Abhafiripi 2:30 - Eriragano Erihya

³⁰ kwa okubha yaaringa haangʼi okukwa, kurusumo rwa emirimu gya Kiristu. Yaaringa ateeri obhuhoru bhwaye mungʼanga, naho amare ganú bheenyu mwatamwa okunkorera kwa okubha ndingi hare na bheenyu.

Abhafiripi 2:30 ပူးပေါင်းရင်းမြစ်များ

Amakorwa ga Abhatumwa 20:24

Kora nkaakwa, kitari ekintu kuoni, naho ndeenda mmare emirimu ginú Omukuru Yeesu yaangʼaana ngikore. Emirimu giyo, n-gya okuraarikira abhantu Amangʼana Amajomu ga eriruguto rya Waryubha.

Abharuumi 16:4

na bheenda okubhurya obhuhoru bhwabho, kurusumo rwani. Ntaringi oni omwenego unú ndabhakumya, nawe, kora abheekirirya bhanú bhataringi Abhayahudi mumakanisa gonsego, bharabhakumya bhukongʼu.

1 Abhakorinto 15:53

Eribha ego, kwa okubha emibhiri ginú girasarika gireenderwa gihunjurwe gibhe emibhiri ginú gitakusarika, na emibhiri ginú girakwa gireenderwa gihunjurwe gibhe emibhiri ginú gitakukwa.

1 Abhakorinto 16:10

Bhoono, Timoteo hanú ariija kubheenyu eyo, mumwangararire bhujomu, naho yeekare bira obhoobha, kwa okubha wonse arakora emirimu gya Omukuru kya oni omwene.

1 Abhakorinto 16:17

Naajomeerwe bhukongʼu hanú Sitefano, Fotunato na Akaiko, bhaahikiri hanu, kwa okubha bheeki bhambeereri amaaru kuganú naasuuhirwanga kwa okwanga okubha-ho kwenyu.

2 Abhakorinto 12:15

Oni ndijomerwa okuruusya ebhintu bhyani, na okwiruusya oni omwene, naho mbabheere. Nawe, bhoono eramaahikana ega, hanú oni ndagendererya okubhahanja bhukongʼu, nho bheenyu murasuuhya obhuhanje bhwenyu kuoni.

2 Abhakorinto 4:12

Mbe, bheetu turingi mungʼanga ya okukwa okurekana na emirimu gyetu, nawe, emirimu gyetu ngyo girakora bheenyu muranyoora obhuhoru.

Abhafiripi 2:17

Kora nyoore amanyinga gaani, gareetirwe kya ekimwenso, hamwi na eimani yeenyu inú eraruusibhwa ekimwenso embere ya Waryubha, oni ndajomerwa. Ndajomerwa hamwi na bheenyu bhonsego.

Abhafiripi 2:27

Maheene yaaringa asingiri. Nawe, Waryubha yaamurorera ekyabhira akamuhwenʼya. Waryubha ataamurorera ekyabhira weeki omwenego, oni nonse yaandorera ekyabhira, naho ntasurumbara bhukongʼu, okukira kya ego ndasurumbara bhoonwego.

Abhafiripi 4:10

Mbe, njomeerwe bhukongʼu na okumukumya Omukuru Yeesu, kwa okubha bhoono mwambiri kweki okunganirya, kya ego mwaringa muranganirya, nawe, mukabha murabhura omweya gwa okumbeera.

Abhafiripi 4:18

Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

Firimoni 1:13

Kweki, nkeenderi yeekare na oni, naho anyoore omweya gwa okumbeera emirimu ginú uuwe okaambeereri, eribhaga ndingi mukibhohe kurusumo rwa Amangʼana Amajomu.

Obhukundukuri 12:11

Abheekirirya abharikyetu bhamuhigiri kwa amanyinga ga Omwana wa Eringʼondi, na kwa obhwimiririri bhunú bhaaruusya. Bhataarora obhwera bhwa obhuhoru bhwabho, bhaaringa bheeseemerye okukwa kurusumo rwa okwikirirya Omwana wa Eringʼondi.