2 Petero 2:3 - Eriragano Erihya

³ Kwa orunamba rwabho rwa ebhintu, bharibhanga bharabhakeerya amagano ga obhubheehi, naho bheenyoorere ebhintu okurwa kubheenyu. Nawe, okurwa akare, Waryubha yaakemera ega, aribhabhuturira ekiina, na kweki yeeseemerye okubhasikya!

2 Petero 2:3 ပူးပေါင်းရင်းမြစ်များ

Mataayo 23:14

“Murikirora-ko, bheenyu abheehigirya bha amaragiriryo na bheenyu Abhafarisaayo! Bheenyu m-banyarwambe, kwa okubha murasabha Waryubha kwa amasabho amatambi bhukongʼu, naho mwiyorokye kubhantu, nawe, enu muraraarira abhasino ebhintu bhyabho. Mbe, mumanye ega, kurusiku rwa okubhuturirwa ekiina, maheene Waryubha aribhajibhya bhururu.]

Ruuka 18:8

Ndabhakeerya ega, aribhareetera obhuheene bhwabho bhwangu. Nawe oni, Omwana wa Adamu, hanú ndihunjuka mukyaro, ndinyoora abhantu bhakyanyikirirya?”

Ruuka 20:20

Kwa ego, abhakuru bhayo, bhakabha bharamuteganʼya Yeesu bhamugwate. Mbe, bhakatuma abhantu bhagye okumwinogorya. Abhantu bhayo, bhakeekorya ega, m-bantu abhaheene. Nawe, bheendanga omweya gwa okumugwata Yeesu kwa amangʼana gaaye, naho bhagye okumujongera kumwanangwa wa Ekiruumi.

Ruuka 22:47

Mbe, hanú Yeesu yaaringa akyagamba gayo, akaajirwa na omuganda gwa abhantu abhaaru. Na urya yaabhirikirwanga Yuda, oumwi wa abheehigira bhaaye ekumi na bhabhiri, yaaringa embere ya abhantu bhayo. Yuda akamusuntarira, akamuhumbata.

Yoana 2:16

Nho, akabhakeerya bhanú bhaaringa bharagurya eginguuti ega, “Muruusye munu ebhintu bhyenyu! Mutakora enyumba ya Taata, okubha omudiira!”

Abharuumi 16:18

Abhantu bhayo, bhatakumukorera emirimu Kiristu, Omukuru weetu, nawe, kinú bhareenda, nu-kwigutya orunamba rwabho orubhiibhi. Bharagamba amangʼana amasambaaruku ga okwikangatirirya, naho bhangʼeene abheekirirya bhanú bhatakwisigira obhubhiibhi bhobhonse.

2 Abhakorinto 2:17

Bheetu tutaringi kya abhantu abhandi abhaaru, bhanú bharakora eringʼana rya Waryubha, kya ekintu kya okugurya, naho bhanyoore obhwera. Nawe, bheetu kwa eginguru gya Kiristu, turaraarika eringʼana rya Waryubha kwa obhuheene bhonsego embere ya Waryubha, kwa okubha weeki ngʼo yaatutuma.

1 Abhatesaronike 2:5

Mumanyiri ega, tutaaringa turagamba amangʼana ga okwikomba, kora okugamba amangʼana ganú gataringi ga obhuheene, naho tunyoore obhwera. Waryubha ngʼo amanyiri ega, ganú turagamba n-ga maheene!

1 Abhatesaronike 5:3

Kwibhaga rinú abhantu bharigambanga ega, “Tuuna omurembe, na turingi bhwaheene,” hayo nho, amangʼana garisarika. Obhusariku bhuyo, bhuribhatakya kya ego obhusungu bhuramuujira omukari unú aringi enda. Okurekana na gayo, maheene bhatarituuribhwa kora hake.

1 Timoteo 3:3

Atakaabha omureebhi, kasi omukori wa eriihe, nawe, abhe omunyoohu unú ahanjiri omurembe. Kweki, atabha omunamba wa egimbirya.

1 Timoteo 3:8

Abhabheeri bhonse, bhabhe na egintungwa ginú gireenderwa, bhatige okubha bhararuma enu na enu, bhatige okubha abhareebhi, na bhatabha abhanamba bha egimbirya.

