Abhafiripi 1:5 - Eriragano Erihya

⁵ kwa okubha bheenyu mwagwatana na oni kubhuraariki bhwa Amangʼana Amajomu, okurwa orusiku runú mwageegwa na okugeekirirya okuhikira reero.

Abhafiripi 1:5 ပူးပေါင်းရင်းမြစ်များ

Amakorwa ga Abhatumwa 2:42

Abheekirirya bhonsego, bhaaguma okwihigira okurwa kubhatumwa bha Yeesu. Bhaagwatana ekigwatani, bhaabhanga bharasuunura omukaate hamwi, na bhaabhanga bharasabha hamwi.

Abharuumi 11:17

Bhoono, gati ya amasagi gaageejwa, na amasagi agandi ga omujeituni gwa mwisisi gaahambirirwa ahasi ha amasagi ganú gaageejwa. Amasagi gonsego garanyoora ebhyakurya okurwa kumiri giryagirya gya omujeituni. Bheenyu, mbo amasagi ga emijeituni gya mwisisi ganú gaahambwa gatigati ya amasagi ga mbere.

Abharuumi 12:13

Mubhabheere abheekirirya abharikyenyu okuringʼaana na obhwendi bhwabho, na mubhenga muragenihya abhageni muginyumba gyenyu.

Abharuumi 15:26

Abheekirirya bhanú bharingi Makedonia na Akaya, bhaarora m-bujomu okusororya, naho bhabheere abheekirirya abhatobhu gati ya abheekirirya bhanú bharingi Yerusaremu erya.

1 Abhakorinto 1:9

Waryubha arikora gayo kwa okubha m-muheene, weeki yaabhabhirikira bheenyu, mubhe na obhumwi na Omwana waaye Yeesu Kiristu, Omukuru weetu.

2 Abhakorinto 8:1

Bhoono, abhahiiri bheetu kuimani, tureenda tubhakeerye kya ego eriruguto rya Waryubha ryakora emirimu kubhantu bha amakanisa ga mukyaro kya Makedonia.

Abhaefeso 3:6

Ekinyerera kya Waryubha kinu, niiga, abhantu bha ebhyaro ebhindi, hamwi na Abhayahudi bhonsego bhanú bhareekirirya Amangʼana Amajomu, bhonsego bharagabha kiringʼaanʼya, amajomu ganú Waryubha yaaseemerya abhantu bhaaye. Bhonsego bhabheeri kya omubhiri gumwi, na bharaabhenga bharasanga hamwi, eriruguto rinú Waryubha yaaraga okuhitira ku Kiristu Yeesu.

Abhafiripi 1:12

Mbe, abhahiiri bhaani kuimani, ndeenda mumanye ega, gonsego ganú gannyooreri, gambeereri bhukongʼu okunyaraganʼya Amangʼana Amajomu.

Abhafiripi 1:16

Bhanu bharakora ego kwa obhuhanje, bhamanyiri bhujomu ega, nteerwe mukibhohe, naho nibhagirire Amangʼana Amajomu.

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhafiripi 2:22

Nawe, mumanyiri kya ego Timoteo yeeyorokerye ega, m-mujomu. Akoreri emirimu gya okuraarika Amangʼana Amajomu hamwi na oni, kya omwana na esewaabho.

Abhafiripi 4:3

Kora uuwe unú oringi omukori wa emirimu omurikyani omuheene, ndasabha obhabheere abhakari abhabhiri bhayo, bhabhe na ensonga eimwi. Abhabhiri bhayo bhonsego, bhaakora ekituunyo bhukongʼu hamwi na oni kukuraarika Amangʼana Amajomu kubhantu. Kweki abhakari bhayo, bhaaringa bharakora emirimu hamwi na Kirementi na abhakori bha emirimu abharikyani abhandi. Amariina ga abhantu bhayo bhonsego, garingi mukitabho kya obhuhoru bhwa koko ekya Waryubha.

Firimoni 1:17

Bhoono mbe, nyoore oraarore ega, oni niina obhumwi na uuwe, omuturuungʼane uyo kya ego okaanturuungʼeeni oni omwene.

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

2 Petero 1:1

Enyarubha inu, erwiri kuoni Simoni Petero, omugaya na omutumwa wa Yeesu Kiristu. Ndabhangʼoorera bheenyu bhanú muheerwe eimani ya obhwera inú bheetu bhonse tuheerwe. Muheerwe eimani iyo, kwa okubha Waryubha, Omutuurya weetu Yeesu Kiristu, yaakora ganú gareenderwa.

1 Yoana 1:3

Kinú twamaaha na okwigwa, nkyo turabharaarikira, naho bheenyu bhonse, muture okugwatana na bheetu kubhumwi hamwi na Taata Waryubha na Omwana waaye Yeesu Kiristu.

1 Yoana 1:7

Nawe, nyoore tureekara mundingaasi, kya ego Waryubha aringi mundingaasi, nho turabha na obhumwi, bheetu abheene kwa abheene. Kweki amanyinga ga Omwana waaye Yeesu, garaturaama obhusarya bhwetu bhonsego.