Abhafiripi 2:21 - Eriragano Erihya

²¹ Abhandi bhonsego bharanyankira amangʼana gaabho abheene, bhatakunyankira ganú Yeesu Kiristu areenda.

Abhafiripi 2:21 ပူးပေါင်းရင်းမြစ်များ

Mataayo 16:24

Mbe, Yeesu akabhakeerya abheehigira bhaaye ega, “Omuntu wowonse unú areenda okunsoorana oni, areenderwa yeeyange omwene, na okugega omusarabha gwaye, yansoorane.

Ruuka 14:26

“Omuntu wowonse unú aransoorana arabha omwihigira waani heene hanú araanhanje oni, okukira esewaabho, ngʼina waabho, omukari waaye na abhaana bhaaye, abhahiiri bhaaye bha ekisaaja na bha ekikari, na obhuhoru bhwaye omwene.

Amakorwa ga Abhatumwa 13:13

Nho, Pauro na abharikyaye bhakariina mubhwato bhakagenda orugendo okurwa Pafo, bhakahika mumugi gwa Perige mukyaro kya Pamufiria. Nawe, Yoana Mariko akabhatiga hayo, akahunjuka Yerusaremu.

Amakorwa ga Abhatumwa 15:38

Nawe, Pauro yaarora ega, etaringi bhujomu bhagye hamwi na Mariko, kwa okubha yaaringa abhatigiri mukyaro kya Pamufiria, na yaaringa yaangiri okugendererya okukora emirimu hamwi nabho.

1 Abhakorinto 10:24

Omuntu atatuna ganú garamubheera weeki omwenego, nawe atune ganú garabheera abharikyaye.

1 Abhakorinto 10:33

Mubhe kya ego oni ndingi. Ndeekongʼererya okubhangʼarira abhantu bhonsego, kumangʼana gonsego ganú ndakora. Etaringi ega, ndakora ego, kurusumo rwa obhwera bhwani omwene, nawe ndakora ego, kurusumo rwa obhwera bhwa abhantu abhaaru, naho bheeki bhatuuribhwe.

1 Abhakorinto 13:5

Obhuhanje bhuramukora omuntu abhe arabhasuuka abhandi, bhutakumukora yeeganirirye eguru yaaye omwenego, kora bhutakukora omuntu ajime bhwangu, kora abhiike ekisiiyomba.

2 Abhakorinto 1:5

Kya ego turagendererya okunyoora eginyanko kurusumo rwa Kiristu, egoego Waryubha aragendererya okutuhorisya bhukongʼu, okuhitira ku Kiristu.

Abhafiripi 2:4

Kira omuntu ateeganirirya amangʼana gaaye omwenego, nawe yeeganirirye amangʼana ga abhandi gonse.

2 Timoteo 1:15

Omanyiri ega, abhantu bhonsego bha mukyaro kya Asia bhantigiri, gati yaabho bharimo Fugero na Herimogene.

2 Timoteo 3:2

Eribhaga riyo, abhantu bhariihanja abheene, bharibha na orunamba rwa egimbirya, bharibha bhareegungya, bharibha na emitwe emikongʼu, bharibha bharagamba amangʼana ga amatuki, bhatarisuuka abheebhuri bhaabho, bhataribhanga bharakumya kumangʼana gogonse, na bhatarimwigwa Waryubha.

2 Timoteo 4:10

Dema yaantigiri. Weeki yaahanja amangʼana ga ekyaro, akaamura okugya mumugi gwa Tesaronike. Kiresike weeki, yaagiiri okumukorera emirimu Waryubha mukyaro kya Garatia, na Tiito yaagiiri mukyaro kya Darimatia.

2 Timoteo 4:16

Hanú neebhagirira mwibharaja orwa mbere, ataatuuka-ho kora omuntu oumwi unú yeemirira orubhaara rwani, bhonsego bhaantiga. Ndamusabha Waryubha atige okubhabharira obhusarya bhuyo.