2 Petero 3:7 - Eriragano Erihya

⁷ Nawe, kwa eringʼana riryarirya, Waryubha yaamura ega, orwire na ekyaro ekya bhoonwego, bhirisambwa na omururo. Bhiriho bhiraangararirwa okuhikira orusiku runú aribhabhuturira ekiina na okubhasikya abhantu bhanú bhatakumwigwa weeki.

2 Petero 3:7 ပူးပေါင်းရင်းမြစ်များ

Mataayo 10:15

Ndabhakeerya obhuheene ega, kurusiku rwa okubhutura ekiina, Waryubha aribhajibhya bhururu, abhantu bha omugi guyo, okukira kya ego aribhajibhya abhantu bha Sodoma na Gomora!

Mataayo 11:22

Nawe, ndabhakeerya ega, kurusiku rwa okubhutura ekiina, Waryubha aribhajibhya bheenyu bhururu, okukira kya ego aribhajibhya abhantu bha mumigi gya Tiro na Sidoni.

Mataayo 11:24

Nawe, ndabhakeerya ega, orusiku rwa okubhutura ekiina, Waryubha aribhajibhya bheenyu bhururu okukira kya ego aribhajibhya abhantu bha mumugi gwa Sodoma.”

Mataayo 12:36

Mbe, ndabhakeerya ega, kira eringʼana rinú ritaana ensonga yoyonse rinú abhantu bharagamba, ririruusiribhwa erisaabhu ryaye kurusiku rwa obhubhuturi bhwa ekiina.

Mataayo 24:35

Ekyaro na orwire bhirihita, nawe, amangʼana gaani gariguma koko!

Mataayo 25:41

“Kweki, aribhakeerya bhanú bharingi orubhaara rwaye rwa obhumosi ega, ‘Murwe hanu, bheenyu bhanú mweehiimwa na Waryubha! Mugende mumururo gwa koko, gunú guseemeriibhwe Erisambwa na bhamaraika bhaaryo.

Mariko 6:11

Kweki, ahasi hohonse hanú bhataribhagenihya kasi okubheetegeerera, hanú muriimuka hayo, mukungʼunte oruteeri kumaguru geenyu, naho okoorokya ega, Waryubha abhaangiri.”

Yoana 12:48

Omuntu wowonse unú aranyanga oni hamwi na amangʼana gaani, aribhuturirwa ekiina. Amangʼana ganú ndagamba, ngo garimubhuturira ekiina kurusiku rwa obhuteero.

Abharuumi 2:5

Uuwe uuna ekisiraani, kweki oraanga okumwihunjurira Waryubha. Kwa ego, oreekumanirya obhujibhu kurusiku runú Waryubha aribhuturira ekiina abhantu, kwa obhuheene.

1 Abhakorinto 3:13

Kira omuntu, emirimu gyaye girimaahikana ega, giringi egaki. Orusiku rurya rwa okubhutura ekiina, emirimu gyonsego giribha kubhurabhu, kwa okubha emirimu gya omuntu wowonse, girirengwa kwa omururo gwa okubhuturira ekiina.

Abhafiripi 1:28

Kweki niigwenga ega, mutakoobhoha abhasigu bheenyu kora hake. Okukora ego, kuribhoorokya ega, bheeki bharisikibhwa, nawe bheenyu, murituuribhwa. Gayo gonsego m-mirimu gya Waryubha.

2 Abhatesaronike 2:3

Mutige okwikirirya omuntu wowonse abhangʼeene kwa ryoryonse rirya, kwa okubha orusiku ruyo rutarihika, okuhikira eginsiku ginú abhantu abhaaru bharimujeema Waryubha, na Omujeemi atubhuke. Uyo ngʼo, arisikibhwa chwe kubhuteero.

1 Timoteo 6:9

Abhantu bhanú bhareenda obhuniibhi, bharasoha mumasakyo, na okugwatibhwa mumutego gwa orunamba orwaru rwa ekikangi. Orunamba ruyo, rurakora bharasarika na okusika.

Abhaebhurania 12:29

kwa okubha Waryubha weetu aringi kya omururo omuhaari gunú gurasikya chwe.

2 Petero 2:9

Bhoono, amangʼana gonsego gayo garatoorokya-ki? Garoorokya ega, Omukuru Waryubha amanyiri kya ego aratuurya abhantu bhanú bharamwigwa, okurwa mumasakyo. Kweki amanyiri kya ego aratuura abhasarya munyanko, okuhikira orusiku rwa okubhabhuturira ekiina,

2 Petero 3:10

Nawe, orusiku rwa Omukuru ruriija kya omwibhi. Orusiku ruyo, orwire rurirwa-ho kwa omukindo omunene, na ebhintu bhyonsego bhinú bhirimo bhirisambwa kwa omururo, ekyaro kyonse kirisikibhwa hamwi na ebhintu bhyonsego bhinú bhirimo.

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!

1 Yoana 4:17

Kwa enjira iyo, obhuhanje bhurabha bhukuneeni munsi weetu, naho tubhe na obhuteremu kurusiku rwa okubhuturirwa ekiina. Obhuhanje bhuyo bhukuneeni, kwa okubha obhwikari bhwetu mukyaro munu, bhuhunkeeni na kya ego Yeesu yeekaranga.

Yuda 1:7

Kweki muhiituke abhantu bha mumigi gya Sodoma na Gomora, na bharya abha mumigi gya haangʼi. Abhamenyi bha muyo bharahunkana kya bhamaraika bhayo. Bhaaringa bharakora obhusimbe na okugwata orunamba rwa omubhiri runú rutakutuubhana na kya ego bhaabhumbwa bheekare. Waryubha akabhajibhya kwa okusambwa mumururo gwa koko, naho okukemera abhantu bhonsego.

Obhukundukuri 17:11

Na ogutyenyi ogunene gunú gwaringa oguhoru kimwi gukakwa, m-mukama wa munaane. Uyo, ngʼ-umwi wa abhakama muhungati bharya, nawe, Waryubha arimusikya.

Obhukundukuri 17:8

Ogutyenyi ogunene gunú waarora, gwaringa oguhoru, nawe, bhoono gukwiri. Bhoono, guringi haangʼi okurwa mwituko rya ekibhohe kya amasambwa, nawe, Waryubha arigusikya. Na abhantu bhonsego bha mukyaro bhanú amariina gaabho gataangʼoorwa mukitabho kya obhuhoru bhwa koko eribhaga rinú ekyaro kyabhumbwa, bhariruguura okurora ogutyenyi guyo, kwa okubha akare gwaringa-ho, kimwi gukakwa na bhoonwego guramaahikana kweki.”

Obhukundukuri 20:11

Kimwi, nkarora Waryubha yeekeeri kukitumbi ekirabhu ekikuru kya ekikama. Orwire na ekyaro bhikabhura embere yaaye na bhitaamaahikana kweki.

Obhukundukuri 21:1

Kimwi, nkarora orwire oruhya na ekyaro ekihya, kwa okubha orwire rwa mbere na ekyaro kya mbere bhyaringa bhiruusiibhwe-ho, na enyanja yonse etaaringa-ho kweki.