Abhafiripi 2:2 - Eriragano Erihya

² Mbe, mukunaanʼye obhujomerwa bhwani kwa okubha na ensonga eimwi na muhanjane bheenyu abheene kwa abheene. Kweki mubhe na obhumwi mumitima gyenyu na mubhe na ameetegeerero gamwi.

Abhafiripi 2:2 ပူးပေါင်းရင်းမြစ်များ

Yoana 3:29

Omwenga ngʼ-wa omuteti. Nawe, omusaani wa omuteti, unú areemirira haangʼi na omuteti, na okwitegeerera kya ego aragamba, arajomerwa bhukongʼu hanú areegwa eriisi rya omuteti. Kwa ego, kuyo nko okujomerwa kwani, kunú kukuneeni.

Amakorwa ga Abhatumwa 1:14

Bhayo bhonsego, bheekumanʼyanga hayo, bhaamusabhanga Waryubha kwa omutima ogumwi, hamwi na Mariamu ngʼina waabho Yeesu, na abhakari abhandi, na abhamura bhaabho Yeesu.

Amakorwa ga Abhatumwa 2:1

Orusiku rwa enyangi ya Epentekosite hanú rwahika, abheekirirya bhonsego bha Yeesu, bhaaringa bheekumeenʼye munyumba eimwi.

Amakorwa ga Abhatumwa 2:46

Kira orusiku bhaasikananga murubhanja rwa erisyengerero erikuru rya Waryubha. Nawe, eribhaga rya okusuunura omukaate, bhaasikananga muginyumba gyabho, bhararya hamwi kwa obhujomerwa na omutima gwa obhuserenʼya,

Amakorwa ga Abhatumwa 5:12

Abhatumwa bha Yeesu bhayo, bhaakoranga ebhimanyiiriryo na ebhiruguuryo ebhyaru embere ya abhantu. Na abheekirirya bhonsego bhaaringa bhareekumanʼya kwa omutima gumwi, murubhanja rwa erisyengerero erikuru rya Waryubha, mu Ribharaja rya Soromoni.

Abharuumi 12:16

Mwikare hamwi kwa ensonga eimwi. Mutabha mureegungya, nawe, mwiyituumye, mubhe na obhugwatani na abhantu bha insi. Muteerora ega, bheenyu abheenego muuna obhungʼeeni.

1 Abhakorinto 1:10

Mbe bhoono, abhahiiri bhaani kuimani, ndabhakomererya kuriina rya Omukuru weetu Yeesu Kiristu ega, mutabha murahabhana kungamba. Nawe mubhenga mureegwirana, na mubhenga na obhumwi kuganú oranyoora murahairira na kuganú oranyoora mureeganirirya.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

2 Abhakorinto 2:3

Kiyo nkyo kyakora nkabhangʼoorera munyarubha irya ega, ntariija kubheenyu, naho ntariija okusurumbaribhwa na abhantu bhanú bheenderwanga okunkora njomerwe. Niina obhuheene ega, hanú oni ndaabhe na obhujomerwa, na bheenyu bhonsego murabha na obhujomerwa.

2 Abhakorinto 7:7

Tutaahorisibhwa kwa okuuja kwa Tiito okwenego, nawe, na kya ego bheenyu mwamuhorisya weeki. Yaatukeerya kya ego mureegomba okundora oni, na kya ego murasurumbara na okunnyankira. Gayo gankoreri njomerwe bhukongʼu.

Abhafiripi 1:4

Na kira hanú ndabhasabhira, ndabhasabhira bheenyu bhonsego kwa obhujomerwa,

Abhafiripi 2:16

Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

Abhafiripi 2:20

Ndamutuma, kwa okubha ntaana omuntu oundi, unú maheene abhamanyiri kya Timoteo.

Abhafiripi 4:2

Ndabhakomererya bhukongʼu Euodia na Sintike bheekare hamwi kwa ensonga eimwi, kwa okubha bhonsego bharasoorana Omukuru Yeesu.

Abhakorosai 2:5

Onyoora oni omwene ntaringi hamwi na bheenyu, nawe omutima gwani guringi hamwi na bheenyu. Ndajomerwa kwa okubha ndeegwa eguru ya obhumwi bhwenyu, na okunaga kwa eimani yeenyu ku Kiristu.

2 Abhatesaronike 2:13

Nawe bheetu, tureenderwa okumukumya Waryubha eribhaga ryonsego kurusumo rwenyu, bheenyu abhahiiri bheetu kuimani bhanú mwahanjwa na Omukuru Yeesu. Tureenderwa okukora ego, kwa okubha Waryubha yaabhasora okurwa kubhwambiro bhwa obhubhumbi, naho mutuuribhwe. Mutuuriibhwe kwa okuraamwa na Omutima Omurabhu na kwa enjira ya okwikirirya obhuheene.

2 Timoteo 1:4

Hanú ndahiituka ameesori gaaho, eribhaga rinú twaragananga, ndeegomba bhukongʼu okukurora kweki, naho mbe na obhujomerwa.

Firimoni 1:20

Bhoono omuhiiri waani, unyikiririrye eringʼana rinu, kurusumo rwa Omukuru Yeesu. Osambaarukye omutima gwani kya ego omuhiiri ku Kiristu akaakoreri.

2 Yoana 1:4

Naajomerwa bhukongʼu, okurora abhaana bhaaho abhandi, bharagwata obhuheene, kya ego Taata Waryubha yaaturagirirya.

3 Yoana 1:4

Ritariho eringʼana rinú riranjomera bhukongʼu okukira okwigwa ega, abhaana bhaani kuimani bhareekara kwa obhuheene.