Abhafiripi 1:30 - Eriragano Erihya

³⁰ Murarwana eriihe riryarirya naarwana, kya ego mwarora. Kweki kora bhoono mureegwa ega, ndagendererya okurirwana.

Abhafiripi 1:30 ပူးပေါင်းရင်းမြစ်များ

Yoana 16:33

Ndabhakeerya amangʼana gayo gonsego, naho mubhe na omurembe mumitima gyenyu, kwa okubha muringi munsi waani. Mukyaro munu murinyoora enyanko enjaru, nawe, mutoobhoha, kwa okubha oni nkihigiri ekyaro.”

Abhafiripi 1:13

Okurekana na gayo, emanyikeeni kubharindi bhonsego bha enyumba ya ekikama, na kubhandi bhonsego abha hanu ega, mboherwe kwa okubha ndamukorera emirimu Kiristu.

Abhakorosai 1:29

Eringʼana riyo, ndyo rirakora ndeekongʼererya okukora emirimu kwa ekituunyo, okuringʼaana na eginguru eginene gya Kiristu ginú girakora emirimu munsi waani.

Abhakorosai 2:1

Ndeenda mumanye kya ego ndakora emirimu kwa ekituunyo kurusumo rwenyu, na kurusumo rwa abheekirirya bha mumugi gwa Raodikia, na kurusumo rwa abheekirirya abhandi bhonsego bhanú bhataakanduuji.

1 Abhatesaronike 2:2

Kweki mumanyiri ega, eribhaga tutarahika kubheenyu, twanyakibhwa na okutukwa bhukongʼu mumugi gwa Firipi erya. Onyoora kubheenyu twaribhirwanga bhukongʼu, Waryubha yaatuhaana eginguru gya okuraarika Amangʼana gaaye Amajomu.

1 Timoteo 6:12

Orwane bhujomu eriihe, eguru ya eimani, naho onyoore omutuho gwa obhuhoru bhwa koko. Obhuhoru bhuyo, mbo waabhirikirirwa harya weekirirya eimani yaaho embere ya abheemiririri abhaaru.

2 Timoteo 4:7

Ndwaniri eriihe bhujomu, naamariri orugendo, kweki naaguma kuimani.

Abhaebhurania 12:1

Mbe, kwa okubha twinaarirwe na omuganda omunene gwa abheemiririri bhayo, turuusye-ho kira eringʼana rinú riraturibhira na okutiga obhusarya bhunú bhuratugwisya. Kweki tukore ekituunyo okukora ganú Waryubha atuuriri embere yeetu, kya omuntu unú arakenya kwa obhwikongʼererya.

Abhaebhurania 12:4

Onyoora murakora ekituunyo okuhiga obhusarya, nawe, mukyari okurwana eriihe okuhikira okwitira amanyinga geenyu.

Obhukundukuri 12:11

Abheekirirya abharikyetu bhamuhigiri kwa amanyinga ga Omwana wa Eringʼondi, na kwa obhwimiririri bhunú bhaaruusya. Bhataarora obhwera bhwa obhuhoru bhwabho, bhaaringa bheeseemerye okukwa kurusumo rwa okwikirirya Omwana wa Eringʼondi.