Abhafiripi 1:3 - Eriragano Erihya

³ Kira hanú ndabhahiituka bheenyu, ndamukumya Waryubha waani.

Abhafiripi 1:3 ပူးပေါင်းရင်းမြစ်များ

Abharuumi 6:17

Akare, bheenyu mwaringa abhagaya bha obhusarya. Nawe, Waryubha akumibhwe, kwa okubha bhoono mwikiriirye kwa emitima gyenyu gyonsego okwigwa ameehigiryo ga Ekikiristu, ganú mweehigiribhwa.

1 Abhakorinto 1:4

Ndamukumya Waryubha eribhaga ryonsego kurusumo rwenyu, kwa okubha yaabhanonka okuhitira ku Kiristu Yeesu.

1 Abhatesaronike 3:9

Bhoono turatura okumuriha-ki Waryubha, naho tumukumye kwa ekisigo kya eimani yeenyu? Kora kwa ekisigo kya obhujomerwa obhunene bhunú tuunabho embere yaaye kurusumo rwenyu?

2 Abhatesaronike 1:3

Abhahiiri bheetu kuimani, tureenderwa okumukumya Waryubha eribhaga ryonsego kurusumo rwenyu, kwa okubha eimani yeenyu eragendererya okwaruha bhukongʼu, na obhuhanje bhwa kira omuntu kumurikyaye bhuragendererya okwaruha.

2 Timoteo 1:3

Ndamukumya Waryubha unú ndakorera emirimu kwa ameetegeerero amajomu, kya ego bhajaaji weetu bhaamukoreranga. Eribhaga ryonsego ndakuhiituka mumasabho gaani obhutiku na omubhasu.