2 Petero 3:11 - Eriragano Erihya

¹¹ Mbe, kwa okubha ego niigo ebhintu bhyonsego bhirisikibhwa, bhoono bheenyu mureenderwa okubha abhantu bha egaki? Mureenderwa okubha na eginteemo gya heene na okumwigwa Waryubha,

2 Petero 3:11 ပူးပေါင်းရင်းမြစ်များ

Mataayo 8:27

Abheehigira bhaaye bhakaruguura, bhakagamba ega, “Omuntu unu ngʼ-wa egaki? Kora omuyaga na amabhooka, bhiramwigwa!”

Abharuumi 13:11

Mubhenga murakora gayo gonsego, kwa okubha mumanyiri ega, ensa ya okubhuuka okurwa muntiro ehikiri. Maaha, eribhaga rya obhutuurya bhwetu, riringi haangʼi bhukongʼu, okukira kubhwambiro hayo, hanú twaamba okumwikirirya Yeesu.

Abharuumi 13:12

Bhoono, obhutiku bhureenda okukya, na omubhasu guringi haangʼi okubhara. Kwa ego, tutige amakorwa amabhiibhi ganú garakorerwa mukisunte, na mubhanure ebhirwaniro bhya endingaasi.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

Abhafiripi 1:27

Mbe, eginteemo gyenyu giringʼaane na Amangʼana Amajomu eguru ya Kiristu. Nyoore ndiija okubharora kasi ntariija, niigwe ega, muragendererya okunaga na okubha na obhumwi, enu muranyankira kwa omutima gumwi, eimani inú erarekana na Amangʼana Amajomu.

Abhafiripi 3:20

Nawe bheetu, m-bamenyi bha murwire, na turaganyirira kwa enamba enene, Omutuurya na Omukuru Yeesu Kiristu, yaaje okurwa eyo.

1 Abhatesaronike 1:5

Tumanyiri ego, kwa okubha eribhaga rinú twabharaarikira Amangʼana Amajomu eguru ya Yeesu, tutaaraarika kwa amangʼana ego. Nawe, twaraarika kwa eginguru, kwa Omutima Omurabhu, na kweki kwa obhuheene. Bheenyu mumanyiri kya ego twaringa hamwi na bheenyu, naho tubhabheere.

1 Timoteo 3:16

Obhuheene bhunú Waryubha yaatutubhurira m-bwa okuruguurya, bhunú tureekirirya m-bunu ega, Kiristu yeeyorokya kwa enjira ya omubhiri, akoorokibhwa na Omutima Omurabhu ega, m-muheene, bhamaraika bhakamurora, amangʼana eguru yaaye, gakaraarikwa kubhantu bha ebhyaro bhyonsego, akeekiriribhwa na abhantu bha ebhyaro bhyonsego, na akasakwa okugya eguru mubhukuru.

1 Timoteo 4:12

Omuntu wowonse atakujeera kwa okubha okyari omumura, nawe, wikare bhwaheene okuhikira abheekirirya bhabhenga bharakuruusirya ekirengyo kubhugambi bhwaho, ebhikorwa bhyaho, obhuhanje bhwaho, eimani yaaho na obhwigwa bhwaho.

1 Timoteo 6:11

Nawe, uuwe omuntu wa Waryubha, otigane na amangʼana gayo. Ogwate obhuheene, obhwigwa ku Waryubha, eimani, obhuhanje, obhwikongʼererya na obhunyoohu.

1 Timoteo 6:3

Omuntu wowonse unú areehigirye ameehigiryo ga obhubheehi, na atakwikirirya amangʼana ga obhuhoru ga Omukuru weetu Yeesu Kiristu, kora ameehigiryo ganú gararingʼaana na aga okumwigwa Waryubha,

1 Timoteo 6:6

Maheene ega, okumwigwa Waryubha, kuramukora omuntu abhe omuniibhi, nyoore areeswe na ebhintu bhinú yaanabhyo,

Abhaebhurania 13:5

Mutabha na enteemo embiibhi ya okuhanja egimbirya, nawe, mwiswe na bhinú muunabhyo, kwa okubha Waryubha omwene yaagamba ega, “Ntaribhasuuhira kora okubhatiga orusiku rumwi.”

Yakobho 1:24

Hanú aramara okwimaaha, aragya gyaye, rumwigo, ararabhirwa kya ego aringi.

Yakobho 3:13

Niwi gati yeenyu, unú yaana egintungwa na obhungʼeeni? Mbe, abhyorokye kwa enteemo yaaye enjomu, na kwa amakorwa gaaye amajomu ganú garakoreka kwa obhwisuuhya bhunú bhurarekana na egintungwa.

1 Petero 1:15

Waryubha unú yaabhabhirikira, m-murabhu. Bhoono bheenyu bhonse, mureenderwa okubha abharabhu kuginteemo gyenyu gyonsego.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

2 Petero 1:3

Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.

2 Petero 1:6

Kweki hamwi na okumanya kwenyu kwa amangʼana gayo, mubhenga mureeribhira okukora amabhiibhi. Okwiribhira kwenyu, kubhe kwa okwigumirirya, na okwigumirirya kwenyu, kubhe kwa okumwigwa Waryubha.

2 Petero 3:10

Nawe, orusiku rwa Omukuru ruriija kya omwibhi. Orusiku ruyo, orwire rurirwa-ho kwa omukindo omunene, na ebhintu bhyonsego bhinú bhirimo bhirisambwa kwa omururo, ekyaro kyonse kirisikibhwa hamwi na ebhintu bhyonsego bhinú bhirimo.

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!