Abhafiripi 2:14 - Eriragano Erihya

¹⁴ Amangʼana gonsego ganú murakora, mugakore bira okwingʼeheerya kora okuhakaananʼya.

Abhafiripi 2:14 ပူးပေါင်းရင်းမြစ်များ

Mataayo 20:11

Hanú bhaamara okunyoora amariho gaabho, bhakaamba okwingʼeheerya kumwene omugunda,

Mariko 14:5

Amaguta ganu gakaaturiri okuguribhwa kwa egidinari magana gasatu na okukira hayo, na egimbirya giyo gikaaheerwe abhatobhu.” Bhakamukemera bhururu omukari urya.

Mariko 9:14

Yeesu na abheehigira abhasatu bharya, hanú bhaahunjuka okurwa munkuku, bhakamaaha omuganda omunene gwa abhantu gubheenaariri abheehigira abhandi bhanú bhaaringa bhatamiri. Abheehigirya bha amaragiriryo bhaaringa bharahakaananʼya na abheehigira bhayo.

Ruuka 5:30

Ekakora Abhafarisaayo, na abheehigirya bhaabho bha amaragiriryo, bhagye okwingʼeheerya kubheehigira bha Yeesu ega, “Ndeegwa, murarya na okunywa hamwi na abhatobhya bha erigooti na abhakori bha obhusarya?”

Amakorwa ga Abhatumwa 15:2

Eringʼana riyo ryakora Pauro na Bharinabha bhahakaananʼye na abhantu bhayo, okuhikira bhakabha abharuru bhukongʼu. Kubhuteero, abheekirirya bhakaamura ega, Pauro na Bharinabha hamwi na abhandi gati yaabho bhariine okugya mumugi gwa Yerusaremu, okusabha obhutongeri kubhatumwa bha Yeesu, na abhakangati bha erikanisa.

Amakorwa ga Abhatumwa 15:39

Mbe, Pauro na Bharinabha bhakahakaananʼya bhukongʼu eguru ya okugya na Mariko uyo. Kwa ego, bhakaahukana. Bharinabha akamugega Mariko uyo, bhakagya hamwi kwa obhwato kwiginga rya Kipuro.

Amakorwa ga Abhatumwa 15:7

Hanú ryahwa eribhaga eritambi, bhakyahakaananʼya, Petero akeemirira, akabhakeerya ega, “Bheenyu abhahiiri bhaani kuimani, mumanyiri ega, Waryubha yaansora oni gati yeenyu okurwa kubhwambiro, naho kwa omunwa gwani, abhantu bhanú bhataringi Abhayahudi bheegwe Amangʼana gaaye Amajomu, okuhikira bhamwikirirye.

Amakorwa ga Abhatumwa 6:1

Kuginsiku giyo, abheekirirya bha Yeesu bhaagendereryanga okwaruha bhukongʼu. Gati yaabho bhaaringa-ho Abhayahudi bhanú bhaahairanga Ekiyunani, na Abhayahudi abhandi bhanú bhaahairanga Ekiaramu. Mbe, Abhayahudi bha Ekiyunani bhakeengʼeheerya ega, kumirimu gya obhugabhi bhwa ebhyakurya bhya kira orusiku, abhasino bhaabho bhataagabhirwanga ebhyakurya na Abhayahudi bha Ekiaramu.

Abharuumi 12:18

Mukore ekituunyo kya okubha na omurembe na abhantu bhonsego.

Abharuumi 14:1

Mumwikiririrye omwikirirya omurikyenyu unú eimani yaaye etaranaga. Mutahakaananʼya nawe eguru ya ameetegeerero gaaye, nyoore garaahabhane na ageenyu.

Abharuumi 16:17

Bhoono, abhahiiri bhaani kuimani, ndabhakomererya ega, mwiyangararire na abhantu bhanú bhareehigirya ameehigiryo ga okwahukanʼya abhantu. Abhantu bhayo bhareenda okusarya eimani ya abhantu, na bharaanga ameehigiryo ganú mweehigiribhwa. Mwiyahure nabho!

1 Abhakorinto 10:10

Kweki muteengʼeheerya kya ego abhandi gati yaabho bheengʼeheerya, bhakasikibhwa na maraika omusikya.

2 Abhakorinto 12:20

Ndoobhoha ega, eribhaga rinú ndiija kubheenyu, ndibhanyoora muuna eginteemo ginú gitakunjomera. Riyo ririkora nkore ganú gatakubhajomera bheenyu. Ndoobhoha ega, ndatura okubhanyoora muuna eritoongʼana, orwango, enkoro, eginhaka, obhugambani, obhubheehi, ameeheemo na eriihe.

Abhagaratia 5:15

Nawe, nyoore murarumana na okwirya kya egintyenyi, mwiyangararire, naho mutariija okwisikya bheenyu abheene.

Abhagaratia 5:26

Tuteegungya bhusa, tutatindirana kora okumaahirana orungʼeera.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

1 Abhatesaronike 5:13

Mubhasuuke bhukongʼu na okubhahanja okuringʼaana na emirimu gyabho. Kweki mubhe mureekara kwa omurembe gati yeenyu.

1 Abhatesaronike 5:15

Mwangararire, omuntu wowonse atamuriha ekisiiyomba omurikyaye kwa obhusarya. Nawe, eribhaga ryonsego mubhenga murakorerana amajomu na kubhantu bhonsego.

Abhaebhurania 12:14

Mbe, mukore ekituunyo okwikara kwa omurembe na abhantu bhonsego. Kweki mukore ekituunyo okubha abharabhu bha emitima mubhuhoru bhwenyu, kwa okubha atariho omuntu unú aratura okumurora Omukuru, nyoore ataringi omurabhu wa omutima.

Yakobho 1:20

kwa okubha, hanú omuntu ajimiri, atakukora amangʼana ga obhuheene embere ya Waryubha.

Yakobho 3:14

Nawe, nyoore muuna orwango, obhubhihirirwa na obhutindi mumitima gyenyu, muteegungya ega, muuna egintungwa, kora mutagamba obhubheehi eguru ya obhuheene.

Yakobho 5:9

Abhahiiri bhaani kuimani, muteengʼeheereranʼya mutariija okubhuturirwa ekiina. Maaha! Omubhuturi wa ekiina Yeesu Kiristu, aringi haangʼi okuhunjuka.

1 Petero 3:11

Na atige okukora amabhiibhi, akorenga amajomu. Kweki akore ekituunyo okwikara kwa omurembe na abharikyaye,

1 Petero 4:9

Mubhe abhantu bha okugenihya abharikyenyu bira okwingʼeheerya.

Yuda 1:16

Abhantu bhayo, m-beengʼeheerya na abha okutonda amasoro, bharagwata orunamba rwabho orubhiibhi. Bhareegungya bhukongʼu enu bharagungya abhantu, naho bhanyoore obhwera.