Abhafiripi 2:15 - Eriragano Erihya

¹⁵ Kwa ego, mubhe abhaana bha Waryubha bhanú bhataana amasoro, kweki bhataana obhubhiibhi. Kweki mubhe abhantu bhanú bhatakugambwa obhubhiibhi gatigati ya abhantu bha bhoonwego, bhanú bheejwiri obhubhiibhi bhukongʼu. Gatigati ya abhantu bhayo, bheenyu mumaahikane kya endingaasi inú eramirika mukyaro.

Abhafiripi 2:15 ပူးပေါင်းရင်းမြစ်များ

Mataayo 10:16

“Mwitegeerere, ndabhatuma kya amangʼondi gati ya eginsuuji. Kwa ego, mubhe abhaangarariri kya enjoka, kweki mubhe abhanyoohu kya enguuti.

Mataayo 17:17

Yeesu akakyukya ega, “Bheenyu orwibhuro runú rutaana eimani, runú ruhabhiri! Ndiikara na bheenyu na okubheegumirirya okuhikira ruuha? Mumureete hanu omwana uyo!”

Mataayo 5:45

Mbe, mukaakora ego, erimaahikana ega, maheene muringi abhaana bha Eseweenyu owa murwire. Weeki ngʼo arabhamirikira eryubha abhantu abhahanje na abhasarya. Kweki, embura erabhatwera abhantu abhaheene hamwi na abhasarya.

Mataayo 5:48

Mbe, mubhe mukuneeni, kya ego Eseweenyu owa murwire akuneeni.

Ruuka 1:6

Bhabhiri bhayo bhaaringa abhaheene embere ya Omukuru Waryubha. Bhaaringa bharagwata amaragiriryo gaaye gonsego, bira amasoro.

Ruuka 6:35

“Nawe bheenyu, muhanje abhasigu bheenyu, na mubhaserenʼye. Mubhahaane esiiri, mutige okwiganirirya okuhindiribhwa. Waryubha aribhahaana omutuho omunene, na muribha abhaana bha heene kuweeki, Omukuru wa bhyonsego. Kwa okubha, Waryubha araserenʼya kora bhanú bhatakumugungya, na abhakori bha obhusarya.

Yoana 5:35

Yoana Omubhatiiji yaaringa kya ekorobhoi inú erooka na okumurika mukisunte, na bheenyu mukajomererwa endingaasi iyo kwa eribhaga ekego.

Amakorwa ga Abhatumwa 2:40

Petero akagendererya okubhakeerya amangʼana agandi amaaru ga okubhakemera, enu arabhakomererya ega, “Mumusabhe Waryubha abhatuurye okurwa kurwibhuro orubhiibhi runu, naho atariija okubhabhuturira ekiina!”

Amakorwa ga Abhatumwa 20:30

Kora okurwa gati yeenyu abheene, bhareebhuke abhantu bhanú bharihabhya obhuheene, naho bharute abheekirirya bhabhasoorane.

Abharuumi 16:19

Abhantu bhonsego bheegwiri ega, muringi abheegwa. Eringʼana riyo, riranjomera bhukongʼu. Ndeenda mubhe na egintungwa gya okukora amajomu, mutabha na amasoro gogonse eguru ya amabhiibhi.

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

2 Abhakorinto 6:17

Kwa ego, Omukuru yaagamba kweki ega, “Murwe gatigati waabho, mwiyahure nabho. Mutakuunʼya ekintu ekikonu, na oni, nho, ndibhaturuungʼana.

Abhaefeso 5:27

Yeendanga yeenyoorere erikanisa erirabhu, rinú ritaana akakorikori kora amasoro gogonse.

Abhafiripi 1:10

naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

Abhafiripi 3:6

Ekituunyo kya okugwata amaragiriryo gayo, kyakora naanyankyanga erikanisa. Eguru ya obhuheene bhunú bhurarekana na okugwata amaragiriryo, ntaaringa na amasoro gogonse.

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

1 Timoteo 3:10

Bhayo bhonse bhasakibhwe mbere. Hanú bharaamanyikane ega, bhataana amasoro, nho bhakore emirimu giyo.

1 Timoteo 3:2

Mbe, omwimiririri wowonse wa erikanisa areenderwa abhe omuntu unú atakugambwa obhubhiibhi. Abhe na omukari umwi ego, abhe areeribhira, kweki, abhe na egintungwa, abhe arakora amangʼana gaaye bhujomu, abhe omuserenʼya na abhe amanyiri okwihigirya.

1 Timoteo 5:14

Mbe bhoono, oni ndeenda ega, abhasino bhanú bhataringi abhagotu, bhabhenga bharatetwa bheebhure, bhabhenga bharaangararira emigi gyabho, bhatige okuhaana abhasigu omweya gwa okutugamba obhubhiibhi.

1 Timoteo 5:20

Nawe, bhanú bharagendererya okukora obhusarya, obhakaanʼye embere ya bhonsego, naho abhandi bhonse bhoobhohe.

1 Timoteo 5:7

Amangʼana gayo gonse, obharagirirye abheekirirya, naho bhatabha na amasoro.

Tiito 1:6

Omukangati wowonse wa erikanisa, areenderwa abhe omuntu unú atakugambwa obhubhiibhi kuryoryonse rirya. Abhe na omukari umwi ego, abhaana bhaaye, bhabhe abheekirirya, bhatabha abhakabhankanu kasi bhanú bhatakwigwa.

Tiito 2:10

Bhatabheebhira, nawe, bhoorokye obhuheene bhwabho bhonsego, naho emirimu gyabho gikore abhantu abhandi bhajomererwe na ameehigiryo ga Waryubha Omutuurya weetu.

Tiito 2:15

Mbe bhoono, otumire obhutungi bhwaho, okwihigirya gayo gonsego, na wimye na okukemera abhantu. Na omuntu wowonse atakujeera.

Abhaebhurania 7:26

Omusyengeri Omukuru kya uyo, areenderwa bhukongʼu kubheetu, kwa okubha weeki m-murabhu, ataana obhubhiibhi, kweki ataakora obhusarya bhobhonse. Waryubha yaamwahura okurwa kubhakori bha obhusarya, akamuriinʼya okugya murwire.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

1 Petero 2:9

Nawe, bheenyu n-hamati inú yaasorwa, abhasyengeri bha Omukama, abhantu bhanú mwasorwa kurusumo rwaye omwenego, abhantu bhanú Waryubha yeendanga muraarike amakorwa gaaye amakuru. Omwene yaabhabhirikira okurwa mukisunte, okugya mundingaasi yaaye ya okuruguurya.

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.

Obhukundukuri 2:5

Muhiituke ganú mwakoranga eribhaga rinú mwaamba okunyikirirya na ganú murakora bhoonwego. Kimwi munyihunjurire, mukore kya ego mwakoranga eribhaga rirya. Nawe muraange okukora ego, ndaaja okuruusya ekisunga kyenyu ahasi haaye.

Obhukundukuri 3:9

Maaha! Ndibhareetera abhantu bha Erisambwa, bhanú bhareebhirikira ega, m-bantu bha Waryubha, nawe, bhataringi abhantu bha Waryubha, m-babheehi. Bhoono, ndibhakora bhaaje bhateme ebhiru embere yeenyu bhahiinye obhusu bhuhike hansi. Nho bharimanya ega, mbahanjiri bheenyu.