Abhafiripi 1:14 - Eriragano Erihya

¹⁴ Hamwi na gayo, mmanyiri ega, okubhohwa kwani kunu, kukoreri abheekirirya abharikyetu abhaaru, bhanagiri ku Mukuru Yeesu kurusumo rwa okuraarika eringʼana rya Waryubha kwa ekituunyo na obhuteremu bhukongʼu.

Abhafiripi 1:14 ပူးပေါင်းရင်းမြစ်များ

Mariko 3:3

Yeesu akamukeerya omuntu wa okubhoko kwa omujimu ega, “Njo, wimirire gatigati hanu.”

Ruuka 1:74

atutuurye okurwa mumabhoko ga abhasigu bheetu, naho tubhe turamusabha bira obhoobha.

2 Abhakorinto 3:12

Mbe, kwa okubha tuuna obhwisige bhuyo, turagamba kwa obhuhaari.

2 Abhakorinto 7:4

Ndahaira na bheenyu kwa obhuhaari bhukongʼu, kweki ndeegungya bhukongʼu kurusumo rwenyu. Munhorisirye bhukongʼu na mukoreri mbeeri na obhujomerwa bhukongʼu, onyoora turanyanka bhukongʼu.

Abhaefeso 3:13

Kwa ego, ndabhasabha mutakwa omutima, kwa ekisigo kya eginyanko ginú ndanyoora kurusumo rwenyu, egyene girakora musuukwe.

Abhafiripi 1:20

Ndaganyirira kwa enamba enene na kwa obhwisige ega, ntarisuukibhwa kwa enjira yoyonse irya. Nawe, kora bhoono ndagendererya okwikongʼererya kya ego ndakora eginsiku gyonsego, naho Kiristu agungibhwe kugonsego ganú ndakora, ebhe ntame omuhoru kasi nkwe.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 4:1

Kwa ego, abhahiiri bhaani abhahanje kuimani, munage okumwisigira Omukuru Yeesu. Mbahanjiri na ndeegomba okumaahana na bheenyu. Bheenyu m-bujomerwa bhwani kweki m-mutuho gwani gunú ngʼeerwe okurekana na emirimu ginú nkoreri.

Abhakorosai 4:4

Mubhenga muransabhira naho ngaraarike kubhurabhu kya ego ndeenderwa okugamba.

Abhakorosai 4:7

Tukiko, omuhiiri weetu omuhanje kuimani, aribhakeerya amangʼana gonsego eguru yaani. Weeki m-mukori wa emirimu omuheene. Turakora nawe hamwi emirimu gya Omukuru Yeesu.

1 Abhatesaronike 2:2

Kweki mumanyiri ega, eribhaga tutarahika kubheenyu, twanyakibhwa na okutukwa bhukongʼu mumugi gwa Firipi erya. Onyoora kubheenyu twaribhirwanga bhukongʼu, Waryubha yaatuhaana eginguru gya okuraarika Amangʼana gaaye Amajomu.

2 Timoteo 2:9

Gayo ngo garakora ndanyanka kwa okubhohwa na eminyororo kya omusarya. Nawe, eringʼana rya Waryubha ritakubhohwa.