Abhafiripi 1:17 - Eriragano Erihya

¹⁷ Nawe, bharya abha obhutindi, bhararaarika amangʼana eguru ya Kiristu kwa orwango, kora etaringi kwa omutima gwa heene. Bhareenda okoongerya enyanko yaani mukibhohe.

Abhafiripi 1:17 ပူးပေါင်းရင်းမြစ်များ

Ruuka 21:14

“Kwa ego, mwamure mumitima gyenyu ega, mutige okuseemya ganú murigamba, okwibhagirira mukiina.

Amakorwa ga Abhatumwa 22:1

“Bheenyu abhahiiri bhaani, na bhataata munyitegeerere, nibhagirire embere yeenyu!”

Amakorwa ga Abhatumwa 26:1

Nho, Agiripa akamukeerya Pauro ega, “Wikiririibhwe okwibhagirira.” Ego, Pauro akeenura okubhoko, akaamba okwibhagirira ega,

Amakorwa ga Abhatumwa 26:24

Hanú Pauro yaaringa akyeebhagirira, omwanangwa Fesito akamubhuturya kwa eriisi erinene ega, “Uuwe Pauro, odangeeni! Kasi obhusomi bhwaho obhwaru, bhwakujuurirye?”

Abharuumi 2:8

Nawe, aribhajimira na okubhajibhya abha omungʼaho, bhanú bharaanga obhuheene, na bharakora amabhiibhi.

Abhafiripi 1:18

Nawe bhoono, ntatuniibhwe na gayo. Ebhe kwa omutima omubhiibhi kasi kwa omutima gwa heene, amangʼana eguru ya Kiristu gararaarikwa. Na oni ndajomerwa kwa ekisigo kya eringʼana riyo. Kweki ndigendererya okubha na obhujomerwa.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

1 Timoteo 2:7

Na kwa ekisigo kiyo, oni naatuurwa okubha omuraariki na omutumwa waaye. Ndagamba obhuheene, ntakugamba obhubheehi! Kweki naakorwa okubha omwihigirya wa okuraarika amangʼana ga eimani na obhuheene kubhantu bhanú bhataringi Abhayahudi.

2 Timoteo 2:9

Gayo ngo garakora ndanyanka kwa okubhohwa na eminyororo kya omusarya. Nawe, eringʼana rya Waryubha ritakubhohwa.

2 Timoteo 4:16

Hanú neebhagirira mwibharaja orwa mbere, ataatuuka-ho kora omuntu oumwi unú yeemirira orubhaara rwani, bhonsego bhaantiga. Ndamusabha Waryubha atige okubhabharira obhusarya bhuyo.