2 Petero 2:2 - Eriragano Erihya

² Abhantu abhaaru bharigwata eginjira gyabho egimbiibhi. Na kwa ekisigo kya abheehigirya bha obhubheehi bhayo, abhantu abhandi bharibhanga bharatuka enjira ya obhuheene.

2 Petero 2:2 ပူးပေါင်းရင်းမြစ်များ

Mataayo 22:16

Kimwi, bhakatuma ku Yeesu abheehigira bhaabho, na abhantu abhandi bhanú bhaaringa abhabheeri bha omukama Herode Antipa. Bhayo bhakamwinogorya ega, “Ee Omwihigirya, tumanyiri ega, uuwe m-muntu wa heene na ega, oreehigirya obhuheene eguru ya amangʼana ga Waryubha. Tumanyiri ega, uuwe otakoobhoha omuntu wowonse, kora akaabha omutungi wa eguru.

Mataayo 24:24

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo ebhyaru na ebhiruguuryo. Bharikoranga ego, naho bhature okungʼeena, kora abhasorwa bha Waryubha.

Mataayo 7:14

Nawe, ekiseku kinú kirabhata mubhuhoru n-kinyintu, na enjira ya okubhata eyo, n-nyintu. Abhantu bhanú bhariirora, m-bakego.

Mariko 12:14

Bhakagya bhakamukeerya ega, “Ee Omwihigirya, tumanyiri ega, uuwe m-muntu wa heene na ega, otakoobhoha omuntu wowonse, kora akaabha omutungi wa eguru. Uuwe oreehigirya obhuheene eguru ya amangʼana ga Waryubha. Bhoono, okuringʼaana na amaragiriryo ga Waryubha, tureekiriribhwa okutobha erigooti ku Kaisari, kasi-ha?”

Mariko 13:22

kwa okubha bhariibhuka abharooti bha obhubheehi na abhantu bhanú bharibhanga bhareebhirikira ega, mbo Kiristu Omutuurya. Bharibha bharakora ebhimanyiiriryo na ebhiruguuryo, naho bhature okungʼeena, kora abhasorwa bha Waryubha.

Yoana 14:6

Yeesu akamukyukya ega, “Oni nooni enjira, na obhuheene, na obhuhoru. Atariho omuntu wowonse unú aratura okuuja ku Taata nyoore atarahitira kuoni.

Amakorwa ga Abhatumwa 13:10

akamukeerya ega, “Uuwe omwana wa Erisambwa! Uuwe omusigu wa gonsego ganú garingi ga obhuheene embere ya Waryubha! Wijwiri obhungʼeenererya na obhukorokombanʼya, otaritiga okugihabhya eginjira gya Omukuru Waryubha ginú giimiri!

Amakorwa ga Abhatumwa 14:2

Nawe, Abhayahudi abhandi, bhateekirirya, bhakaamba okusiigirirya abhandi bhanú bhataringi Abhayahudi, naho bhabhajimire abheekirirya bhayo.

Amakorwa ga Abhatumwa 16:17

Omuhara uyo, akabha aramuseeta Pauro na bheetu, enu aratema ekituri ega, “Abhantu bhanu, m-bagaya bha Waryubha wa eguru ya bhyonsego. Bheeki bharabharaarikira kya ego muratura okutuuribhwa!”

Amakorwa ga Abhatumwa 18:26

Apooro akasoha mwisinagogi rya Abhayahudi, akaamba okwihigirya abhantu kwa ekituunyo bhukongʼu. Pirisikira na Akira, hanú bhaamwigwa areehigirya, bhakamugega, bhakamoonjoorera enjira ya Waryubha kwa obhuheene bhukongʼu.

Amakorwa ga Abhatumwa 19:9

Nawe, abhandi bhakakora emitima gyabho emikongʼu. Bhakabha bharaanga okwikirirya amangʼana eguru ya Yeesu, bhakaamba okugajabhura embere ya omuganda gwa abhantu. Bhoono, Pauro akatigana nabho, akaahura abheekirirya, akabha arahaira nabho hamwi na abhantu abhandi mwidarasa rya Tirano.

Amakorwa ga Abhatumwa 22:4

“Naanyankyanga bhukongʼu abhantu bhanú bhaagwatanga Enjira ya Omukuru Yeesu, kora abhandi naabheetanga. Naagwatanga abhasaaja na abhakari, ndabhabhoha mwigereja.

Amakorwa ga Abhatumwa 24:14

“Nawe, ndeekirirya embere yaaho ega, ndamusyengera Waryubha wa bhajaaji weetu na ndagwata Enjira ya Omukuru Yeesu inú bheeki bharabhirikira ega, ni-dini ya obhubheehi. Hamwi na gayo, ndeekirirya amangʼana gonsego ganú garagambwa na amaragiriryo ga Musa, na ganú gaangʼoorwa mubhitabho bhya abharooti.

Abharuumi 2:24

N-kya ego Amangʼoore Amarabhu garagamba ega, “Eriina rya Waryubha riratukwa na abhantu bhanú bhataringi Abhayahudi, okurekana na amakorwa amabhiibhi ganú murakora.”

1 Timoteo 5:14

Mbe bhoono, oni ndeenda ega, abhasino bhanú bhataringi abhagotu, bhabhenga bharatetwa bheebhure, bhabhenga bharaangararira emigi gyabho, bhatige okuhaana abhasigu omweya gwa okutugamba obhubhiibhi.

