Abhafiripi 1:4 - Eriragano Erihya

⁴ Na kira hanú ndabhasabhira, ndabhasabhira bheenyu bhonsego kwa obhujomerwa,

Abhafiripi 1:4 ပူးပေါင်းရင်းမြစ်များ

Mariko 5:5

Eribhaga ryonsego, obhutiku na omubhasu, yeekaranga mugimbihira na muginkuku, arajiirira na okwikebhakebha kwa amagina.

Ruuka 15:10

“Ndabhakeerya ega, egoego niigo Waryubha arajomerwa embere ya bhamaraika, hanú omusarya umwi araamwihunjurire okurwa mubhusarya bhwaye.”

Ruuka 15:7

“Ndabhakeerya ega, egoego, haribha na obhujomerwa obhwaru murwire, nyoore omusarya umwi arimwihunjurira Waryubha okurwa mubhusarya bhwaye. Obhujomerwa eguru ya omuntu umwi unú yaaringa abhuriri na akamwihunjurira Waryubha, bhuribha obhunene okukira obhwa eguru ya abhantu mirongo kenda na kenda abhaheene, bhanú bhataabhura.”

Abharuumi 1:9

Waryubha unú ndamukorera emirimu kwa omutima gwani gonsego, kwa okuraarikira abhantu Amangʼana Amajomu eguru ya Omwana waaye, amanyiri kya ego ndabhasabhira eribhaga ryonsego.

Abhafiripi 2:2

Mbe, mukunaanʼye obhujomerwa bhwani kwa okubha na ensonga eimwi na muhanjane bheenyu abheene kwa abheene. Kweki mubhe na obhumwi mumitima gyenyu na mubhe na ameetegeerero gamwi.

Abhafiripi 3:18

Naamara okubhakeerya mara kaaru, eguru ya eringʼana rinú ndeenda okubhakeerya, bhoono ndarigamba kweki, kora kwa ameesori, ega, abhantu abhaaru bhareekara kya abhasigu bha amangʼana ga obhutuurya bhwa Kiristu, bhunú bhuratuuka kwa okukwa kwaye kumusarabha.

Abhafiripi 4:1

Kwa ego, abhahiiri bhaani abhahanje kuimani, munage okumwisigira Omukuru Yeesu. Mbahanjiri na ndeegomba okumaahana na bheenyu. Bheenyu m-bujomerwa bhwani kweki m-mutuho gwani gunú ngʼeerwe okurekana na emirimu ginú nkoreri.

Abhakorosai 2:5

Onyoora oni omwene ntaringi hamwi na bheenyu, nawe omutima gwani guringi hamwi na bheenyu. Ndajomerwa kwa okubha ndeegwa eguru ya obhumwi bhwenyu, na okunaga kwa eimani yeenyu ku Kiristu.

1 Abhatesaronike 1:2

Turamukumya Waryubha eribhaga ryonsego kurusumo rwenyu bhonsego, enu turabhasabhira kumasabho geetu bira okurosa.

Firimoni 1:7

Omuhiiri waani, obhuhanje bhwaho, bhungʼeeri obhujomerwa obhunene na okunteremya bhukongʼu, kwa okubha osambaarukirye emitima gya abheekirirya.

2 Yoana 1:4

Naajomerwa bhukongʼu, okurora abhaana bhaaho abhandi, bharagwata obhuheene, kya ego Taata Waryubha yaaturagirirya.