2 Petero 2:21 - Eriragano Erihya

²¹ Ekaabheeri bhujomu kubheeki, nyoore bhatakaamanyiri kora hake, enjira ya obhuheene iyo, okukira okuimanya, bhamare bhatige amaragiriryo amarabhu ganú bhaahaanwa.

2 Petero 2:21 ပူးပေါင်းရင်းမြစ်များ

Mataayo 21:32

Yoana yaaja kubheenyu, naho abhoorokye enjira ya obhuheene, bheenyu mutaamwikirirya. Nawe, abhatobhya bha erigooti na abhasimbe mbo bhaamwikirirya. Kora, bheenyu hanú mwarora gonsego gayo, mutaahunjura ameetegeerero geenyu na okumwikirirya.”

Ruuka 12:47

“Omukori wa emirimu unú yaamanya obhwendi bhwa omukuru waaye, nawe ateeseemya okumuturuungʼana, kora ataagwata amaragiriryo gaaye, aritemwa ebhisaamuri ebhyaru.

Yoana 15:22

Nyoore ntakaajiri na okuhaira nabho, mbe bhatakaabheeri na obhusarya. Nawe, bhoono, bhatakutura okwibhagirira ega, bhataana obhusarya.

Yoana 9:41

Yeesu akabhakyukya ega, “Nyoore mukaabheeri abhahoku, mutakaabheeri abhakori bha obhusarya. Nawe, kwa okubha muragamba ega, murarora, kiyo nkyo kirakora muratama na obhusarya bhwenyu.”

Abharuumi 7:12

Kora ego, emanyikane ega, amaragiriryo m-marabhu, na emigiro gyago gyonse, m-mirabhu, n-gya obhuheene, na ni-njomu.

Abhagaratia 6:2

Mubhenga murabheerana emijigo emirito. Kwa okukora ego, nho, murakunaanʼya amaragiriryo ga Kiristu.

1 Abhatesaronike 4:2

kwa okubha mumanyiri bhujomu, amaragiriryo ganú twabharagirirya kwa obhutungi bhwa Omukuru Yeesu.

1 Timoteo 6:14

ogumye amaragiriryo gayo gonsego bhwaheene na bira okugasarya, okuhikira hanú Omukuru weetu Yeesu Kiristu ariija.

Abhaebhurania 10:26

Nyoore turagendererya okukora obhusarya bhuseri, enu twamara okumanya obhuheene bhwa Waryubha, mbe kitariho ekimwenso ekindi kinú kiratura okuturaama obhusarya bhwetu.

Yakobho 4:17

Mbe, kira unú amanyiri okukora amajomu, nawe atakugakora, hayo arakora obhusarya.

2 Petero 3:2

Ndeenda muhiituke amangʼana ganú abharooti bha Waryubha bhaaroota akare hayo, na amaragiriryo ga Omukuru na Omutuurya ganú abhatumwa bheenyu bhaabhareetera.

Yuda 1:3

Abhahanje bhaani, naaringa ndeegomba bhukongʼu okubhangʼoorera eguru ya obhutuurya bhunú turasanga bhonsego hamwi. Nawe bhoono, naaruuji ega, ndeenderwa mbangʼoorere, naho mbakomererye ega, mwibhagirire obhuheene bhwa eimani bhunú Waryubha yaagwatya abharabhu bha omutima rumwigo kwibhaga ryonsego.