Abhafiripi 1:7 - Eriragano Erihya

⁷ M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 1:7 ပူးပေါင်းရင်းမြစ်များ

Amakorwa ga Abhatumwa 20:23

Nawe, kinú mmanyiri niiga, mumigi gyonsego ginú naahitanga, Omutima Omurabhu yaanyorokyanga ega, ebhibhohe na enyanko bhiranganya.

Amakorwa ga Abhatumwa 21:33

Kimwi omukuru uyo, akasuntara akamugwata Pauro, akaamura ega, abhohwe na eminyororo ebhiri. Akamara akabhuurya ega, “Unu niwi? Na akoreri-ki?”

1 Abhakorinto 13:7

Obhuhanje bhuramukora abhe areegumirirya kugonsego, abhe yaana eimani eribhaga ryonsego, abhe yaana obhwisige eribhaga ryonsego, kweki abhe omwikongʼererya kugonsego.

1 Abhakorinto 9:23

Ndakora gayo gonsego kurusumo rwa Amangʼana Amajomu, naho nsange hamwi na abhandi kunonkwe inú erarekana na Amangʼana Amajomu gayo.

2 Abhakorinto 3:2

Bheenyu mbo enyarubha yeetu, inú engʼoorerwe mumitima gyetu, na abhantu bhonsego bharatura okuisoma na okuimanya.

2 Abhakorinto 7:3

Ntakugamba amangʼana gayo, okubhabhuturira ekiina ega, muringi abhabhiibhi, kwa okubha mmariri okugamba ega, bheenyu muringi mumitima gyetu, kora ekaabha kwa okukwa hamwi kasi okubha abhahoru hamwi.

Abhagaratia 5:6

Mbe, nyoore twikiriirye okugwatana na Kiristu Yeesu, okusaarwa kasi okutiga okusaarwa kutaana obhwera bhobhonse. Ekintu ekinene kya obhwera, ngʼ-imani yeetu inú erakora emirimu kwa obhuhanje.

Abhaefeso 3:1

Okurekana na gayo, oni Pauro ndabhasabhira. Oni mboherwe kwa ekisigo kya emirimu ginú Kiristu Yeesu yaangʼaana, kurusumo rwenyu abhantu bhanú bhataringi Abhayahudi.

Abhaefeso 4:1

Mbe, oni omubhohwa kwa okubha ndamukorera emirimu Omukuru Yeesu, ndabhakomererya mwikare, okuringʼaana na okubhirikirwa kunú Waryubha yaabhabhirikirira.

Abhaefeso 6:20

Oni m-muraariki wa Amangʼana Amajomu eguru ya Yeesu Kiristu, na gayo ngo garakora ndingi mukibhohe. Mbe, munsabhire naho nture okugaraarika bira obhoobha kya ego ndeenderwa.

Abhafiripi 1:12

Mbe, abhahiiri bhaani kuimani, ndeenda mumanye ega, gonsego ganú gannyooreri, gambeereri bhukongʼu okunyaraganʼya Amangʼana Amajomu.

Abhafiripi 1:13

Okurekana na gayo, emanyikeeni kubharindi bhonsego bha enyumba ya ekikama, na kubhandi bhonsego abha hanu ega, mboherwe kwa okubha ndamukorera emirimu Kiristu.

Abhafiripi 1:14

Hamwi na gayo, mmanyiri ega, okubhohwa kwani kunu, kukoreri abheekirirya abharikyetu abhaaru, bhanagiri ku Mukuru Yeesu kurusumo rwa okuraarika eringʼana rya Waryubha kwa ekituunyo na obhuteremu bhukongʼu.

Abhafiripi 1:5

kwa okubha bheenyu mwagwatana na oni kubhuraariki bhwa Amangʼana Amajomu, okurwa orusiku runú mwageegwa na okugeekirirya okuhikira reero.