1 Timoteo 6:5

na eriihe gati ya abhantu bhanú gyadangana, kora bhatamanyiri obhuheene. Bhayo mbo bharya bharakanya ega, okumwigwa Waryubha ngʼyo enjira ya okunyoora obhuniibhi.

Tiito 1:11

kwa okubha bharahabhya abhantu mumigi emyaru. Bhareehigirya amangʼana ganú gatakwenderwa, naho bhanyoore egimbirya kwa eginjira egimbiibhi.

Tiito 1:7

Omukangati wa erikanisa, m-mwimiririri unú yaahaanwa emirimu gya Waryubha. Weeki areenderwa abhe omuntu unú atakugambwa obhubhiibhi. Atabha omuntu wa omutwe omukongʼu, atabha na enkoro, atabha omureebhi, atabha omutindi, kweki atabha na orunamba orubhiibhi rwa egimbirya.

1 Petero 2:8

Kweki, Amangʼoore garagamba ega, “Erigina riyo ni-rigina rya okwikuujura, ni-ritare rya okugwisya abhantu.” Abhantu bhareekuujura kwa okubha bhatakugwata Amangʼana ga Waryubha, na ego niigo bhaaringa bhaseemeriibhwe okurwa akare.

1 Petero 5:2

mubhe abhaangarariri abhaheene bha omuganda gwa abheekirirya bhanú mwahaanwa na Waryubha. Kweki mugwangararire kwa okwiruusya kya ego Waryubha areenda, etabha kwa okubhandiriribhwa. Mutakora emirimu kwa orunamba rwa egimbirya, nawe, kwa omutima gwa heene.

2 Petero 1:16

Eribhaga twaringa turabheehigirya eguru ya eginguru na okuhunjuka kwa Omukuru weetu Yeesu Kiristu, tutaaringa turabhakeerya amagano ga obhubheehi ganú gaangʼoorwa kwa obhungʼeeni. Nawe bheetu twarora obhukuru bhwaye kwa ameeso geetu abheene.

2 Petero 2:1

Nawe, kwibhaga rya abharooti, bheebhuka abharooti bha obhubheehi gati ya Abhaisiraeri. Ego niigo abheehigirya bha obhubheehi bhariibhuka gati yeenyu. Abhantu bhayo, bharibhasoherya bhugunyi ameehigiryo amabhiibhi ga okuhabhya, kora ga okumwanga Omukuru Yeesu unú yaabhatungurya. Kwa okukora ego, bhariikorera okusika kwabho abheene bhwangu.

2 Petero 2:9

Bhoono, amangʼana gonsego gayo garatoorokya-ki? Garoorokya ega, Omukuru Waryubha amanyiri kya ego aratuurya abhantu bhanú bharamwigwa, okurwa mumasakyo. Kweki amanyiri kya ego aratuura abhasarya munyanko, okuhikira orusiku rwa okubhabhuturira ekiina,

Yuda 1:11

Bharikirora-ko, kwa okubha bhaagwata enjira ya Kaini, eya okukora obhusarya. Bharikirora-ko, kwa okubha bheesohya mubhusarya kya bhunú Bharamu yaakora, kurusumo rwa okunyoora obhuniibhi. Bharikirora-ko, kwa okubha bharasika kwa ekisigo bhaajeema kya ego Koora yaajeema, akasika.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”

Yuda 1:16

Abhantu bhayo, m-beengʼeheerya na abha okutonda amasoro, bharagwata orunamba rwabho orubhiibhi. Bhareegungya bhukongʼu enu bharagungya abhantu, naho bhanyoore obhwera.

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Yuda 1:7

Kweki muhiituke abhantu bha mumigi gya Sodoma na Gomora, na bharya abha mumigi gya haangʼi. Abhamenyi bha muyo bharahunkana kya bhamaraika bhayo. Bhaaringa bharakora obhusimbe na okugwata orunamba rwa omubhiri runú rutakutuubhana na kya ego bhaabhumbwa bheekare. Waryubha akabhajibhya kwa okusambwa mumururo gwa koko, naho okukemera abhantu bhonsego.