2 Petero 3:10 - Eriragano Erihya

¹⁰ Nawe, orusiku rwa Omukuru ruriija kya omwibhi. Orusiku ruyo, orwire rurirwa-ho kwa omukindo omunene, na ebhintu bhyonsego bhinú bhirimo bhirisambwa kwa omururo, ekyaro kyonse kirisikibhwa hamwi na ebhintu bhyonsego bhinú bhirimo.

2 Petero 3:10 ပူးပေါင်းရင်းမြစ်များ

Mataayo 24:35

Ekyaro na orwire bhirihita, nawe, amangʼana gaani gariguma koko!

Mariko 13:31

Ekyaro na orwire bhirihita, nawe, amangʼana gaani gariguma koko.

Ruuka 12:39

“Bhoono, mumanye bhujomu eringʼana rinu ega, nyoore omwene enyumba akaamanyiri eribhaga rinú omwibhi araaja, akeeseemerye, na omwibhi atakaasoheri munyumba yaaye.

Abharuumi 8:20

Ebhibhumbwa bhyonsego bhinú Waryubha yaabhumba bhyeehiimwa bhitabha na obhwera. Etaringi ega, ebhyene mbyo bhyeenda ego, nawe, n-kya ego Waryubha omwene yeenda. Kora ego, bhireesigira eribhaga riyo,

1 Abhakorinto 1:8

Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

1 Abhakorinto 5:5

Hayo mumugwatye omuntu uyo mubhutungi bhwa Erisambwa, naho enteemo yaaye ya obhusarya esikibhwe, nawe, weeki omwene atuuribhwe orusiku rwa okuhunjuka kwa Omukuru Yeesu.

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

1 Abhatesaronike 5:2

kwa okubha bheenyu abheene mumanyiri ega, orusiku rwa okuuja kwa Omukuru, ruriija kya ego omwibhi araaja obhutiku.

1 Abhatesaronike 5:4

Nawe, bheenyu abhahiiri bheetu kuimani, orusiku ruyo rutaribhatakya kya omwibhi, kwa okubha mutaringi mukisunte kya abhandi.

2 Petero 3:11

Mbe, kwa okubha ego niigo ebhintu bhyonsego bhirisikibhwa, bhoono bheenyu mureenderwa okubha abhantu bha egaki? Mureenderwa okubha na eginteemo gya heene na okumwigwa Waryubha,

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!

2 Petero 3:7

Nawe, kwa eringʼana riryarirya, Waryubha yaamura ega, orwire na ekyaro ekya bhoonwego, bhirisambwa na omururo. Bhiriho bhiraangararirwa okuhikira orusiku runú aribhabhuturira ekiina na okubhasikya abhantu bhanú bhatakumwigwa weeki.

Yuda 1:6

Kweki muhiituke bhamaraika bhanú bhateeswanga na obhutungi bhunú bhaaringa nabho, bhakatiga egimenyo gyabho, Waryubha yaabhabhoha mukisunte kwa eminyororo gya koko. Eyo bharaganyirira orusiku orukuru rurya rwa okubhuturirwa ekiina.

Obhukundukuri 16:15

Omukuru Yeesu aragamba ega, “Maaha! Ndiija kya omwibhi. Anonkerwe unú aratengeeja na okwibhoha emyenda gyaye, naho atariija okugenda kinaabhi na okusuuka.”

Obhukundukuri 20:11

Kimwi, nkarora Waryubha yeekeeri kukitumbi ekirabhu ekikuru kya ekikama. Orwire na ekyaro bhikabhura embere yaaye na bhitaamaahikana kweki.

Obhukundukuri 21:1

Kimwi, nkarora orwire oruhya na ekyaro ekihya, kwa okubha orwire rwa mbere na ekyaro kya mbere bhyaringa bhiruusiibhwe-ho, na enyanja yonse etaaringa-ho kweki.

Obhukundukuri 3:3

Muhiituke ganú mweehigiribhwa na okwigwa. Bhoono mugagwate bhujomu na mumwihunjurire Waryubha okurwa mubhusarya bhwenyu. Nawe nyoore mutaatengeeje, ndiija kya omwibhi na mutarimanya eribhaga rinú ndiija.

Obhukundukuri 6:14

Orwire rukaruusibhwa-ho kya ego eritarataasi rirakunywakunywa. Eginkuku na amaginga, bhyonsego bhikangʼaanyibhwa okurwa ahasi haabho ha obhusimuka.