Abhafiripi 2:29 - Eriragano Erihya

²⁹ Mbe bhoono, mumuturuungʼane kwa obhujomerwa obhunene, omuhiiri weenyu uyo ku Mukuru Yeesu. Mubharenga abhantu kya uyo, ega, m-bantu bha okusuukwa,

Abhafiripi 2:29 ပူးပေါင်းရင်းမြစ်များ

Ruuka 9:5

Na nyoore abhantu hayo bhataribhagenihya, murwe hayo, murakungʼunta oruteeri kumaguru geenyu, naho okoorokya ega, Waryubha abhaangiri.”

Yoana 13:20

Ndabhakeerya obhuheene ega, omuntu wowonse unú aramuturuungʼana unú mmutumiri, aranturuungʼana oni. Egoego, unú aranturuungʼana oni, aramuturuungʼana Taata unú yantumiri.”

Amakorwa ga Abhatumwa 2:46

Kira orusiku bhaasikananga murubhanja rwa erisyengerero erikuru rya Waryubha. Nawe, eribhaga rya okusuunura omukaate, bhaasikananga muginyumba gyabho, bhararya hamwi kwa obhujomerwa na omutima gwa obhuserenʼya,

Amakorwa ga Abhatumwa 28:10

Abhantu bha hayo, bhakabha bharatusuuka bhukongʼu. Na hanú tweenda okwimuka, bhakaturiinirya mubhwato ebhintu bhyonsego bhinú tweendanga.

Amakorwa ga Abhatumwa 8:8

Kwa ego, bhukabha-ho obhujomerwa bhukongʼu mumugi gurya.

Abharuumi 10:15

Kweki abhantu bharatura egaki, okugya okuraarika amangʼana gayo, nyoore bhataakatumirwe? N-kya ego Amangʼoore Amarabhu garagamba ega, “Okuhika kwa omuntu unú arareeta Amangʼana Amajomu, kuribha kurajomera abhantu!”

Abharuumi 16:2

Ndasabha mumugenihye bhujomu, kya ego ereenderwa kubhantu bha Waryubha, kwa okubha wonse m-mwikirirya wa Omukuru Yeesu. Kweki ndasabha ega, mumubheere kyokyonse kinú areenda, kwa okubha wonse yaabheera abhantu abhaaru, kora oni.

1 Abhakorinto 16:10

Bhoono, Timoteo hanú ariija kubheenyu eyo, mumwangararire bhujomu, naho yeekare bira obhoobha, kwa okubha wonse arakora emirimu gya Omukuru kya oni omwene.

1 Abhakorinto 16:18

Bheeki bhasambaarukirye omutima gwani, na egyenyu gyonse. Mbe bhoono, mubhamanye bhukongʼu abhantu kya bhanu.

2 Abhakorinto 10:18

Kwa ego, omuntu wowonse unú areegungya omwene atakwikiriribhwa, nawe, unú aragungibhwa na Omukuru, ngʼo areekiriribhwa.

2 Abhakorinto 7:2

Mutuhaane omweya mumitima gyenyu, kwa okubha tutaamusarirya omuntu wowonse urya. Tutaamunyahaara omuntu wowonse, kora tutaamuhabhya omuntu wowonse.

Abhafiripi 2:28

Kwa ego, ndakora ekituunyo bhukongʼu okumutuma yaaje kubheenyu, naho hanú murimurora kweki, mujomerwe, oni nonse omutima gwani gusimbiire.

Abhakorosai 4:10

Aristariko, unú aringi hamwi na oni mukibhohe, arabhakeeranʼya. Mariko wonse, omubhyara wa Bharinabha arabhakeeranʼya. Mwamariri okunyoora amaragiriryo eguru yaaye. Hanú arihika kubheenyu eyo, mumuturuungʼane bhujomu.

1 Abhatesaronike 5:12

Bhoono, abhahiiri bheetu kuimani, turabhasabha mubhasuuke bhanú bharanyanka kurusumo rwenyu na okubhoorokererya kwa obhutungi bhwa Omukuru Yeesu, na okubhatongera.

1 Timoteo 5:17

Abhakangati bhanú bhareemiririra erikanisa bhujomu, bhasuukwe na okukorerwa amajomu, ekinene bhanú bharakora ekituunyo okuraarika na okwihigirya.

Abhaebhurania 13:17

Mubhasuuke abhatungi bheenyu na okwisuuhya kubheene, kwa okubha bheeki mbo bharabhanyankira na bheeki bhariruusya erisaabhu ryabho eguru ya emirimu gyabho. Mubhasuuke, naho bhakore emirimu gyabho kwa obhujomerwa. Nawe, nyoore mutakubhasuuka, bhataakore emirimu gyabho kwa obhujomerwa, na emirimu giyo gitaabhe na obhwera bhobhonse kubheenyu.

3 Yoana 1:10

Kwa ego, hanú ndiija eyo, nditubhura gonsego ganú arakora, kya ego araruusya amangʼana amabhiibhi ga ekikangi kubheetu. Kora gataringi gayo ageenego, kweki araanga okubhagenihya abheekirirya abharikyetu bhanú bharingi kurugendo. Na araribhira abhantu abhandi bhanú bhareenda okubhagenihya na arabhakenyia mwikanisa.