2 Petero 2:5 - Eriragano Erihya

⁵ Kweki eribhaga rirya erya Nuhu, Waryubha ataabhira abhantu bhanú bhataaringa bharamwigwa, nawe, yaareeta obhusiki bhwa amanji eguru ya ekyaro kirya, abhantu bhakakwa. Nawe, yaamutuurya Nuhu hamwi na abhantu abhandi muhungati. Nuhu ngʼo yaaringa araarikiiri abhantu ega, bhakore ganú gareenderwa embere ya Waryubha.

2 Petero 2:5 ပူးပေါင်းရင်းမြစ်များ

Abhaebhurania 11:7

Eimani yaakora Nuhu akamwigwa Waryubha, hanú yaamukemera kuganú gaaringa gakyari okwibhuka. Nho, akakora eryato erinene, naho Waryubha abhatuurye weeki hamwi na abhantu bha munyumba yaaye. Okurekana na amakorwa gayo, Nuhu akabhabhuturira ekiina abhantu bha mukyaro bhanú bhaaringa bhatakumwikirirya Waryubha. Okurekana na eimani yaaye, Waryubha akamubhara Nuhu okubha omuheene embere yaaye.

2 Petero 3:6

Na kwa amanji gayo, amanji ga obhusiki, ekyaro kya eribhaga rirya, kikasikibhwa.