Abhafiripi 1:20 - Eriragano Erihya

²⁰ Ndaganyirira kwa enamba enene na kwa obhwisige ega, ntarisuukibhwa kwa enjira yoyonse irya. Nawe, kora bhoono ndagendererya okwikongʼererya kya ego ndakora eginsiku gyonsego, naho Kiristu agungibhwe kugonsego ganú ndakora, ebhe ntame omuhoru kasi nkwe.

Abhafiripi 1:20 ပူးပေါင်းရင်းမြစ်များ

Yoana 21:19

Yeesu yaagamba ego, okoorokya enjira inú Petero arikwa na okumugungya Waryubha. Mbe, Yeesu akamukeerya Petero ega, “Nsoorana.”

Amakorwa ga Abhatumwa 20:24

Kora nkaakwa, kitari ekintu kuoni, naho ndeenda mmare emirimu ginú Omukuru Yeesu yaangʼaana ngikore. Emirimu giyo, n-gya okuraarikira abhantu Amangʼana Amajomu ga eriruguto rya Waryubha.

Amakorwa ga Abhatumwa 21:13

Nawe, Pauro akatukyukya ega, “Ndasabha mutige okunkuurira na okunyita omutima. Oni niseemerye okubhohwa kora okukwira Yerusaremu hayo, kurusumo rwa Omukuru Yeesu.”

Amakorwa ga Abhatumwa 4:31

Hanú bhaamara okumusabha Waryubha, ahasi hayo bhaaringa bheekumeenʼye, hakasingisibhwa. Bhonsego bhakeejuribhwa Omutima Omurabhu, bhakagendererya okwihigirya abhantu eringʼana rya Waryubha kwa obhuteremu.

Abharuumi 12:1

Bhoono, abhahiiri bhaani kuimani, mumanyiri kya ego Waryubha aratumaahira ekyabhira. Kwa ego mbe, ndabhakomererya ega, mwiruusye obhuhoru bhwenyu ku Waryubha. Mubhe kya ebhimwenso ebhihoru, ebhirabhu, ebhijomu, bhinú bhiramungʼarira Waryubha. Okukora ego, nko enjira ya heene ya okumusyengera Waryubha.

Abharuumi 5:5

Obhwisige bhuyo, bhutakutura okukora turore eginsoni, kwa okubha Waryubha atuhumiriiri obhuhanje bhwaye mumitima gyetu, okuhitira Omutima waaye Omurabhu.

Abharuumi 6:13

Muteekirirya ebhiroobhero bhya emibhiri gyenyu, bhitumirwe kya ebhirwaniro bhya okukorera obhusarya, nawe, mwiruusye ku Waryubha. Mwirore ega, mubheeri abhantu bhanú muhyukiibhwe okurwa mubhaku, na okusohibhwa mubhuhoru obhuhya. Mwiruusye ku Waryubha, na ebhiroobhero bhya emibhiri gyenyu, bhibhe bhirakora emirimu gya obhuheene.

Abharuumi 6:19

Nhairi na bheenyu kwa okutumira ekirengyo kya obhugaya kiyo, naho muture okumanya kinú ndagamba. Akare hayo, mwaringa muraruusya ebhiroobhero bhyonsego bhya emibhiri gyenyu okukora amabhiibhi, mwaringa abhagaya bha obhusarya, na obhusarya bhwenyu bhwaaruha bhukongʼu. Nawe bhoono, mubhenga mureeruusya ku Waryubha kwa ebhiroobhero bhyonsego bhya emibhiri gyenyu, mubhe abhagaya bha amangʼana ga obhuheene, naho muraamwe na Waryubha.

Abharuumi 8:19

Ebhibhumbwa bhyonsego bhinú bhyabhumbwa, bhiraganyirira kwa enamba enene eribhaga rinú Waryubha aryorokya, kya ego bharingi abhaana bhaaye.

