2 Petero 2:6 - Eriragano Erihya

⁶ Kweki Waryubha akajibhya emigi gya Sodoma na Gomora, akagisikya kwa omururo gikabha eriibhu. Akakora emigi giyo, okubha ekirengekanʼyo kubhantu bhonsego bhanú bhataribhanga bharamwigwa.

2 Petero 2:6 ပူးပေါင်းရင်းမြစ်များ

Mataayo 10:15

Ndabhakeerya obhuheene ega, kurusiku rwa okubhutura ekiina, Waryubha aribhajibhya bhururu, abhantu bha omugi guyo, okukira kya ego aribhajibhya abhantu bha Sodoma na Gomora!

Mataayo 11:23

Na bheenyu, abhantu bha mumugi gwa Kaperinaumu, bhoono mureeganirirya ega, Waryubha aribhariinʼya okuhikira murwire? Muriituumibhwa okuhikira mumururo gunú gutakusima, kwa okubha ebhika bhinú bhyakoreka kubheenyu, bhikaakorekeri mumugi gwa Sodoma, omugi guyo gukaabheeri-ho nawanyareero.

Abharuumi 9:29

N-kya ego omurooti Isaaya yaagamba akare ega, “Nyoore Omukuru Waryubha wa obhuturo bhonsego atakaatamirye abheebhurwa abhake bha Abhaisiraeri, tukaabheeri tusikiri bhonsego kya abhantu bha Sodoma na Gomora.”

1 Abhakorinto 10:11

Mbe, amangʼana gayo gonsego gaabhanyoora bhajaaji weetu, gaangʼoorwa naho gabhe ebhirengekanʼyo bhya okutukemera bheetu bhanú tureekara kuginsiku ginu gya obhuteero.

Abhaebhurania 4:11

Mbe, tukore ekituunyo okusoha ahasi ha okumuunya hayo, naho omuntu wowonse atatamwa okusoha, kwa ekisigo kya okwanga okumwigwa Waryubha, kya ego bhajaaji weetu bhaakora.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”

Yuda 1:7

Kweki muhiituke abhantu bha mumigi gya Sodoma na Gomora, na bharya abha mumigi gya haangʼi. Abhamenyi bha muyo bharahunkana kya bhamaraika bhayo. Bhaaringa bharakora obhusimbe na okugwata orunamba rwa omubhiri runú rutakutuubhana na kya ego bhaabhumbwa bheekare. Waryubha akabhajibhya kwa okusambwa mumururo gwa koko, naho okukemera abhantu bhonsego.