Abhafiripi 2:25 - Eriragano Erihya

²⁵ Nawe, bhoono nduuji ega, m-bujomu mmutume kubheenyu omwikirirya omurikyani Epafurodito, unú arakora emirimu gya Waryubha hamwi na oni. Weeki m-musirikare omurikyani kumirimu gya Waryubha. Kweki ngʼo mwatuma, naho yaaje okumbeera amangʼana ganú ndasuuhirwa.

Abhafiripi 2:25 ပူးပေါင်းရင်းမြစ်များ

Yoana 13:16

Ndabhakeerya obhuheene ega, omugaya ataringi omukuru okukira omukuru waaye, kweki unú aratumwa ataringi omukuru okukira unú aramutuma.

Yoana 17:18

Kya ego waantuma oni mukyaro, egoego na oni mbatumiri bheeki mukyaro.

Abharuumi 16:3

Munkeeranirye Pirisikira na Akira. Bhayo m-bakori bha emirimu abharikyani kumirimu gya Kiristu Yeesu,

Abharuumi 16:9

Munkeeranirye Uribhano, omukori wa emirimu hamwi na oni ku Kiristu, na kora omuhanje waani Sitakisi.

1 Abhakorinto 3:9

Ndagamba ego, kwa okubha bheetu turakora emirimu gya Waryubha. Na bheenyu m-mugunda gwaye, na enyumba yaaye.

2 Abhakorinto 2:13

Nawe, nteeyigwa bhwaheene mumutima gwani, kwa okubha ntaamunyoora eyo Tiito, omuhiiri waani kuimani. Kwa ego, nkaraga abhantu nkagya Makedonia.

Abhafiripi 2:26

Ndamutuma kwa okubha areegomba okumaahana na bheenyu bhonsego, na arasurumbara kwa okubha mweegwa ega, yaaringa omurweri.

Abhafiripi 4:18

Bhoono, ebhintu bhyonsego bhinú mwatuma Epafurodito yaandeetere, naabhinyooreri. Bhyakuneenʼye obhwendi bhwani bhonsego, kweki m-byaru okukira kya ego neendanga. Ebhintu bhiyo, n-kya ekimwenso kinú kirarangasira, esadaaka inú ereekiriribhwa na okumungʼarira Waryubha.

Abhafiripi 4:3

Kora uuwe unú oringi omukori wa emirimu omurikyani omuheene, ndasabha obhabheere abhakari abhabhiri bhayo, bhabhe na ensonga eimwi. Abhabhiri bhayo bhonsego, bhaakora ekituunyo bhukongʼu hamwi na oni kukuraarika Amangʼana Amajomu kubhantu. Kweki abhakari bhayo, bhaaringa bharakora emirimu hamwi na Kirementi na abhakori bha emirimu abharikyani abhandi. Amariina ga abhantu bhayo bhonsego, garingi mukitabho kya obhuhoru bhwa koko ekya Waryubha.

Abhakorosai 1:7

Mweehigiribhwa Amangʼana Amajomu gayo na Epafura. Weeki m-mukori wa emirimu omurikyetu omuhanje, aramukorera emirimu Kiristu kwa obhuheene kurusumo rwenyu.

Abhakorosai 4:11

Yeesu wonse unú arabhirikirwa Yusito, arabhakeeranʼya. Gati ya Abhayahudi bhanú bhaagwata eimani, abhasatu bhayo abheenego, mbo bhakyakora emirimu gya obhukama bhwa Waryubha hamwi na oni. Bheeki bhanteremerye bhukongʼu.

1 Abhatesaronike 3:2

tumutume Timoteo omuhiiri weetu kuimani, naho yaaje okubhateremya na okubhahorisya eguru ya eimani yeenyu. Weeki m-mukori wa emirimu omurikyetu wa Waryubha, kukuraarika Amangʼana Amajomu eguru ya Kiristu.

Firimoni 1:24

Na abhakori bha emirimu abharikyani, Mariko, Aristariko, Dema na Ruuka, bhonse bharakukeeranʼya.

Abhaebhurania 3:1

Kwa ego, bheenyu abhahiiri bhaani kuimani, bhanú Waryubha abhasoreri okubha abhantu bhaaye, mwiganirirye eguru ya Yeesu unú aringi Omutumwa wa Waryubha, kweki m-Musyengeri Omukuru unú turamwikirirya.