2 Petero 3:9 - Eriragano Erihya

⁹ Abhantu abhandi bharamanya ega, Omukuru Waryubha aratigita okukora ganú yaaraga, nawe, atakutigita okugakora. Weeki areegumirirya kurusumo rwenyu, kwa okubha atakwenda ega, omuntu wowonse abhure, nawe areenda ega, bhonsego bhatige obhusarya bhwabho, bhamwihunjurire weeki.

2 Petero 3:9 ပူးပေါင်းရင်းမြစ်များ

Abharuumi 13:11

Mubhenga murakora gayo gonsego, kwa okubha mumanyiri ega, ensa ya okubhuuka okurwa muntiro ehikiri. Maaha, eribhaga rya obhutuurya bhwetu, riringi haangʼi bhukongʼu, okukira kubhwambiro hayo, hanú twaamba okumwikirirya Yeesu.

Abharuumi 13:12

Bhoono, obhutiku bhureenda okukya, na omubhasu guringi haangʼi okubhara. Kwa ego, tutige amakorwa amabhiibhi ganú garakorerwa mukisunte, na mubhanure ebhirwaniro bhya endingaasi.

Abharuumi 2:4

Waryubha m-muheene bhukongʼu, arakumaahira ekyabhira bhukongʼu, na arakwigumirirya bhukongʼu. Nawe bhoono, uuwe oreenda okujeera gayo gonsego? Otamanyiri ega, arakoorokya obhujomu bhwaye, naho oture okumwihunjurira?

Abharuumi 9:22

Niigo eringi ku Waryubha. Yeendanga okoorokya abhantu enkoro yaaye na obhuturo bhwaye, nawe, yaabheegumirirya bhukongʼu abhantu bhanú bheenderwanga okusikibhwa.

1 Timoteo 1:16

Nawe, yaandorera ekyabhira! Yaanyorokya obhwigumirirya bhwaye, naho mbe ekirengyo, kubhanú bharimwikirirya, na okunyoora obhuhoru bhwa koko.

1 Timoteo 2:4

Weeki areenda abhantu bhonsego bhatuuribhwe, na okumanya obhuheene.

Abhaebhurania 10:37

Engʼoorerwe mu Mangʼoore Amarabhu ega, “Ritigeeri eribhaga ekego bhukongʼu, unú araaja, ariija, kora ataritigita.

1 Petero 3:20

Emitima giyo, n-gya bhanú bhataamwigwanga Waryubha akare hayo, eribhaga Nuhu yaaringa arakora eryato erinene. Waryubha yeegumirirya obhusarya bhwabho, okuhikira hanú eryato ryahwa, nawe kubhuteero, abhantu munaane abheenego, mbo bhaahona okurwa mumanji.

2 Petero 1:4

Kwa enjira ya gayo, yaaturaga amangʼana amanene na aga obhwera. Na kwa amangʼana gayo yaaturaga, turatura okutiga amabhiibhi ga mukyaro hanu ganú garareetwa na orunamba orubhiibhi, naho tugwatane na enteemo ya Waryubha.

2 Petero 3:15

Mumanye ega, Omukuru arabheegumirirya, naho munyoore omweya gwa okutuuribhwa. Ego niigo omuhiiri weetu omuhanje kuimani, Pauro yaabhangʼoorera kwa egintungwa ginú yaahaanwa na Waryubha.

Obhukundukuri 2:21

Oni naamuhaana omweya naho yeehunjure obhusarya bhwaye, nawe, atakwenda okutigana na obhusimbe bhwaye.