Abhafiripi 1:27 - Eriragano Erihya

²⁷ Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhafiripi 1:27 ပူးပေါင်းရင်းမြစ်များ

Mataayo 12:25

Yeesu akamanya ganú bhaaringa bhareeganirirya, kwa ego akabhakeerya ega, “Obhukama bhobhonse bhunú bhwahukeeni kumiganda na okuhakaananʼya, bhutakutura okuguma. Na abhantu bha mumugi gogonse, bhanú bhaahukeeni miganda miganda bhanú bharahakaananʼya, bharigwa.

Amakorwa ga Abhatumwa 2:46

Kira orusiku bhaasikananga murubhanja rwa erisyengerero erikuru rya Waryubha. Nawe, eribhaga rya okusuunura omukaate, bhaasikananga muginyumba gyabho, bhararya hamwi kwa obhujomerwa na omutima gwa obhuserenʼya,

Amakorwa ga Abhatumwa 24:24

Hanú gyahita eginsiku nkego, Feriki uyo, akaaja hamwi na omukari waaye Durusiira, omuhara wa Ekiyahudi. Mbe, akatuma ega, Pauro abhirikirwe. Hanú Pauro yaahika, omwanangwa Feriki akaamba okumwitegeerera, aragambanga eguru ya okumwikirirya Kiristu Yeesu.

Amakorwa ga Abhatumwa 4:32

Abheekirirya bhonsego, bhaaringa na obhumwi, kumeetegeerero na omutima. Ataaringa-ho kora omuntu oumwi unú yaagambanga ega, ebhintu bhinú yaanabhyo m-byaye omwenego. Bhaatumiranga ebhintu bhyonsego, kwa obhumwi.

Abharuumi 1:16

Oni ntakurora eginsoni okuraarika Amangʼana Amajomu gayo, kwa okubha mbo obhuturo bhwa Waryubha obhwa okutuurya abhantu bhonsego bhanú bharamwikirirya Yeesu, okwambira ku Bhayahudi okuhikira kubhantu bhanú bhataringi Abhayahudi.

Abharuumi 1:5

N-kuhitira kumwene, Waryubha yaangʼaana eriruguto rya okubha omutumwa waaye, naho abhantu bhonsego bhanú bhataringi Abhayahudi, bhature okumwikirirya na okumwigwa Omukuru Yeesu, na eriina ryaye rigungibhwe.

Abharuumi 1:9

Waryubha unú ndamukorera emirimu kwa omutima gwani gonsego, kwa okuraarikira abhantu Amangʼana Amajomu eguru ya Omwana waaye, amanyiri kya ego ndabhasabhira eribhaga ryonsego.

Abharuumi 10:8

Nawe, kinú kiragambwa mu Mangʼoore Amarabhu niiga, “Eringʼana rya Waryubha riringi haangʼi na uuwe, riringi mumunwa gwaho, na mumutima gwaho.” Bhoono, eringʼana riyo, ndyo amangʼana ganú turaraarika eguru ya okumwikirirya Yeesu Kiristu.

Abharuumi 15:16

naho mbe omukori wa emirimu wa Kiristu Yeesu kubhantu bhanú bhataringi Abhayahudi. Ngʼeerwe emirimu gya omusyengeri wa okubharaarikira Amangʼana Amajomu okurwa ku Waryubha, naho bhabhe kya ekimwenso kinú kyaraamwa na Omutima Omurabhu.

Abharuumi 15:29

Mmanyiri ega, hanú ndibha nhikiri kubheenyu na okwikara hamwi na bheenyu, Kiristu aritunonka kwibhaga rinú ndibha hayo.

1 Abhakorinto 1:10

Mbe bhoono, abhahiiri bhaani kuimani, ndabhakomererya kuriina rya Omukuru weetu Yeesu Kiristu ega, mutabha murahabhana kungamba. Nawe mubhenga mureegwirana, na mubhenga na obhumwi kuganú oranyoora murahairira na kuganú oranyoora mureeganirirya.

1 Abhakorinto 15:58

Mbe, abhahiiri bhaani abhahanje kuimani, mwimirire bhwima na munage, mugendererye okukora emirimu gya Omukuru kwa ekituunyo eginsiku gyonsego, kwa okubha mumanyiri ega, emirimu ginú murakora kurusumo rwa Omukuru, gitaringi gya bhusa.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

2 Abhakorinto 4:4

Abhantu bhayo bhatakumwikirirya Yeesu, kwa okubha Erisambwa, rinú riratunga ekyaro kinu, rikundikiirye obhungʼeeni bhwabho. Kiyo nkyo kirakora bhatamwe okurora endingaasi ya Amangʼana Amajomu ga obhukuru bhwa Kiristu. Kiristu ngʼo ekirengekanʼyo kya Waryubha.

2 Abhakorinto 9:13

Bharimugungya Waryubha, kwa okubha emirimu gyenyu, giroorokya ega, bheenyu m-bakori bha emirimu abhajomu. Kweki bharimugungya kurusumo rwa obhwigwa bhwenyu obhwa okwikirirya Amangʼana Amajomu eguru ya Kiristu embere ya abhantu, na kurusumo rwa obhuserenʼya bhwenyu bhwa okubhabheera bheeki na abhandi bhonsego.

Abhagaratia 1:7

Obhuheene niiga, gatariho Amangʼana Amajomu agandi. Nawe, bhariho abhantu bhanú bharabhahabhya na okwenda okukyukya Amangʼana Amajomu eguru ya Kiristu.

