Abhafiripi 1:25 - Eriragano Erihya

²⁵ Maheene niina obhuheene bhwa eringʼana riyo, kwa ego mmanyiri ega, ndigendererya okutama mukyaro. Kweki ndibha hamwi na bheenyu bhonsego, naho mbabheere munage na okujomerwa kuimani yeenyu.

Abhafiripi 1:25 ပူးပေါင်းရင်းမြစ်များ

Ruuka 22:32

Nawe nkusabhiiri ku Waryubha, naho eimani yaaho etasuuha. Na hanú orinhindira, wimye abharikyaho.”

Amakorwa ga Abhatumwa 11:23

Hanú yaahika eyo, akarora kya ego Waryubha abhanonkeri abhantu bhayo. Akajomerwa, akabhateremya ega, bhagendererye okumwigwa Omukuru Yeesu kwa omutima gwabho gonsego.

Amakorwa ga Abhatumwa 14:22

Bhaaringa bhareemya abheekirirya bha mumigi giyo, na okubhateremya bhagume kuimani. Bhaabhakeeryanga ega, “Bheetu bhonsego tureenderwa tuhitire munyanko enene, naho tusohe mubhukama bhwa Waryubha.”

Amakorwa ga Abhatumwa 20:25

“Nawe bhoono, mmanyiri ega, bheenyu bhonsego, bhanú naaraarikira obhukama bhwa Waryubha, mutakyandora kweki.

Abharuumi 15:13

Waryubha ngʼo tureesigira ega, arikora gonsego ganú yaaraga. Kwa ego, ndabhasabhira ega, abhahaane omurembe bhukongʼu na obhujomerwa obhwaru hanú muragendererya okumwikirirya. Hayo nho muraabhe na obhwisige obhunene, kwa obhuturo bhwa Omutima Omurabhu.

Abharuumi 15:18

Oni ntakugamba eringʼana ryoryonse erindi, nawe, ganú Kiristu yaakora okuhitira kuoni. Yaakora abhantu bhanú bhataringi Abhayahudi, bhamwigwe Waryubha. Eringʼana riyo, ryakoreka okuhitira kumangʼana ganú naaringa ndagamba na emirimu ginú naaringa ndakora.

Abharuumi 15:29

Mmanyiri ega, hanú ndibha nhikiri kubheenyu na okwikara hamwi na bheenyu, Kiristu aritunonka kwibhaga rinú ndibha hayo.

Abharuumi 5:2

Kwa enjira ya okumwikirirya Yeesu, Waryubha atuheeri eriruguto ryaye, rinú turingi-mo. Turajomerwa bhukongʼu, kwa okubha tureesiga ega, turisanga hamwi na Waryubha mubhukuru bhwaye.

2 Abhakorinto 1:24

Etaringi ega, turatunga eimani yeenyu, nawe, bheetu m-bakori bha emirimu hamwi na bheenyu, kurusumo rwa obhujomerwa bhwenyu, kwa okubha eimani yeenyu enagiri.

Abhafiripi 1:24

Nawe kweki, ereenderwa bhukongʼu, oni ngendererye okwikara mukyaro kurusumo rwenyu.

Abhafiripi 2:24

Kweki niina obhuheene ega, Omukuru Yeesu araambeere oni nonse, ndaaja eyo bhwangu hanu.

Firimoni 1:22

Hamwi na gayo, unseemerye ahasi ha okwikara, kwa okubha ndeesiga ega, kwa amasabho geenyu, Waryubha arimbeera niije eyo.

1 Petero 1:8

Bheenyu mumuhanjiri, onyoora mutaakamuruuji, na muramwikirirya onyoora mutakumurora bhoonwego. Kwa ego, muuna obhujomerwa bhunú bhuuna obhukuru bhunú bhutakugambwa,