Abhafiripi 1:6 - Eriragano Erihya

⁶ Niina obhuheene ega, Waryubha unú yaamba emirimu emijomu mumitima gyenyu, arigigendererya okuhikira gikunaane kurusiku runú Kiristu Yeesu arihunjuka.

Abhafiripi 1:6 ပူးပေါင်းရင်းမြစ်များ

Yoana 6:29

Yeesu akabhakyukya ega, “Amangʼana ganú Waryubha areenda mukore, nu-kwikirirya unú yaatuma.”

Amakorwa ga Abhatumwa 11:18

Mbe, Abhayahudi bhayo, hanú bheegwa amangʼana gayo, bhakakira. Bhakamugungya Waryubha bharagamba ega, “Waryubha abhaheeri kora abhantu bhanú bhataringi Abhayahudi omweya gwa okumwihunjurira, naho bhanyoore obhuhoru bhwa koko!”

Amakorwa ga Abhatumwa 16:14

Gati ya bhanú bhaaringa bharatwitegeerera, yaaringa m-mukari umwi, wa mumugi gwa Tiatira, eriina ryaye yaabhirikirwanga Ridia. Ridia uyo, yaaringa omugurya wa emyenda emijomu gya erangi ya jambaraawe, na yaaringa Omuyunani unú aramwigwa Waryubha. Pauro hanú yaabhakeerya Amangʼana Amajomu eguru ya Yeesu, Omukuru Waryubha, akaseemya omutima gwa Ridia, okuhikira akeekirirya ameehigiryo ga Pauro.

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

2 Abhakorinto 1:15

Oni naaringa na obhwisige bhuyo, na kiyo nkyo kyakora neendanga okuhika kubheenyu eyo mbere, naho munyoore obhwera mara kabhiri.

2 Abhakorinto 2:3

Kiyo nkyo kyakora nkabhangʼoorera munyarubha irya ega, ntariija kubheenyu, naho ntariija okusurumbaribhwa na abhantu bhanú bheenderwanga okunkora njomerwe. Niina obhuheene ega, hanú oni ndaabhe na obhujomerwa, na bheenyu bhonsego murabha na obhujomerwa.

2 Abhakorinto 7:16

Ndajomerwa bhukongʼu kurusumo rwenyu, kwa okubha bhoono ndatura okubheesigira kimwi.

2 Abhakorinto 9:4

Ndabhakomererya ego, kwa okubha nkaaja eyo na Abhamakedonia, tunyoore ega, mutareeseemya, hayo orinyoora mutusuukirye eguru ya obhwisige bhwetu kubheenyu. Kora na bheenyu bhonse muribha musuukiri muriiri ebhiraasi.

Abhagaratia 5:10

Mmanyiri obhuheene ega, mureekiriranʼye na oni, kwa okubha bheenyu mugwateeni na Omukuru Yeesu. Nawe, omuntu wowonse unú aribhanyankya, kora akaabha owi, aribhuturirwa ekiina.

Abhaefeso 4:12

Yaakora ego, ature okuseemerya Waryubha abhantu, bha okumukorera emirimu, naho abheekirirya bhayo bhonsego bhanage kya omubhiri gwa Kiristu.

Abhafiripi 1:10

naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

Abhafiripi 1:29

Ndagamba ego, kwa okubha mutaahaanwa eriruguto rya okumwikirirya Kiristu okwenego, nawe mwahaanwa kora eriruguto rya okunyankibhwa kurusumo rwaye.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhafiripi 2:13

Mbe, mukore ego, kwa okubha Waryubha ngʼo arakora emirimu munsi weenyu, naho muhanje na okukora amangʼana ganú ahanjiri gakoreke.

Abhafiripi 2:16

Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

Abhakorosai 2:12

Hanú mwabhatiijwa, obhusimuka bhwenyu bhwa obhusarya, bhwabhiikwa hamwi na Kiristu. Kimwi mukahyuka hamwi nawe, kwa okubha mweekirirya eginguru gya Waryubha unú yaamuhyukya okurwa mubhaku.

1 Abhatesaronike 1:3

Hanú turabhasabhira ku Taata Waryubha, turahiituka embere yaaye, emirimu gyenyu ginú murakora kwa eimani. Turahiituka ekituunyo kyenyu kinú kirarekana na obhuhanje bhwenyu, kweki kya ego mwimiriiri okurekana na obhwisige bhwenyu bhwa okuhunjuka kwa Omukuru weetu Yeesu Kiristu.

2 Abhatesaronike 1:11

Kwa ego, turabhasabhira bheenyu kira orusiku, naho Waryubha weetu abhabhare ega, mureenderwa obhumenyi bhunú yaabhabhirikirira. Kweki turabhasabhira ega, kwa obhuturo bhwaye ahikye amangʼana amajomu ganú mureenda okukora na ahikye emirimu gyenyu gyonsego gya eimani.

2 Abhatesaronike 3:4

Weeki aratuhaana obhwisige obhunene ega, bhoono murakora kya ego oranyoora turabharagirirya na kweki murigendererya okugakora.

Firimoni 1:21

Ndakungʼoorera ganu, kwa okubha mmanyiri ega, oreekirirya. Kweki mmanyiri ega, orikora okukira ganú nkusabhiri.

Abhaebhurania 10:35

Kwa ego, mugendererye okubha na obhuteremu bhuyo, kwa okubha kwa enjira iyo murinyoora omutuho omunene bhukongʼu okurwa ku Waryubha.

Abhaebhurania 12:2

Tubhenga turamwisigira Yeesu, kwa okubha ngʼo aratoorokererya tumwikirirye Waryubha, na ngʼo aratukora tugendererye okumwikirirya okuhikira kubhuteero. Weeki yeegumirirya oruku kumusarabha, kora ataarora eginsoni kwa ekisigo kya obhujomerwa bhunú bhwaringa embere yaaye. Bhoono, yeekeeri orubhaara rwa obhuryo rwa ekitumbi kya ekikama kya Waryubha.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

2 Petero 3:10

Nawe, orusiku rwa Omukuru ruriija kya omwibhi. Orusiku ruyo, orwire rurirwa-ho kwa omukindo omunene, na ebhintu bhyonsego bhinú bhirimo bhirisambwa kwa omururo, ekyaro kyonse kirisikibhwa hamwi na ebhintu bhyonsego bhinú bhirimo.