Abhaefeso 1:13

Bheenyu bhonse abhantu bhanú mutaringi Abhayahudi, mweegwa amangʼana ga obhuheene, yaani Amangʼana Amajomu kya ego Waryubha arabhatuurya. Hanú mwamwikirirya Kiristu, Waryubha wonse akabhatema orubhaaso, kwa okubhahaana Omutima Omurabhu unú yaabharaga. Kwa okukora ego, yoorokya ega, bheenyu m-baaye.

Abhaefeso 1:15

Ndamukumya Waryubha kwa ekisigo kya amangʼana gayo gonsego yaatukorera. Oni nonse okwambira hanú neegwa kya ego muramwikirirya Omukuru Yeesu, na kya ego murahanja abhantu bhonsego bha Waryubha,

Abhaefeso 4:1

Mbe, oni omubhohwa kwa okubha ndamukorera emirimu Omukuru Yeesu, ndabhakomererya mwikare, okuringʼaana na okubhirikirwa kunú Waryubha yaabhabhirikirira.

Abhafiripi 1:5

kwa okubha bheenyu mwagwatana na oni kubhuraariki bhwa Amangʼana Amajomu, okurwa orusiku runú mwageegwa na okugeekirirya okuhikira reero.

Abhafiripi 2:12

Mbe, abhahanje bhaani, eribhaga naaringa kubheenyu, mwaringa muramwigwa Waryubha eginsiku gyonsego. Egoego, kora bhoono eribhaga ndingi ahare na bheenyu, mutatiga okukora ganú gareenderwa kubhantu bhanú bhaatuuribhwa na Waryubha. Mukore gayo kwa okurigita kunú kurarekana na okumoobhoha Waryubha.

Abhafiripi 2:24

Kweki niina obhuheene ega, Omukuru Yeesu araambeere oni nonse, ndaaja eyo bhwangu hanu.

Abhafiripi 3:18

Naamara okubhakeerya mara kaaru, eguru ya eringʼana rinú ndeenda okubhakeerya, bhoono ndarigamba kweki, kora kwa ameesori, ega, abhantu abhaaru bhareekara kya abhasigu bha amangʼana ga obhutuurya bhwa Kiristu, bhunú bhuratuuka kwa okukwa kwaye kumusarabha.

Abhafiripi 3:20

Nawe bheetu, m-bamenyi bha murwire, na turaganyirira kwa enamba enene, Omutuurya na Omukuru Yeesu Kiristu, yaaje okurwa eyo.

Abhafiripi 4:1

Kwa ego, abhahiiri bhaani abhahanje kuimani, munage okumwisigira Omukuru Yeesu. Mbahanjiri na ndeegomba okumaahana na bheenyu. Bheenyu m-bujomerwa bhwani kweki m-mutuho gwani gunú ngʼeerwe okurekana na emirimu ginú nkoreri.

Abhakorosai 1:10

Nho, muraature okwikara kya ego Omukuru Yeesu areenda, na okumungʼarira kumangʼana gonsego. Obhuhoru bhwenyu bhuraaruusyenga emisumo emyaru okurekana na emirimu gyenyu emijomu. Kweki muraagendererye okumumanya Waryubha bhukongʼu.

Abhakorosai 1:4

Turakora ego, kwa okubha tweegwiri kya ego muramwikirirya Kiristu Yeesu, na kya ego murahanja abhantu bhonsego bha Waryubha.

1 Abhatesaronike 3:6

Nawe bhoono, Timoteo yaajiri okurwa kubheenyu, atukeererye amangʼana amajomu eguru ya eimani na obhuhanje bhwenyu. Na atukeererye ega, muratuhiituka bhukongʼu eribhaga ryonsego, na ega, mureegomba okuturora kya ego na bheetu tureegomba okubharora.

1 Abhatesaronike 4:1

Bhoono, abhahiiri bheetu kuimani, twabheehigiirye kya ego mureenderwa okwikara, naho okumujomera Waryubha. Maheene niigo mureekara. Bhoono, turabhakomererya kwa obhutungi bhwa Omukuru Yeesu ega, mugendererye okukora ego okukira kya ego murakora bhoonwego,

1 Timoteo 1:11

Ameehigiryo gayo, garingi mu Mangʼana Amajomu, ganú garoorokya obhukuru bhwa Waryubha, wa eginonkwe gyonsego. Amangʼana gayo, ngo naagwatibhwa na Waryubha ndaarike.

1 Timoteo 1:19

Ogwate eimani na obhe wa ameetegeerero amajomu. Abhantu abhandi bhaatiga okukora ganú bhamanyiri ega m-maheene, riyo riraakore bhatige eimani yaabho.

2 Timoteo 4:7

Ndwaniri eriihe bhujomu, naamariri orugendo, kweki naaguma kuimani.

Tiito 2:10

Bhatabheebhira, nawe, bhoorokye obhuheene bhwabho bhonsego, naho emirimu gyabho gikore abhantu abhandi bhajomererwe na ameehigiryo ga Waryubha Omutuurya weetu.

Firimoni 1:5

kwa okubha ndeegwa ega, oragendererya okumwikirirya Omukuru Yeesu na okubhahanja abheekirirya bhonsego.

Yakobho 3:18

Abhantu bha omurembe, hanú bharaahambe egimbusuro gya omurembe, nho, bharigesa amakorwa ga obhuheene embere ya Waryubha.

2 Petero 3:11

Mbe, kwa okubha ego niigo ebhintu bhyonsego bhirisikibhwa, bhoono bheenyu mureenderwa okubha abhantu bha egaki? Mureenderwa okubha na eginteemo gya heene na okumwigwa Waryubha,

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.