Abhafiripi 2:22

Nawe, mumanyiri kya ego Timoteo yeeyorokerye ega, m-mujomu. Akoreri emirimu gya okuraarika Amangʼana Amajomu hamwi na oni, kya omwana na esewaabho.

Abhafiripi 4:14

Kora ego, mwakora bhujomu hanú mwasanga na oni munyanko yaani.

Abhafiripi 4:15

Bheenyu Abhafiripi, abheene mumanyiri ega, eribhaga rinú naamba okubharaarikira Amangʼana Amajomu, na eribhaga rinú naarwa mukyaro kya Makedonia, bheenyu abheenego, mbo mwaringa murambeera. Erikanisa ryenyu ndyo ryaringa na obhumwi na oni, kukuruusya na okunyoora ebhintu.

Abhafiripi 4:3

Kora uuwe unú oringi omukori wa emirimu omurikyani omuheene, ndasabha obhabheere abhakari abhabhiri bhayo, bhabhe na ensonga eimwi. Abhabhiri bhayo bhonsego, bhaakora ekituunyo bhukongʼu hamwi na oni kukuraarika Amangʼana Amajomu kubhantu. Kweki abhakari bhayo, bhaaringa bharakora emirimu hamwi na Kirementi na abhakori bha emirimu abharikyani abhandi. Amariina ga abhantu bhayo bhonsego, garingi mukitabho kya obhuhoru bhwa koko ekya Waryubha.

Abhakorosai 4:18

Oni Pauro, ndangʼoora enkeeranʼya inu kwa okubhoko kwani omwene. Muhiituke ega, ndingi mukibhohe. Eriruguto rya Waryubha ribhe hamwi na bheenyu.

Abhakorosai 4:3

Mubhenga muratusabhira na bheetu bhonse, naho Waryubha atusiikurire ekiseku kya okuraarika eringʼana ryaye. Eringʼana riyo, ndyo amangʼana eguru ya Kiristu, ganú gaaringa geebhisiri. Na kurusumo rwa okuraarika amangʼana gayo, oni ndingi mukibhohe.

1 Abhatesaronike 5:5

Bheenyu bhonsego m-bantu bha endingaasi, na abha omubhasu. Bheetu bhonsego tutaringi bha obhutiku kasi bha mukisunte.

2 Timoteo 1:8

Bhoono, otarora eginsoni okugamba amangʼana eguru ya Omukuru weetu, kasi okurora eginsoni kwa okubha ndingi mukibhohe kurusumo rwaye. Nawe, wikongʼererye enyanko hamwi na oni, kurusumo rwa okuraarika Amangʼana Amajomu eguru yaaye, okuringʼaana na eginguru ginú orahaanwa na Waryubha.

2 Timoteo 2:9

Gayo ngo garakora ndanyanka kwa okubhohwa na eminyororo kya omusarya. Nawe, eringʼana rya Waryubha ritakubhohwa.

Firimoni 1:13

Kweki, nkeenderi yeekare na oni, naho anyoore omweya gwa okumbeera emirimu ginú uuwe okaambeereri, eribhaga ndingi mukibhohe kurusumo rwa Amangʼana Amajomu.

Abhaebhurania 3:1

Kwa ego, bheenyu abhahiiri bhaani kuimani, bhanú Waryubha abhasoreri okubha abhantu bhaaye, mwiganirirye eguru ya Yeesu unú aringi Omutumwa wa Waryubha, kweki m-Musyengeri Omukuru unú turamwikirirya.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Petero 5:1

Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,

2 Petero 1:13

Oni ndarora ega, ni-ringʼana erijomu okubheemukya, kwa okubhahiitukya eguru ya amangʼana gayo, kwibhaga ryonsego rinú ndingi mukyaro munu.

1 Yoana 3:14

Bheetu tumanyiri ega, twamara okurwa muruku, tukasoha mubhuhoru bhwa koko. Tumanyiri ego, kwa okubha turahanja abharikyetu. Omuntu wowonse unú ataana obhuhanje, akyatamiri muruku.