana amangʼana gonsego. Na atariho unú amanyiri Omwana waaye, nawe Taata omwenego. Kora atariho unú amanyiri Taata, nawe, Omwana waaye omwenego, na omuntu wowonse unú Omwana areende okumutubhurira.”

Yoana 13:3

Yeesu yaaringa amanyiri ega, Taata yaamuhaana obhutungi bhwa okubhitunga ebhintu bhyonsego. Kweki yaaringa amanyiri ega, yaarwa ku Waryubha, na ega, arihunjuka ku Waryubha.

Yoana 17:11

Oni ntaribha kweki mukyaro munu, nawe, bhoono ndaaja kuuwe. Nawe, bheeki bharigendererya okubha mukyaro hanu. Taata Omurabhu, ndakusabha obhaangararire kwa obhuturo bhwa eriina ryaho rinú ungʼeeri, naho bhabhe ekintu kimwi, kya ego oni na uuwe turingi ekintu kimwi.

Yoana 17:12

Hanú naaringa hamwi nabho naabhaangararira kwa obhuturo bhwa eriina ryaho, rinú waangʼaana. Naabhaangararira bhujomu, naho ntabhurya kora oumwi gati yaabho, okutiga unú areenderwa okusikibhwa, naho gakunaane ganú gaangʼoorwa mu Mangʼoore Amarabhu.

Yoana 17:5

Ee Taata, ndasabha ungʼaane obhukuru haangʼi na uuwe, obhukuru bhunú naaringa nabho eribhaga rinú twaringa hamwi, kora ekyaro kitarabhumbwa.

Amakorwa ga Abhatumwa 5:31

Kweki yaamwinura na okumuhaana obhutungi kwa okumutuura orubhaara rwaye rwa obhuryo, naho abhe Omutungi na Omutuurya. Waryubha yaamukora ego, naho abheere Abhaisiraeri bhatige obhusarya bhwabho, naho bhaabhirwe.

Abhaefeso 1:10

Ensonga ya Waryubha niiga, hanú eribhaga ryaye rinú yaaseemya ririhika, arikumanʼya hamwi ebhibhumbwa bhyonsego, ebhya murwire na ebhya mukyaro, na okubhikora bhibhe insi ya obhutungi bhwa Kiristu.

Abhakorosai 1:18

Weeki ngʼo omutwe gwa omubhiri, ensonga yaaye niiga, ngʼo omukangati wa erikanisa. Weeki ngʼo obhwambiro bhwa erikanisa, kwa okubha yaabha owa mbere okuhyukibhwa okurwa mubhaku, naho abhe omukuru eguru ya ebhintu bhyonsego.

2 Abhatesaronike 1:12

Turasabha gayo, naho eriina rya Omukuru weetu Yeesu, ribhenga riragungibhwa kurusumo rwenyu. Kweki na bheenyu mubhenga muragungibhwa kurusumo rwaye. Ganu garaabhenga garakoreka okurekana na eriruguto rya Waryubha weetu, na erya Omukuru Yeesu Kiristu.

Abhaebhurania 1:4

Waryubha yaamukora Omwana waaye, abhe omukuru okukira bhamaraika, kya ego yaamuhaana eriina erikuru okukira erya bhamaraika.

Abhaebhurania 1:9

Uuwe ohanjiri amajomu, na orajimira amabhiibhi gonsego. Kwa ego oni, Waryubha waaho, nkuhakiri amaguta ga obhujomerwa, naho okukukora omukuru okukira abharikyaho bhonsego.”

Abhaebhurania 12:2

Tubhenga turamwisigira Yeesu, kwa okubha ngʼo aratoorokererya tumwikirirye Waryubha, na ngʼo aratukora tugendererye okumwikirirya okuhikira kubhuteero. Weeki yeegumirirya oruku kumusarabha, kora ataarora eginsoni kwa ekisigo kya obhujomerwa bhunú bhwaringa embere yaaye. Bhoono, yeekeeri orubhaara rwa obhuryo rwa ekitumbi kya ekikama kya Waryubha.

Abhaebhurania 2:9

Nawe, turamurora Yeesu. Waryubha yaamukora okubha omuke okukira bhamaraika kwa eribhaga ekego. Yaakora ego, naho kwa enjira ya eriruguto rya Waryubha, Yeesu akwe kurusumo rwa okutuurya abhantu bhonsego. Bhoono, Waryubha amuheeri obhukuru na obhusuuku obhunene, kwa ekisigo kya okunyankibhwa na okukwa kwaye.

1 Petero 3:22

Weeki yaagya murwire, na bhoono, yeekeeri orubhaara rwa obhuryo rwa Waryubha. Aratunga bhamaraika, na ebhibhumbwa bhyonsego ebhya obhutungi, na ebhya obhuturo.

2 Petero 1:17

Bheetu twaringa hamwi na Yeesu munkuku irya eya Waryubha, hanú Taata Waryubha yaamuhaananga obhusuuku na obhukuru. Eribhaga riyo, bheetu abheene tweegwa eriisi erya obhukuru obhunene, rirarwa murwire ku Waryubha omwene, riragamba ega, “Unu ngʼo Omwana waani omuhanje, nngʼariirwe nawe.”

3 Yoana 1:7

Bhoono, abhantu bhayo bhaamba orugendo rwabho rwa okumukorera emirimu Yeesu Kiristu, bira okubheerwa kyokyonse okurwa kubhantu bhanú bhataringi abheekirirya.

Obhukundukuri 1:5

na okurwa ku Yeesu Kiristu, omwimiririri omuheene. Weeki yaabha owa mbere okuhyukibhwa, naho abhe omukama wa abhakama bhonsego mukyaro. Yeesu atuhanjiri na yaatusibhura okurwa mubhusarya bhwetu, kwa enjira ya okwitira amanyinga gaaye.

Obhukundukuri 11:15

Kimwi, maraika wa muhungati akatema enkombi yaaye. Rumwigo, nkeegwa eriisi erinene rya bhamaraika abhaaru murwire, riragamba ega, “Obhukama bhwa ekyaro bhumariri okubha bhwa Omukuru Waryubha weetu na obhwa Kiristu omusorwa waaye. Waryubha aritunga koko na koko.”

Obhukundukuri 19:16

Kunkanju yaaye ahasi ha kukiimo, haaringa hangʼoorerwe eriina rinu, Omukama wa abhakama bhonsego na Omukuru wa abhakuru bhonsego.

Obhukundukuri 3:21

“Omuntu unú arihiga, ndimwikiririrya okwikara hamwi na oni kukitumbi kyani kya ekikama. Eribha kya ego oni naahiga, nkeekara hamwi na Taata kukitumbi kyaye kya ekikama.

Obhukundukuri 5:12

enu bhareemba kwa eriisi erinene ega, “Omwana wa Eringʼondi unú yaagoogwa, areenderwa okunyoora obhuturo, obhuniibhi na egintungwa. Eginguru, obhusuuku, obhukuru na eginkuma, n-gyaye!”