Abhafiripi 1:10 - Eriragano Erihya

¹⁰ naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

Abhafiripi 1:10 ပူးပေါင်းရင်းမြစ်များ

Mataayo 16:23

Nawe, Yeesu akamwikyukirya Petero, akamukeerya ega, “Nuurwe embere yaani Erisambwa! Orasakya okundibhira ntakora obhwendi bhwa Waryubha! Otakwiganirirya aga Waryubha, nureeganirirya aga abhantu.”

Mataayo 26:33

Kimwi, Petero akamukeerya ega, “Kora nyoore abhandi bhonsego bhaakakungʼose, nawe oni ntaakakungʼose kora orusiku rumwi!”

Yoana 1:47

Hanú Yeesu yaamurora Natanaeri aramuuja-ko, akagamba eguru yaaye ega, “Mumaahe, omuntu uyo m-Mwisiraeri eritinya, ataana obhungʼeeningʼeeni.”

Yoana 3:20

Abhantu bhonsego bhanú bharakora amakorwa amabhiibhi, bheeki bharaiibhihirirwa endingaasi. Bhatakwenda okuuja mundingaasi, naho amakorwa gaabho amabhiibhi gatariija okumanyikana.

Amakorwa ga Abhatumwa 24:16

Kwa ego, eginsiku gyonsego ndakora ekituunyo, okubha na ameetegeerero amajomu embere ya Waryubha na embere ya abhantu.

Abharuumi 12:2

Muteehigira obhusimuka bhwa abhantu bha ekyaro kinu, nawe, mutige Waryubha ahunjure emitima gyenyu, naho mubhe na ameetegeerero amahya. Hayo nho, mureehigire okumanya ganú Waryubha arabheendera. Na hayo nho muraamanye m-mangʼana-ki amajomu, ganú garamungʼarira, kweki ganú gakuneeni.

Abharuumi 12:9

Obhuhanje bhwenyu bhutabha bhwa orwambe, mubhihirirwe amabhiibhi na mubhenga muragwata rinú riringi erijomu eribhaga ryonsego.

Abharuumi 16:17

Bhoono, abhahiiri bhaani kuimani, ndabhakomererya ega, mwiyangararire na abhantu bhanú bhareehigirya ameehigiryo ga okwahukanʼya abhantu. Abhantu bhayo bhareenda okusarya eimani ya abhantu, na bharaanga ameehigiryo ganú mweehigiribhwa. Mwiyahure nabho!

Abharuumi 2:18

Oreerora ega, omanyiri gonsego ganú Waryubha ahanjiri, na ega, omanyiri amajomu gonsego, kwa okubha weehigiribhwa amaragiriryo gaaye.

Abharuumi 7:16

Nyoore ndakora amangʼana ganú ntakwenda nkore, hayo nho eroorokya ega, ndeekirirya ega, amaragiriryo m-majomu.

Abharuumi 7:22

Amaragiriryo ga Waryubha, ngahanjiri kwa omutima gwani gonsego.

Abharuumi 8:7

Abhantu bhanú bharoorokereribhwa na obhusimuka bhwabho bhwa obhusarya, bhayo m-basigu bha Waryubha. Bhatakwikirirya okugwata amaragiriryo gaaye, kweki bhatakutura okugagwata.

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

1 Abhakorinto 10:32

Mutabhahabhya Abhayahudi, abhantu bhanú bhataringi Abhayahudi, na kora erikanisa rya Waryubha.

1 Abhakorinto 8:13

Kwa ego, nyoore ebhyakurya bhinú ndarya, bhiramukora omwikirirya omurikyani akore obhusarya, mbe, ntakyarya kweki ebhyakurya bhya ekabhira iyo, naho ntariija okukora omwikirirya omurikyani akore obhusarya.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

2 Abhakorinto 6:3

Tutakumukorera omuntu wowonse, eringʼana ryoryonse rinú riraakore abhihirwe, naho obhukori bhwa emirimu bhwetu bhutagambwa bhubhiibhi.