Abharuumi 9:33

kya ego Waryubha yaagamba mu Mangʼoore Amarabhu ega, “Maaha, ndatuura erigina Sayuni. Erigina riyo, ndyo abhantu bhariikuujura-ko, na ririkora abhantu bhabhenga bharagwa. Nawe, omuntu wowonse nyoore aramwikirirya unú ni-rigina riyo, atarisuuka kora orusiku rumwi!”

1 Abhakorinto 15:31

Abhahiiri bhaani kuimani, kira orusiku oni ndingi mungʼanga ya okukwa. Na bhunu m-buheene, kya ego ndeegungya kurusumo rwenyu, kwa okugwatana kwani na Kiristu Yeesu Omukuru weetu.

1 Abhakorinto 6:20

kwa okubha mwatunguribhwa kwa obhuguri obhunene bhukongʼu. Bhoono mbe, mumugungye Waryubha mumibhiri gyenyu.

1 Abhakorinto 7:34

ameetegeerero gaaye garibha mbaara ebhiri. Omukari kasi omuhara unú atateterwe, oranyoora yeeruusirye okukora emirimu gya Omukuru, ature okwiruusya kwa omubhiri na omutima ku Mukuru. Nawe omukari unú ateterwe, oranyoora yeeruusirye okukora ga obhuhoru bhwa mukyaro kinu, areeganirirya kya ego araamujomerye omusaaja waaye.

2 Abhakorinto 10:8

Ntakurora eginsoni kora nkeegungya bhukongʼu eguru ya obhutungi bhunú Omukuru atuheeri, kwa okubha obhutungi bhuyo bhutakubhasarya, nawe, bhurabhakora munage kuimani.

2 Abhakorinto 3:12

Mbe, kwa okubha tuuna obhwisige bhuyo, turagamba kwa obhuhaari.

2 Abhakorinto 4:10

Eginsiku gyonsego emibhiri gyetu giringi mungʼanga ya okukwa, kya Yeesu, naho obhuhoru bhwa Yeesu, bhumaahikane kumibhiri gyetu.

2 Abhakorinto 5:15

Wonse yaakwa kurusumo rwa bhonsego, naho bhanú bharingi abhahoru bhatabha abhahoru kweki kurusumo rwa omweya gwabho abheene, nawe, kurusumo rwa unú yaakwa na okuhyuka kurusumo rwabho.

2 Abhakorinto 7:14

Oni naabhagungya bhukongʼu embere yaaye, na bheenyu mutaankora ndore eginsoni. Gonsego ganú twaringa turabhakeerya, gaaringa ga maheene. Na ganú twabhagungya bheenyu embere ya Tiito, gonse gaamaahikana ega, gaaringa ga maheene.

2 Abhakorinto 7:4

Ndahaira na bheenyu kwa obhuhaari bhukongʼu, kweki ndeegungya bhukongʼu kurusumo rwenyu. Munhorisirye bhukongʼu na mukoreri mbeeri na obhujomerwa bhukongʼu, onyoora turanyanka bhukongʼu.

Abhafiripi 1:14

Hamwi na gayo, mmanyiri ega, okubhohwa kwani kunu, kukoreri abheekirirya abharikyetu abhaaru, bhanagiri ku Mukuru Yeesu kurusumo rwa okuraarika eringʼana rya Waryubha kwa ekituunyo na obhuteremu bhukongʼu.

Abhafiripi 2:17

Kora nyoore amanyinga gaani, gareetirwe kya ekimwenso, hamwi na eimani yeenyu inú eraruusibhwa ekimwenso embere ya Waryubha, oni ndajomerwa. Ndajomerwa hamwi na bheenyu bhonsego.

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

1 Petero 4:16

Hanú omuntu araanyankibhwe kwa okubha m-Mukirisitu, atarora eginsoni, nawe, amugungye Waryubha ega, arabhirikirwa kwa eriina riyo.

1 Yoana 2:28

Bhoono, abhaana bhaani abhahanje kuimani, mugendererye okubha na obhumwi na Kiristu, naho hanú arihunjuka, tubhe na obhuteremu, tutariija okwibhisa kwa eginsoni.