2 Petero 3:2 - Eriragano Erihya

² Ndeenda muhiituke amangʼana ganú abharooti bha Waryubha bhaaroota akare hayo, na amaragiriryo ga Omukuru na Omutuurya ganú abhatumwa bheenyu bhaabhareetera.

2 Petero 3:2 ပူးပေါင်းရင်းမြစ်များ

Ruuka 1:70

kya ego yaaringa amariri okugamba akare hayo, kwa enjira ya abharooti bhaaye abharabhu bha omutima.

Ruuka 24:27

Nho, Yeesu akabhatubhurira amangʼana gonsego ganú gaangʼoorwa eguru yaaye, okwambira amangʼoore ga Musa, na amangʼoore ga abharooti bhonsego.

Ruuka 24:44

Hanú yaamara, akabhakeerya ega, “Ganu ngo naabhakeeryanga hanú naaringa hamwi na bheenyu. Naagamba ega, gonsego ganú gaangʼoorwa eguru yaani, gareenderwa gakoreke, ganú garingi mumaragiriryo ga Musa na mumangʼoore ga abharooti na mumangʼoore ga Egijabhuri.”

Amakorwa ga Abhatumwa 10:43

Abharooti bhonsego bhaagamba eguru yaaye ega, omuntu wowonse unú arimwikirirya, aryabhirwa obhusarya bhwaye bhonsego, okuhitira kuweeki.”

Amakorwa ga Abhatumwa 28:23

Ego, bhakeekiriranʼya na Pauro, orusiku runú bhariikumanʼya. Orusiku ruyo hanú rwahika, bhakaaja abhantu abhaaru, munyumba inú yeekaranga. Pauro akabhatondera na okubhoonjoorera eguru ya obhukama bhwa Waryubha, okwambira nyenkyo okuhikira kumugoroobha, yeendanga ega, bhonse bhamwikirirye Yeesu. Ekakora abheehigirye amangʼana eguru ya Yeesu kwa okutumira amaragiriryo ga Musa, na ebhitabho bhya abharooti.

Amakorwa ga Abhatumwa 3:18

Nawe, kwa enjira inu, Waryubha yaakunaanʼya amangʼana ganú yaagamba okuhitira kubharooti bhaaye bhonsego ega, Kiristu Omutuurya arinyankibhwa.

Amakorwa ga Abhatumwa 3:21

Nawe Yeesu, weeki areenderwa asaage murwire, okuhikira eribhaga rinú Waryubha arikora ebhintu bhyonsego bhuhya, kya ego yaagamba akare hayo, kwa enjira ya abharooti bhaaye abharabhu bha omutima.

Abhagaratia 6:2

Mubhenga murabheerana emijigo emirito. Kwa okukora ego, nho, murakunaanʼya amaragiriryo ga Kiristu.

Abhaefeso 2:20

Bheenyu mubheeri kya enyumba inú ehagaajirwe kubhurusa, na obhurusa bhuyo, m-batumwa na abharooti, na Kiristu Yeesu omwene n-kya erigina erikuru rya obhurusa bhuyo.

Abhaefeso 3:5

Akare hayo, Waryubha ataatubhurira abhantu ekinyerera kyaye kiyo, nawe bhoono, abhatubhuriiri abhatumwa na abharooti bhaaye abharabhu bha omutima, kwa enjira ya Omutima Omurabhu.

1 Timoteo 6:14

ogumye amaragiriryo gayo gonsego bhwaheene na bira okugasarya, okuhikira hanú Omukuru weetu Yeesu Kiristu ariija.

2 Petero 2:21

Ekaabheeri bhujomu kubheeki, nyoore bhatakaamanyiri kora hake, enjira ya obhuheene iyo, okukira okuimanya, bhamare bhatige amaragiriryo amarabhu ganú bhaahaanwa.

2 Petero 3:15

Mumanye ega, Omukuru arabheegumirirya, naho munyoore omweya gwa okutuuribhwa. Ego niigo omuhiiri weetu omuhanje kuimani, Pauro yaabhangʼoorera kwa egintungwa ginú yaahaanwa na Waryubha.

2 Petero 3:16

Muginyarubha gyaye gyonsego, arahairira eguru ya amangʼana gayo. Muginyarubha gyaye giyo, garimo amangʼana agandi amakongʼu okugamanya. Abhantu bhanú bhateehigiribhwa eguru yaago, na bhataranaga kuimani, bharagahabhya kya ego bharahabhya Amangʼoore Amarabhu agandi. Kwa okukora ego, bhareesikya abheene.

1 Yoana 4:6

Bheetu m-baana bha Waryubha. Omuntu wowonse unú amumanyiri Waryubha, aratwitegeerera. Nawe, unú ataringi omwana wa Waryubha, atakutwitegeerera. Ego niigo turaahukanʼya abhantu bhanú bharoorokereribhwa na Omutima wa obhuheene, na bhanú bharoorokereribhwa na omutima gwa obhubheehi.

Yuda 1:17

Nawe, bheenyu abhahanje bhaani, muhiituke amangʼana ganú gaagambwa akare hayo, na abhatumwa bha Omukuru weetu Yeesu Kiristu.

Obhukundukuri 19:10

Nho, nkagwa bhwibhumbike mumaguru ga maraika uyo, naho mmusyengere. Nawe, akankeerya ega, “Tiga! Oni nonse m-mukori wa emirimu omurikyaho, hamwi na abhahiiri bhaaho bhanú bharamwimiririra Yeesu. Omusyengere Waryubha omwenego, kwa okubha obhwimiririri eguru ya Yeesu, mbo obhwambiro bhwa obhurooti.”