Abhafiripi 2:16 - Eriragano Erihya

¹⁶ Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

Abhafiripi 2:16 ပူးပေါင်းရင်းမြစ်များ

Mataayo 10:27

Amangʼana gogonse ganú ndabhakeerya kwa ekinyerera, mugagambe kubhurabhu. Kweki, amangʼana gogonse ganú mureegwa okurwa kuoni kabhejyo, mugaraarike kubhurabhu.

Ruuka 12:8

“Ndabhakeerya ega, kira omuntu unú aranyikirirya embere ya abhantu, oni nonse, Omwana wa Adamu, ndimwikirirya embere ya bhamaraika bha Waryubha.

Yoana 6:63

Omutima wa Waryubha ngʼo arabhahaana abhantu obhuhoru. Omuntu atakutura okukora kyokyonse kwa eginguru gyaye omwene. Amangʼana ganú mbakeererye n-ga Omutima wa Waryubha, na garareeta obhuhoru bhwa koko.

Yoana 6:68

Simoni Petero akamukyukya ega, “Omukuru, tugende kuwi? Uuwe omwene uuna amangʼana ganú garatuhaana obhuhoru bhwa koko.

Amakorwa ga Abhatumwa 13:26

“Abhahiiri bhaani, abhantu bha oruganda rwa Abhurahamu, na bheenyu Abhayunani, bhanú muramwigwa Waryubha, amangʼana ga obhutuurya bhunu n-kurusumo rwetu!

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

1 Abhakorinto 9:26

Kora oni nonse, ntakukenya kya omuntu unú atakwenda obhuhigi. Kweki egoego ntakurwana kya omuntu unú ararekera eginkundi bhusa.

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

Abhagaratia 2:2

Naariina okugya Yerusaremu kwibhaga riyo, kwa okubha Waryubha yaaringa yaantubhuriiri ega, ngende. Hanú naahika, nkamaahana kabhejyo na abhatungi bha erikanisa bhanú bharasuukwa bhukongʼu na abhantu. Kimwi nkabhakeerya Amangʼana Amajomu ganú naaringa ndaraarikira abhantu bhanú bhataringi Abhayahudi. Naamura okukora ego, naho emirimu ginú naaringa nkoreri na ginú ndagendererya okukora gitariija okubha gya bhusa.

Abhagaratia 4:11

Niina enkubhi eguru yeenyu ega, hamwi emirimu gyani gyonsego ginú naakora kubheenyu, gyahita bhusa.

Abhafiripi 1:10

naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

Abhafiripi 1:6

Niina obhuheene ega, Waryubha unú yaamba emirimu emijomu mumitima gyenyu, arigigendererya okuhikira gikunaane kurusiku runú Kiristu Yeesu arihunjuka.

1 Abhatesaronike 2:19

Hanú Omukuru Yeesu ariija, bheenyu muribha obhwisige bhwetu, obhujomerwa bhwetu na eritaaji rya obhuhigi bhunú tureeheemera.

1 Abhatesaronike 3:5

Kwa ego, hanú oni nonse naatamwa okugendererya okwikongʼererya, nkamutuma Timoteo kubheenyu, naho mmanye eguru ya eimani yeenyu. Naakora ego, kwa okubha neeganiriryanga ega, etariija okubha Omusakya urya yaabhasakya na okubhabhurya, emirimu gyonsego ginú twakora gibhe gitaana obhwera.

Abhaebhurania 4:12

Eringʼana rya Waryubha ni-rihoru kweki riina eginguru okukira omuhyu gogonse omoogi. Eringʼana riyo, rirabhita omuntu okuhikira kumaguha, riraahukanʼya ebhiroobhero na amaguta ganú garingi munsi wabhyo. Kweki riraanguha okumanya ameetegeerero na kinú omutima gwa omuntu gureenda.

1 Petero 1:23

Mukore ego, kwa okubha mweebhurwa orwa kabhiri. Okwibhurwa kuyo, kutakurekana na bheseweenyu, bheeki bharakwa, nawe bheenyu mutakukwa kwa okubha mweebhurwa kwa eringʼana rya Waryubha erihoru. Na eringʼana ryaye, riraguma koko.

1 Yoana 1:1

Turabharaarikira amangʼana eguru ya Eringʼana rya obhuhoru, rinú ryaringa-ho okurwa obhusimuka. Bheetu turiigwiri na okurirora na ameeso geetu, turimaahiri na okurigwata na amabhoko geetu.

Obhukundukuri 22:17

Omutima wa Waryubha na omwenga wa Omwana wa Eringʼondi bharamubhirikira Omukuru Yeesu ega, “Nuuje!” Na abhantu bhonsego bhanú bhariigwa amangʼana ga ekitabho kiyo bhagambe ega, “Nuuje!” Wowonse unú yaana enyonta, na unú areenda amanji, yaaje anywe bhusa amanji ga obhuhoru bhwa koko.