Abhafiripi 2:5 - Eriragano Erihya

⁵ Ensonga yeenyu ebhe iryairya yaaringa nayo Kiristu Yeesu.

Abhafiripi 2:5 ပူးပေါင်းရင်းမြစ်များ

Mataayo 11:29

Mwibhohere ejeeki yaani, na mwihigire okurwa kuoni, kwa okubha oni m-munyoohu na omwisuuhya wa omutima, na bheenyu murinyoora obhujomerwa mumitima gyenyu,

Ruuka 22:27

Mbe! Niwi omukuru? Unú areekara kumeja okurya ebhyakurya, kasi unú arareeta ebhyakurya? Ndamanya ngʼo unú areekara okurya ebhyakurya. Nawe, oni ndingi gati weenyu hanu kya omukori wa emirimu weenyu.

Amakorwa ga Abhatumwa 10:38

Mumanyiri ega, Waryubha yaamusora Yeesu wa Najareeti, kwa okumuhaana Omutima Omurabhu, na obhuturo. Yeesu yeenaaranga eyo na eyo, arakora amangʼana amajomu na okuhwenʼya bhonsego bhanú bhaanyankibhwanga na eginguru gya Erisambwa, kwa okubha Waryubha yaaringa hamwi nawe.

Amakorwa ga Abhatumwa 20:35

Kira eringʼana rinú naakoranga, naabhoorokya ega, kwa enjira ya okukora emirimu kwa ekituunyo, tureenderwa okubhabheera bhanú bhataana obhuturo. Mubhenga murahiituka amangʼana ganú Omukuru Yeesu omwene yaagamba ega, ‘Nyakara okuruusya, kutakuringʼaana okuhaanwa.’”

Abharuumi 14:15

Kwa ego, nyoore uuwe oraamukore omwikirirya omurikyaho asurumbare bhukongʼu mumutima gwaye, hanú araarore orarya ebhyakurya nyabhurebhe, hayo orabha otakoorokereribhwa na obhuhanje kumurikyaho. Mbe, oteekirirya ega, kwa enjira ya ebhyakurya bhyaho, omuhabhye omuntu unú Kiristu yaakwa kurusumo rwaye!

Abharuumi 15:3

Kora Kiristu omwene, ataakora amangʼana ganú gaaringa na obhwera kuweeki omwenego. Nawe, ganú yaakoranga, gaaringa kya ego Amangʼoore Amarabhu garagamba ega, “Amatuki ganú bharakutuka uuwe Waryubha, gaannyoora oni.”

Abharuumi 15:5

Waryubha ngʼo aratubheera okwigumirirya na aratuhorisya. Bhoono, ndasabha ega, abhakore mwikare hamwi kwa ensonga eimwi, kwa okubha muragwata ekirengyo kya Kiristu Yeesu.

1 Abhakorinto 10:33

Mubhe kya ego oni ndingi. Ndeekongʼererya okubhangʼarira abhantu bhonsego, kumangʼana gonsego ganú ndakora. Etaringi ega, ndakora ego, kurusumo rwa obhwera bhwani omwene, nawe ndakora ego, kurusumo rwa obhwera bhwa abhantu abhaaru, naho bheeki bhatuuribhwe.

Abhaefeso 5:2

Mwikarane kwa obhuhanje, kya ego Kiristu yaabhahanja bheenyu, akeeruusya okukwa kurusumo rwetu, akabha ekimwenso na esadaaka inú erarangasira ku Waryubha.

Abhafiripi 1:1

Enyarubha inu, erwiri kuoni Pauro, ndingi hamwi na Timoteo, omugaya omurikyani ku Kiristu Yeesu. Turabhangʼoorera bheenyu abheemiririri na abhabheeri bha erikanisa, na bheenyu abhantu bhonsego bha Waryubha bhanú mwagwatana na Kiristu Yeesu, Firipi eyo.

1 Petero 2:21

Mureenderwa mwigumiriryenga ego, kwa okubha Kiristu wonse, yaanyankibhwa kurusumo rwenyu. Kweki akabhatigira ekirengekanʼyo, naho mubhenga muramwihigira.

1 Petero 4:1

Mbe, kwa okubha Kiristu yaanyankibhwa omubhiri gwaye, na bheenyu bhonse mwiseemye okunyankibhwa kya omwene. Ndagamba ego, kwa okubha omuntu unú amariri okunyanka kumubhiri gwaye, atigeeni na obhusarya.

1 Yoana 2:6

Na omuntu unú aragamba ega, agwateeni na Waryubha, areenderwa yeekare kya ego Yeesu yeekara.