Abhafiripi 1:23 - Eriragano Erihya

²³ Ndarutwa na amangʼana gabhiri. Ndeenda okurwa mukyaro hanu, ngye nikare hamwi na Kiristu, kwa okubha riyo ndyo eringʼana erijomu bhukongʼu kuoni.

Abhafiripi 1:23 ပူးပေါင်းရင်းမြစ်များ

Ruuka 12:50

Kora oni omwene, niina enyanko inú ndeenderwa okunyoora, na ndagendererya okunyanka mumutima gwani, okuhikira gakoreke.

Ruuka 23:43

Yeesu akakyukya ega, “Ndakukeerya obhuheene ega, reero wakabhe hamwi na oni murwire.”

Ruuka 8:38

Omuntu unú yaaringa aruusiibhwe ebhihwi, akakomererya Yeesu ega, agye hamwi nawe. Nawe, Yeesu akaanga, akamukeerya ega,

Yoana 12:26

Omuntu wowonse unú arankorera emirimu, ereenderwa yansoorane. Kweki hohonse hanú ndingi, hayo nho, omukori wa emirimu waani aribha. Taata arimusuuka omuntu wowonse unú arankorera emirimu.

Yoana 13:1

Mbe, hanú enyangi ya Epasaka yaaringa ekyari okuhika, Yeesu akamanya ega, eribhaga ryaye rihikiri rya okwimuka mukyaro munu okugya kwi Esewaabho. Yeesu yaaringa abhahanjiri abhantu bhaaye bhanú bhaaringa mukyaro, kweki yaabhahanja okuhikira kubhuteero.

Yoana 14:3

Hanú ndimara okubhaseemerya emenyo, ndihunjuka kweki okubhagega, naho hanú ndingi, na bheenyu mubhe hayo.

Yoana 17:24

“Taata, ndeegomba ega, bhanú ungʼeeri bhabhe hamwi na oni hanú ndibha, naho bhabhurore obhukuru bhwani bhunú waangʼaana, kwa okubha waanhanja kora ekyaro kitarabhumbwa.

Amakorwa ga Abhatumwa 7:59

Hanú bhaaringa bharamutema, weeki akabha arasabha ega, “Ee, Omukuru Yeesu, ogege omutima gwani!”

2 Abhakorinto 5:8

Maheene tuuna obhwisige, kweki turamaaha nyakara tukaagitigiri emibhiri ginu, na okugya okwikara na Omukuru.

2 Abhakorinto 6:12

Bheetu tutaratiga okubhahanja bheenyu, nawe, bheenyu mbo mwatigiri okutuhanja bheetu.

Abhafiripi 1:24

Nawe kweki, ereenderwa bhukongʼu, oni ngendererye okwikara mukyaro kurusumo rwenyu.

1 Abhatesaronike 2:1

Bheenyu abhahiiri bheetu kuimani, mumanyiri ega, bheetu okuuja kubheenyu kutaaringa kwa bhusa.

1 Abhatesaronike 2:13

Kwa ego, turamukumya Waryubha bira okurosa, kwa okubha hanú mweegwa amangʼana gaaye okurwa kubheetu, mutaagagwata kya amangʼana ga abhantu. Nawe, mwagagwata kya amangʼana okurwa ku Waryubha, na maheene niigo eringi. Amangʼana gayo, ngo garakora emirimu mumitima gyenyu, bheenyu abheekirirya.

1 Abhatesaronike 4:17

Na bheetu bhanú orinyoora tukyari abhahoru, turisakwa hamwi nabho mumasaaru, naho tumuturuungʼane Omukuru eguru. Kwa ego, turiikara hamwi nawe koko.

2 Timoteo 4:6

Ndakukeerya gayo, kwa okubha amanyinga gaani, garingi haangʼi okwitirwa kya ekimwenso kya edivai ahasi ha okumwensera. Eribhaga ryani rya okukwa riringi haangʼi.

Obhukundukuri 14:13

Nkeegwa eriisi okurwa murwire, riragamba ega, “Ngʼoora ega, ‘Okurwa bhoono, nyakara abhantu bhonsego bhanú bharakwa enu bharamwikirirya Omukuru Yeesu.’” Kimwi Omutima wa Waryubha akagamba ega, “Ee, bharinonkwa bhukongʼu. Bharimuunya okurwa kumirimu gyabho emikongʼu, kwa okubha amakorwa gaabho amajomu garibha hamwi nabho.”