Abhafiripi 1:12 - Eriragano Erihya

¹² Mbe, abhahiiri bhaani kuimani, ndeenda mumanye ega, gonsego ganú gannyooreri, gambeereri bhukongʼu okunyaraganʼya Amangʼana Amajomu.

Abhafiripi 1:12 ပူးပေါင်းရင်းမြစ်များ

Ruuka 21:13

Hayo nho, murinyoora omweya gwa okubha abheemiririri bhaani embere yaabho.

Amakorwa ga Abhatumwa 8:4

Abheekirirya bhanú bhaanyaragana, bhakabha bhareehigirya abhantu Amangʼana Amajomu ga Yeesu, kira hanú bhaagyanga.

Abharuumi 8:28

Tumanyiri ega, Waryubha arakora amangʼana gonsego okureeta amajomu, kubhantu bhonsego bhanú bhamuhanjiri, bhanú bhaabhirikirwa okurekana na obhwendi bhwaye.

Abharuumi 8:37

Nawe, kora nyoore gayo gonsego garatuujira, bheetu turagendererya okuhiga bhukongʼu, kwa okubha turabheerwa na Kiristu unú atuhanjiri.

Abhafiripi 1:5

kwa okubha bheenyu mwagwatana na oni kubhuraariki bhwa Amangʼana Amajomu, okurwa orusiku runú mwageegwa na okugeekirirya okuhikira reero.

Abhafiripi 1:7

M-bujomu niganirirye ego eguru yeenyu bhonsego, kwa okubha mbahanjiri bhukongʼu. Murasanga eriruguto rya Waryubha hamwi na oni, hanú ndingi mukibhohe na hanú neebhagiriranga na okukomererya Amangʼana Amajomu kubhurabhu.

Abhafiripi 2:22

Nawe, mumanyiri kya ego Timoteo yeeyorokerye ega, m-mujomu. Akoreri emirimu gya okuraarika Amangʼana Amajomu hamwi na oni, kya omwana na esewaabho.

Abhafiripi 4:15

Bheenyu Abhafiripi, abheene mumanyiri ega, eribhaga rinú naamba okubharaarikira Amangʼana Amajomu, na eribhaga rinú naarwa mukyaro kya Makedonia, bheenyu abheenego, mbo mwaringa murambeera. Erikanisa ryenyu ndyo ryaringa na obhumwi na oni, kukuruusya na okunyoora ebhintu.

Abhafiripi 4:3

Kora uuwe unú oringi omukori wa emirimu omurikyani omuheene, ndasabha obhabheere abhakari abhabhiri bhayo, bhabhe na ensonga eimwi. Abhabhiri bhayo bhonsego, bhaakora ekituunyo bhukongʼu hamwi na oni kukuraarika Amangʼana Amajomu kubhantu. Kweki abhakari bhayo, bhaaringa bharakora emirimu hamwi na Kirementi na abhakori bha emirimu abharikyani abhandi. Amariina ga abhantu bhayo bhonsego, garingi mukitabho kya obhuhoru bhwa koko ekya Waryubha.

1 Timoteo 2:8

Mbe, kira ahasi hanú mureekumanʼya okusabha, ndeenda abhasaaja hanú bharasabha bheenure amabhoko eguru. Bhakore ego, kwa ameetegeerero amajomu, bhasabhe bira enkoro kasi eginhaka.

2 Timoteo 2:9

Gayo ngo garakora ndanyanka kwa okubhohwa na eminyororo kya omusarya. Nawe, eringʼana rya Waryubha ritakubhohwa.

2 Timoteo 4:17

Nawe, Omukuru Yeesu yaaringa hamwi na oni, akangʼaana eginguru okuraarika Amangʼana Amajomu gonsego, naho abhantu bhonsego bhanú bhataringi Abhayahudi bheegwe. Nonse akantuurya okurwa mungʼanga ya oruku, kwa okubha naaringa muna mumunwa gwa endwi.