Abhafiripi 2:1 - Eriragano Erihya

¹ Okugwatana kwenyu na Kiristu, kurabhateremya emitima? Na obhuhanje bhwaye bhurabhahorisya? Muuna obhumwi na Omutima Omurabhu? Kweki, muhanjirwe na okumaahirwa ekyabhira na Kiristu?

Abhafiripi 2:1 ပူးပေါင်းရင်းမြစ်များ

Ruuka 2:25

Yaaringa-ho omuntu umwi Yerusaremu hayo, eriina ryaye Simeoni. Yaaringa omuntu wa obhuheene, omwigwa ku Waryubha. Yaaganyiriranga okurora okutuuribhwa kwa Isiraeri, kweki Omutima Omurabhu yaaringa hamwi nawe.

Yoana 14:18

“Ntaribhatiga bheenyu abheene kya abhataka, nawe ndiija kweki kubheenyu.

Yoana 14:27

Hanú ndiimuka, ndibhatigira omurembe, omurembe gwani gunu ndabhahaana. Omurembe guyo gutaringi kya gunú gurarwa kubhantu bhanú bharamwanga Waryubha. Mutasurumbara mumitima gyenyu, kweki mutoobhoha kyokyonse.

Yoana 17:13

“Taata, bhoono ndaaja kuuwe. Oni ndabhakeerya abheehigira bhaani gonsego gayo, eribhaga nkyari mukyaro kinu, naho bhabhe na obhujomerwa bhwani bhonsego mumitima gyabho.

Amakorwa ga Abhatumwa 2:46

Kira orusiku bhaasikananga murubhanja rwa erisyengerero erikuru rya Waryubha. Nawe, eribhaga rya okusuunura omukaate, bhaasikananga muginyumba gyabho, bhararya hamwi kwa obhujomerwa na omutima gwa obhuserenʼya,

Amakorwa ga Abhatumwa 4:32

Abheekirirya bhonsego, bhaaringa na obhumwi, kumeetegeerero na omutima. Ataaringa-ho kora omuntu oumwi unú yaagambanga ega, ebhintu bhinú yaanabhyo m-byaye omwenego. Bhaatumiranga ebhintu bhyonsego, kwa obhumwi.

Abharuumi 5:5

Obhwisige bhuyo, bhutakutura okukora turore eginsoni, kwa okubha Waryubha atuhumiriiri obhuhanje bhwaye mumitima gyetu, okuhitira Omutima waaye Omurabhu.

Abharuumi 8:26

Hamwi na gayo, Omutima Omurabhu ngʼo aratubheera obhunyooheeru bhwetu. Bheetu tutamanyiri okumusabha Waryubha kya ego ereenderwa, nawe, Omutima Omurabhu omwenego, ngʼo aratusabhira ku Waryubha kwa ekiriro kya obhusurumbaru kinú kitakutura okugambwa.

1 Abhakorinto 12:13

Ndagamba ego, kwa okubha bheetu bhonsego, tubhe Abhayahudi kasi abhantu bha ebhyaro ebhindi, tubhe abhagaya kasi tubhe tureeyagaara, twabhatiijwa kwa Omutima oumwi na okuhaanwa Omutima oumwi uyouyo, naho tubhe omubhiri gumwi.

1 Abhakorinto 15:31

Abhahiiri bhaani kuimani, kira orusiku oni ndingi mungʼanga ya okukwa. Na bhunu m-buheene, kya ego ndeegungya kurusumo rwenyu, kwa okugwatana kwani na Kiristu Yeesu Omukuru weetu.

1 Abhakorinto 3:16

Bhoono, mutamanyiri ega, bheenyu ni-risyengerero rya Waryubha, na ega, Omutima wa Waryubha areekara munsi weenyu?

2 Abhakorinto 2:14

Nawe, turamukumya Waryubha, kwa okubha aratoorokererya eribhaga ryonsego okukiririrya obhuhigi bhwa Kiristu, eguru ya abhasigu bhaaye. Kweki aratukora bheetu okunyaraganʼya obhumanyi bhwa amangʼana eguru ya Kiristu, kira ahasi, kya ego obhurangasiru obhujomu bhuranyaragana kira ahasi.