Tiito 2:5

Kweki, abhahara, bhabhenga abhantu bha okwiribhira, bhabhe na emitima gya heene, bhakorenga bhujomu emirimu mumigi gyabho, bhabhe abhantu bha heene, na bhasuukenga abhasaaja bhaabho. Obheehigirye bhakorenga ego, naho bhatakora eringʼana rya Waryubha rijeerwe.

Tiito 2:8

Ameehigiryo gaaho, gabhe ga obhuheene ganú gatakuhakaanibhwa na abhantu. Okorenga ego, naho nyoore omuntu areenda okugahakaanʼya, arore eginsoni, kwa okubha ataanyoore eringʼana rya okutugamba obhubhiibhi.

1 Petero 2:12

Mukore amajomu kubhanú bhatamumanyiri Waryubha, naho nyoore bharibhahaamirirya ega, muringi abhabhiibhi, bharore amakorwa geenyu amajomu. Nho, bharimugungya Waryubha kurusumo rwenyu, orusiku rwa okuuja kwaye.

2 Petero 2:12

Abhantu bhayo, bharatuka amangʼana ganú bhatamanyiri. Bheeki n-kya egintyenyi ginú gitaana obhungʼeeni, gyeki gireebhurwa, giramara giragwatwa, na okwitwa! Ego niigo Waryubha aribhasikya abheehigirya bha obhubheehi bhayo.

2 Petero 2:15

Bhatigiri enjira inú iimiri, bhaahabhiri na okugwata enjira inú Bharamu, omwana wa Bheori yaagwata. Weeki yaahanja okunyoora obhuniibhi kwa enjira ya okukora obhusarya.

2 Petero 2:18

Kwa okugamba amangʼana ga okwirora na ganú gataana obhwera, bharabharuta abhantu bhonse bhagwate orunamba rwabho orubhiibhi rwa omubhiri. Abhantu bhayo bhataana eribhaga eritambi, okurwa kya ego bheeyahura okurwa kubhakori bha amabhiibhi.

2 Petero 2:21

Ekaabheeri bhujomu kubheeki, nyoore bhatakaamanyiri kora hake, enjira ya obhuheene iyo, okukira okuimanya, bhamare bhatige amaragiriryo amarabhu ganú bhaahaanwa.

2 Petero 2:7

Nawe, Waryubha yaamutuurya Ruutu, omuntu omuheene, unú yeetwa omutima bhukongʼu, kwa eginteemo egimbiibhi egya abhantu abhasarya bharya.

Yuda 1:10

Nawe, abhantu bhayo bharatuka amangʼana gogonse ganú bhatagamanyiri. Bharisikibhwa kwa amangʼana ganú bhagamanyiri, na bharagakora kya egintyenyi ginú gitaana obhungʼeeni.

Yuda 1:15

naho abhuturire ekiina abhantu bhonsego na okujibhya bhonsego bhanú bhatakumwigwa. Aribhajibhya kwa amakorwa gaabho amabhiibhi gonsego, ganú bharakora kwa okwanga okumwigwa weeki, hamwi na amangʼana gonsego amabhiibhi ganú abhakori bha obhusarya bhayo, bharagamba eguru yaaye.”

Yuda 1:4

Ndabhangʼoorera enyarubha inu, kwa okubha, abhantu nyabhurebhe bhanú bhatakumwigwa Waryubha, bheesoherye gati yeenyu bhugunyi na okwisanganʼya na bheenyu. Abhantu bhayo, bharagamba ega, eriruguto rya Waryubha weetu rirabheekiririrya okugwata orunamba rwabho orubhiibhi rwa omubhiri. Na bharamwanga Yeesu Kiristu, Omukangatya na Omukuru weetu omumwemwe. Nawe, okwambira akare yaangʼoorwa ega, abhantu bhayo, bharibhuturirwa ekiina kya ego abhandi bhaamara okubhuturirwa ekiina.

Yuda 1:7

Kweki muhiituke abhantu bha mumigi gya Sodoma na Gomora, na bharya abha mumigi gya haangʼi. Abhamenyi bha muyo bharahunkana kya bhamaraika bhayo. Bhaaringa bharakora obhusimbe na okugwata orunamba rwa omubhiri runú rutakutuubhana na kya ego bhaabhumbwa bheekare. Waryubha akabhajibhya kwa okusambwa mumururo gwa koko, naho okukemera abhantu bhonsego.

Obhukundukuri 12:9

Erijoka riyo, rikeeswa mukyaro. Riyo ndyo enjoka ya akare inú erabhirikirwa ega, Omusarya kasi Erisambwa. Ryeki ndyo rirangʼeena abhantu bhonsego mukyaro, naho bhamwange Waryubha na bhakore obhusarya. Maheene ryeeswa mukyaro hamwi na bhamaraika bhaaryo.

Obhukundukuri 13:14

Gonse gukabhahabhya abhantu bhanú bhamenyeri mukyaro kwa ebhimanyiiriryo bhinú gwahaanwa okukora, kurusumo rwa ogutyenyi gwa mbere gurya. Gukabhakeerya abhantu bhabhaaje ekisusano kya okusuuka ogutyenyi gwa mbere gurya, gwaringa na ekironda kya omuhyu, nawe, gukahwena gukagendererya okubha oguhoru.

Obhukundukuri 13:8

Abhantu bhonsego bhanú bhamenyeri mukyaro, bharisyengera ogutyenyi guyo. M-bantu bhonsego bhanú amariina gaabho gataangʼoorwa mukitabho kya obhuhoru bhwa koko eribhaga rinú ekyaro kyabhumbwa. Ekitabho kiyo n-kya Omwana wa Eringʼondi unú yaagoogwa.