2 Abhakorinto 8:8

Ntakugamba gayo, naho mbabhandirirye, nawe, ndeenda okurora nyoore obhuhanje bhwenyu m-bwa maheene, kwa okubhoorokya kya ego abhantu abhandi bhaaruusya kwa ekituunyo.

Abhagaratia 5:11

Abhahiiri bhaani kuimani, abhantu abhandi bharagamba ega, oni ndaraarika ega, kira omusaaja niiga, asaarwe. Nyoore maheene niigo ndaraarika, kwaki Abhayahudi bharannyankya? Na nyoore niigo ndaraarika, obhuraariki bhwani eguru ya okukwa kwa Yeesu Kiristu kumusarabha, kutakukora Abhayahudi bhambihirirwe.

Abhaefeso 4:15

Nawe, hanú turaagambiranenga obhuheene kwa omutima gwa obhuhanje, turanaga kumangʼana gonsego, kora turingʼaane na Kiristu. Weeki ngʼo omutwe gwa abheekirirya.

Abhaefeso 5:10

Mumanyiiriryenga ganú garamujomera Omukuru Yeesu, ngo mukore.

Abhaefeso 5:27

Yeendanga yeenyoorere erikanisa erirabhu, rinú ritaana akakorikori kora amasoro gogonse.

Abhaefeso 6:24

Eriruguto rya Waryubha, ribhe kubhantu bhonsego bhanú bhamuhanjiri Omukuru weetu Yeesu Kiristu, kwa obhuhanje bhunú bhutaana obhuteero. Amina.

Abhafiripi 1:16

Bhanu bharakora ego kwa obhuhanje, bhamanyiri bhujomu ega, nteerwe mukibhohe, naho nibhagirire Amangʼana Amajomu.

Abhafiripi 1:6

Niina obhuheene ega, Waryubha unú yaamba emirimu emijomu mumitima gyenyu, arigigendererya okuhikira gikunaane kurusiku runú Kiristu Yeesu arihunjuka.

Abhafiripi 2:16

Kweki mubharaarikire abhantu bheekirirye eringʼana rya Waryubha rinú rirabhahaana obhuhoru bhwa koko. Mukore ego, naho niheeme kurusiku runú Kiristu arihunjuka, kwa okubha emirimu ginú naakora kwa ekituunyo gatigati yeenyu, gitaaringa gya bhusa.

1 Abhatesaronike 3:13

Kweki abhateremye, naho mubhe abharabhu bha omutima, mutaana amasoro embere ya Waryubha Taata weetu, eribhaga rinú Omukuru weetu Yeesu ariija, hamwi na abharabhu bha omutima bhaaye bhonsego.

1 Abhatesaronike 5:21

nawe, musakye amangʼana gonsego ga obhurooti na mugwate amajomu,

1 Abhatesaronike 5:23

Waryubha omwene unú aratuhaana omurembe, abharaame bhukongʼu. Weeki yaangararire emitima gyenyu na obhuhoru bhwenyu na emibhiri gyenyu, naho mubhe mutaana amasoro kwibhaga rinú Omukuru weetu Yeesu Kiristu ariija.

1 Yoana 4:1

Abhahanje bhaani, muteekirirya kira omuntu unú aragamba ega, yaana Omutima wa Waryubha. Nawe, mwikomye bhwaheene nyoore omuntu aroorokereribhwa na Omutima wa Waryubha kasi-ha. Mwikomye, kwa okubha abharooti abhaaru bha obhubheehi, bheebhukiri mukyaro.

Obhukundukuri 2:2

“Mmanyiri ebhikorwa bhyenyu, ekituunyo kyenyu na obhwigumirirya bhwenyu. Kweki mmanyiri ega, mutakugwatana na abhantu abhabhiibhi. Mwabheekomya bhanú bhareebhirikira ega, abhatumwa enu bhataringi abhatumwa, na mukangʼamura ega, bhaaringa abhabheehi.