Abhagaratia 4:6

Na kwa okubha bheenyu mubheeri abhaana bha Waryubha, Waryubha yaatuma Omutima wa Omwana waaye, mumitima gyetu. Omutima uyo, ngʼo aratukora tumubhirikire Waryubha “Aba,” ensonga yaaye niiga, “Taata.”

Abhagaratia 5:22

Nawe, emisumo gya Omutima Omurabhu, m-buhanje, obhujomerwa, omurembe, obhwigumirirya, obhuserenʼya, obhusambaaruku na eimani,

Abhaefeso 4:4

Bheetu bhonsego turingi kya omubhiri gumwi na twanyoora Omutima Omurabhu oumwi, kya bhurya twabhirikirwa na Waryubha tubhe na obhwisige obhumwi.

Abhafiripi 1:8

Waryubha amanyiri ega, ndagamba obhuheene hanú ndakomererya ega, ndeegomba bhukongʼu okubhamaaha bhonsego kweki. Mbahanjiri bheenyu kwa obhuhanje bhuryabhurya kya ego Kiristu Yeesu abhahanjiri bheenyu.

Abhafiripi 3:3

Bheetu mbo tuuna ensaaro ya maheene. Ensaaro ya maheene n-kubha abhantu bha Waryubha. Turabha ego, kwa okubha Omutima Omurabhu aratubheera okumusyengera Waryubha. Bheetu tureeheema na okwisigira Kiristu Yeesu, tutakwisigira amakorwa ga emibhiri gyetu, okunyoora obhutuurya,

Abhakorosai 2:2

Ndakora ego, naho emitima gyenyu giteremibhwe, na okuhanjana kwenyu kubhagwatanʼye. Ndeenda munyoore obhumanyi bhonsego bhunú bhurabhahaana obhuheene. Nho, muraamanye ekinyerera kya Waryubha kinú akare kyaringa kiibhisiri, kiyo nkyo Kiristu omwene.

Abhakorosai 3:12

Bhoono, kwa okubha bheenyu m-basorwa bha Waryubha, abharabhu bha omitima bhanú abhahanjiri, mubhe na omutima gwa ekyabhira, kweki mubhe abhaheene, abheesuuhya, abhanyoohu na abheegumirirya.

Abhaebhurania 6:18

Mbe, Waryubha yaakora ebhintu ebhibhiri bhinu, okuteena na okuraga. Ebhintu bhiyo, Waryubha ataribhikyukya kora orusiku rumwi, kwa okubha weeki ataringi omubheehi. Yaakora ebhintu bhibhiri bhiyo, naho atuteremye emitima bheetu bhanú tungʼoseeri kumwene, tugwatirire obhwisige bhwa amangʼana ganú garaaja embere yeetu.

1 Petero 1:2

Akare hayo, Taata Waryubha yaabhamanya na okubhasora kwa Omutima waaye, yaabhakora mubhe abharabhu bha omutima, naho mumwigwe Yeesu Kiristu na okuraamwa na amanyinga gaaye. Ndabhasabhira ku Waryubha abhoongerye eriruguto na omurembe.

1 Yoana 3:24

Omuntu wowonse unú araabhenga areegwa amaragiriryo ga Waryubha, yaana obhumwi nawe. Na Waryubha wonse yaana obhumwi nawe. Tumanyiri ega, tuuna obhumwi na Waryubha, kwa okubha atuheeri Omutima Omurabhu.

1 Yoana 4:12

Atariho omuntu wowonse unú yaakamuruuji Waryubha kora rumwi. Nawe, turaahanjane, Waryubha areekara obhumwi na bheetu, na obhuhanje bhwaye bhurakunaana munsi weetu.

1 Yoana 4:16

Bhoono bheetu, tumanyiri na tureekirirya obhuhanje bhunú Waryubha yaanabho kubheetu. Waryubha m-buhanje. Kira omuntu unú areekara kwa obhuhanje, areekara obhumwi na Waryubha, na Waryubha wonse areekara obhumwi na weeki.